天地既主,世界既王,願你黎,做我地既王,將你既說話教導我地,將你既王權係我地身上實現,奉耶穌基督既名祈禱,阿們。
今日既講題,未聽過既人可能會覺得好繞口,唔知講咩。我其實以前都冇留意得好貼,就黎讀完書先聽到有人咁講:
(叮噹/哆啦A夢網上圖片)
技安/胖虎搶人野果時就係講呢句「你既野係我既野,我既野都係我既野」。
出賣年齡系列:兩個譯名寫晒係因為兩個都聽唔少
我地會睇下呢句點樣係聖經出現。
我地一開始睇到,係冇王管既士師時代,以利米勒(我既神係王)一家全家男人死清光。
路得記1:1-5
//1 當士師治理的時候,猶大地發生饑荒。有一個人帶著妻子及兩個兒子離開猶大的伯利恆,去摩押地寄居。
2 這人名叫以利米勒,妻子名叫娜娥米,他兩個兒子名叫瑪哈隆和基利雍。他們是以法他人,來自猶大的伯利恆。他們到了摩押地,就留在那裡。
3 後來娜娥米的丈夫以利米勒去世,剩下她和兩個兒子。
4 他們都娶了摩押女子為妻,一個名字是娥珥芭,另一個是路得。他們住在那裡約有十年。
5 後來,瑪哈隆和基利雍二人也死了,剩下娜娥米,沒有兒子,也沒有丈夫。//
呢個係搵野食既故事。伯利恆(糧倉)冇野食,先去摩押。1:2題到另一個地名,以法他,其實都即係伯利恆:
創世記35:19
//19 拉潔死了,葬在通往以法他的路旁;以法他就是伯利恆。//
猶大寡婦娜娥米,帶住摩押寡婦娥珥芭(硬頸)同埋摩押寡婦路得(遲下先講個名),冇男人即係冇經濟能力,去邊度乞食好?猶大好,定摩押好?係呢個時侯,經文講左一個好唔顯眼既名:
路得記1:6
//6 娜娥米帶著兒媳婦起身,從摩押地回去,因為她在摩押地聽說耶和華眷顧他的子民,賜糧食給他們。//
係耶和華。耶和華眷顧,會點?對佢搵兩餐都成問題既三個寡婦,耶和華「賜糧食給他們」。
呢一句,其實係一個文字遊戲。「糧食」呢度讀做 לחם lachem(伯利恆個利恆),「給他們」係 להם lahem,連續兩個字讀音好近,寫法都好近。
(ch 唔係廚房個廚音,亦都唔係徐晃個徐音,而係用喉嚨發既 h 音,好近普通既 h 音。可以入去聽下: https://en.wikipedia.org/wiki/Voiceless_pharyngeal_fricative 。而且原文冇揀到單數既「給他」 לו lo,他=百姓,接返上一句其實用單數先自然。)
咁樣玩法,即係特登要讀者留意「糧食」。冇野食係現實。
耶和華係背後出現,聽講耶和華會比野食佢地。
有時唔覺唔覺,神都會係我地既思想上面短暫咁出現。
我地好緊張既事,聽講耶和華會解決。
緊張咩呢?我幫唔到大家,自己最清楚。
之但係諗到神,係咪真係會落實下一步向呢個方向行?
帖撒羅尼迦前書5:19
//19 不要滅了聖靈的火,//
既然係咁,娜娥米就決定返猶大,起碼有野食。
咁兩個新抱返去邊度?起碼返摩押係自己地方啦。於是娜娥米搵左好多個方法勸佢地返去。
路得記1:7-9a
//7 於是她從所在的地方出去,兩個兒媳婦跟著她,她們起程回猶大地去。
8 娜娥米對兩個兒媳婦說:“走吧,各自回娘家去吧!願耶和華以忠誠之愛對待你們,像你們以忠誠之愛對待已死的人和我一樣。
9 願耶和華賞賜你們,使你們各自在自己丈夫的家中找到歸宿!”……//
第一點:返娘家。
直譯係「返母親既家」,呢個係好唔尋常既講法,好多時都係講「父家」,一般就算係要講清楚一個名代表邊個女人,都係講佢由邊個男人生出黎(例如 創世記26:34)。特別講到母親,就同生育更加大關係。返母親既家,再嫁過,起碼有得再生,唔洗絕後,亦都有男人靠,唔洗乞食。
講完返娘家,講既係兩句「願耶和華」既祝福。
結果,兩個新抱都唔聽勸。
路得記1:9b-10
//9 ……然後,她親吻她們,她們就放聲大哭,
10 對她說:“我們要與你一起回到你的族民那裡去。”//
既然佢地唔聽,娜娥米就用第二點黎勸:生唔到丈夫。
路得記1:11-13
//11 娜娥米說:“回去吧,我的女兒們!為何要跟我去呢?我腹中能再有兒子給你們作丈夫嗎?
12 回去吧,我的女兒們!走吧!我太老了,不能再有丈夫。就算我說我有希望今夜有丈夫,而且生了兒子,
13 難道你們就等他們長大嗎?難道你們就不許自己嫁人嗎?我女兒們,不行啊!其實我比你們還要苦得多,因為耶和華伸手攻擊我。”//
今次娥珥芭返去摩押,路得唔返。
路得記1:14
//14 她們再度放聲大哭。娥珥芭與婆婆吻別,路得卻緊跟著娜娥米。//
娜娥米三度勸路得返摩押,提出新既一點:族民同神明。
路得記1:15
//15 娜娥米說:“看哪,你嫂嫂已經回到她的族民和她的神明那裡去了。你也跟著嫂嫂回去吧!”//
拎埋民族(可以拉埋政治)原因、宗教原因黎講。呢D都係好多人捉得非常之實,極之難改變既立場。點都估唔到既,係路得既回應:
路得記1:16-17
//16 路得卻說:“不要勸我離開你,轉去不跟隨你。你往哪裡去,我也往哪裡去;你在哪裡過夜,我也在哪裡過夜;你的族民就是我的族民,你的神就是我的神。
17 你死在哪裡,我也死在哪裡,並且葬在哪裡。除非死亡使你我分離;不然,願耶和華嚴厲地對付我。”//
你既野係我既野。包括:去既地方、過夜既地方、族民、神、死(葬)既地方。
呢個係死都唔走,硬頸到不得了既路得,點都要跟住娜娥米返猶大。冇錯,摩押女人路得係「返」猶大,唔係「去」猶大。路得已經先當左猶大係佢屋企,果度有自己屬於既娜娥米,有自己屬於既地方、有自己屬於既以色列人、有自己屬於既神。
最尾呢幾句,係唔可以掉轉講。猶大地、猶大人係咪真係屬於路得自己既呢?唔一定架喎。
睇一睇成章既結尾就知:
路得記1:18-22
//18 娜娥米見路得堅決要跟她去,就不再對她多說了。
19 她們二人行走,一直來到伯利恆。當她們來到伯利恆的時候,全城因她們騷動。婦女們說:“這是娜娥米嗎?”
20 娜娥米對她們說:“不要叫我娜娥米,要叫我瑪拉,因為全能者使我吃盡苦頭。
21 我滿滿地出去,耶和華使我空空地回來,你們為甚麼還叫我娜娥米呢?耶和華控訴我,全能者降禍於我。”
22 娜娥米回來了,她和兒媳婦摩押女子路得一起從摩押地回來。她們來到伯利恆,正是開始收割大麥的時候。//
我既野都仲係我既野。摩押女人既身份,講左兩次:「摩押女子」、「從摩押地回來」。呢句係旁白講既,但係猶大地既人一樣係咁講:
路得記2:6
//6 監督收割的僕人回答:“她是摩押女子,與娜娥米從摩押地回來。//
「摩押女子」、「從摩押地回來」。
由呢度可以睇出幾點。