【四月新番】 吹響吧！上低音號 3 討論區 (3)

冰菓實在太勁
我睇返小說
根本無個種氣氛
個時啱啱開始睇動畫
以為套套都會咁
之後睇其他 例如學園祭
其他都勁鳩

真由個角色小說從來都唔係冇用
但動畫改編之後亦都冇改加強或者改變左咩作用
真由小說又好 動畫又好
唯一作用都係比困難久美子 令到久美子可以成長
動畫比小說優勝既地方係
佢補充左真由既想法同動機
令到成個角色唔再係無黎目的既劇情工具人
成個角色變得真實同飽滿
行動亦都變得合理
呢點動畫係做得好好
但亦唔見得真由吹同唔吹會有咩改變
完全唔明點解會話真由唔吹個角色就冇用
亦唔明點解話比真由吹係令到久美子覺醒目標既原因
明明動畫久美子投票之前已經放棄左音大同交左進路表

依家套野既主題係努力同成長
但動畫交既答卷就係
努力係無用嫁
人地勁啲你點努力都係追唔到
不如改變賽道算啦
請問咁又係咪真係好點題呢？

同意動畫努力改小說做得唔好既地方
有啲位佢係改動或者補充得好好
例如有嘗試軟化麗奈既態度
令到佢識體諒同稱讚新人
又會主動同久美子和好
咁但係係咪只要動畫嘗試過
改得唔好既地方就唔可以批評呢？

冇打鬥，冇劇情，垃圾動畫

我想問如果不是口號式的目標,部員一開始訓練會那麼懶惰嗎?
久美子的青梅學姐(退部的)會說:[我們部去年和前年的目標都寫了全國大賽,但應該沒人是認真的]?
明日香會說:[會不會覺得有些寂寞,那麼快樂的時光就快要結束了]?
明日香會覺得誰吹solo也無關緊要?

武本康弘同仲在生,山田尚子仲係京都動畫
可能又有唔同結果

呢一刻睇返12集塊白布應該就係為左唔畫吹樂器而設計

你唔覺得你依兩點係自相矛盾咩？

如果動畫一直強調其實真由係吹得好過久美子都算
但我諗起碼以動畫既表達方式黎講唔係
佢甚至係不斷強調兩個人實力相約

佢咁改之後 過份突顯左真由對北宇治拎全國金既重要性
更加弱化左其他54個正選 同其他落選同學既努力
令到佢地既努力變得可有可無

嘅然你都識話動畫一直説明久真實力相約，咪意味住不論係久定真soli都對北宇治能否奮金嘅影響不大，整個吹奏部嘅水平先係能否奪金嘅關鍵，反而強調咗其他部員嘅努力嘅重要。

如果久真嘅實力有如當初香織麗奈差距咁大，你嘅第二個論點先「可能」成立。話「可能」係因為如果久真實力差距大，真贏得soli並最終奪金，難免會令人覺得北宇治靠外援奪金。但個重點係，真由並唔係咩「外援」，尤其經過咗第十二集同久美子交心，並喺全部員面前，獲得部長久美子嘅肯定之後，真由已經係明正言順嘅北宇治吹奏部嘅部員。真由嘅努力，同樣係北宇治吹奏部部員嘅努力。

如果話依家咁改 係想個重點放落久美子既個人成長到
久美子超脫現實聖人式 安撫對手 鼓勵隊友 犧牲小我 完成大我就係成長？
咁點解 經歷唔同問題 排除所有障礙 專心練習 突破自己 就唔可以係成長？
因為唔現實？ 問題係依家動畫咁改又好現實咩？

首先我唔認同久有幾聖人，正如明日香所言：「堅持實力至上嘅選拔就係久美子嘅任性。」如果久真係聖人，咁佢就應該體諒真由，放棄自己嘅堅持，允許真由退選。對於久美子嚟講，放棄自己嘅堅持，係遠比失去soli一席更難受。因為係依一份由麗奈所啟發嘅堅持，先至開啟咗久美子，以至整個北宇治吹奏部嘅奪金故事。否定依一份堅持，等於否定久美子嘅經歷，否定咗成個故事嘅根本。正因為久美子唔係聖人，所以佢係唔會想去否定依份堅持。

咁點解 經歷唔同問題 排除所有障礙 專心練習 突破自己 就唔可以係成長？
因為唔現實？ 問題係依家動畫咁改又好現實咩？

無錯依個都可以係成長嘅方向之一，唔揀依個方向並非現唔現實嘅問題，而係另一方向更加扣題。正如我上個reply所講：

明日香講過：「我從來未遇過你依種咁似上低音號嘅人」。比起做「最好嘅上低音號演奏家」，「聯繫所有人，同心獲得全國金獎嘅部長」依個稱號更乎合久美子嘅人設，更能呼應故事嘅標題「吹響吧！上低音號」。

上低音號，通常都唔係合奏中嘅主角，唔係演奏主旋律嘅樂器；但佢温暖柔和嘅音色，可以創造出豐富嘅和聲，係支撐整個合奏嘅重要一員。

學生個人點睇個目標係一回事
瀧點睇學生嘅集體決定係另一回事
應該唔可以混為一談吧

成長唔一定係同音樂相關，亦都唔一定係演奏技巧

久美子雖然音樂上比唔上真由
但經歷完今次嘅風波，久美子內在嘅價值觀，做人處事各方面嘅成長，可能係你忽略左嘅點
努力完失敗唔緊要，最緊要追逐嘅過程有所成長，我諗依樣係編劇同導演想表達嘅事

令久美子選唔上，可以更加體現到依點，所以佢哋選擇左咁做。

至於改得好唔好就見人見智，動畫始終係一種娛樂同消遣
每個人想係動畫入面得到嘅嘢都唔同，我覺得自己睇得開心最緊要

講鋪排 我反而睇到喺音樂會霙話想像唔到佢讀音樂大學 就知道久美子唔係最頂級嘅果班 冇solo反而正常

一開始投票選全國出場本身就係用群眾壓力去迫人不去投反對票的.久美子和葵的對話[但像今天這樣被問目標...大多數人都會擧手表示想全國出場...大人真狡猾]在證明這點.
之後瀧昇的行動是以全國出場的目標在推動學生去練習,例如你們水平不夠就別去Sun Fes的(意思大概是這樣).學生為去Sun Fes加練了.

無用係我用錯詞
應該係指佢原作係工具人嘅問題
自膠咗

亦唔明點解話比真由吹係令到久美子覺醒目標既原因

我唔係話俾真由吹先係令久美子覺醒目標既原因
係個過程令到佢咁做
記唔記得久美子喺office要求taki比部員盲投
嗰度係決定進路之前

依家套野既主題係努力同成長
但動畫交既答卷就係
努力係無用嫁
人地勁啲你點努力都係追唔到
不如改變賽道算啦
請問咁又係咪真係好點題呢？

只可以講唔同意
睇返誓言久美子同奏喺雨中日式奔跑已經講過
努力咗唔代表一定會有你所要嘅成果
但係會以其他方式出現
久美子喺過程之中搵到哩個賽道好差咩
再加上投票都係輸少少啫 唔係你講到嘅完全敗北

同埋mizore都想像唔到佢入音大啦
唔啱就係唔啱 就係咁簡單
有能力亦唔代表適合

同意動畫努力改小說做得唔好既地方
有啲位佢係改動或者補充得好好
例如有嘗試軟化麗奈既態度
令到佢識體諒同稱讚新人
又會主動同久美子和好
咁但係係咪只要動畫嘗試過
改得唔好既地方就唔可以批評呢？

喇 我無咁講過
只係你之前話不如唔好改我先咁講

btw麗奈和好果part講聲對唔住就係成長嘅話
嗰陣睇到一頭霧水
同埋第4集稱讚新人嗰度幾集之後佢變咗瀧衞兵屌新人
咁樣叫成長嘅話我係完全覺得寫得唔好
不過哩樣唔講喇

都同意既
最緊要自己開心
只係會諗 咁多人都讚改得好
會唔會有啲咩野位自己睇少左啲咩
令到自己個評價唔岩呢
點知講左成日
發現係冇既
只係理性vs感性
算啦 心淡了 唔講了
只係好意外原來今時今日咁多人睇動畫係咁卑微
覺得製作組比咩你睇 就全數接收
一啲自己反思既位都冇

話久美子演奏水平唔夠呢點放響第12集前半根本就講唔通
如果佢個演出水準同黑江真係有差距，好似揀第二次soli時咁，瀧根本上係唔需要猶豫秒揀黑江繼續soli，掉轉同理
咁其實就證明久美子個演奏一定係夠水平(都唔駛提番黑江本身幾勁)
只係有更勁的學姐們、特別係明日香先至顯得佢唔夠叻

久美子個問題從來唔係佢唔夠level，而係佢想唔想行演奏條路，去到睇演奏會那一集先決定唔去音大
當然動畫當下無特別詳細講佢咩理由，但點計佢都已經放低左呢樣野
結果12集後半又變成佢個debuff，個劇本邏輯響邊？

麗奈唔係冇提過久美子架喎，關西前咪提過佢。
細個揀愛情係邊到嚟，明明係同朋友嘈完好sad返到屋企先第一次見瀧昇（至少動畫入面係咁，原作冇睇過唔清楚），你講到好似佢為咗愛情先同朋友嘈咁
麗奈雖然鐘意瀧老師，但唔認同佢會為咗瀧而放棄原則。

如果瀧昇是如你所言是順應大家意思的人,在學生偷懶不練的時候,就會直接給他們去Sun Fes了,而不是去說不練夠水平不能去Sun Fes了

Btw，有一條片我希望大家都拎20分鐘出嚟睇睇：
https://youtu.be/33o6HEK6MBk?si=QC9zfDvOHaGeJ66E
純粹就係一個subbed數唔高嘅鬼佬youtuber講點解佢咁鍾意京吹（第一二季）
當初我第一次睇嗰陣真係睇到哭咗

台詞、畫面同音樂配合得天衣無縫。
對劇情同主題嘅了解透徹，20分鐘嘅片，啲劇情總結起上嚟言簡意賅，唔會漏咗任何重點。
最重要係佢肯剖析自己，表達自己嘅處境，好坦誠咁講京吹對自己嘅影響。

佢都有為兩套劇場版出片，有興趣都可以睇埋。

我自己對今季有好多嘢想講，但我諗還掂依個youtuber都好可能會出片講第三季，並且好可能同我有差唔多睇法，我就懶得打字了。我依兩個post打嘅字已經太多，手軟

識嘢
可惜佢依家唔做了
凈係哩排有第3季出山出翻幾條shorts

京阿尼每集原畫不嬲少人
第二季有時得5個原畫
不過大火冇左好多人材係真既

冇話佢水平唔夠 話佢唔係最頂級果班咋喎
久美子未到明日香水平你又睇到 但第一集久美子聽到真由吹上低音號第一下以為係明日香你又睇唔到

其實係因為你唔記得呢啲細節先會睇唔到個邏輯

三年級入面都係堺萬紗子同井上順菜最靚女

https://twitter.com/anime_eupho/status/549007064719044609

我眼中嘅瀧冇機心重成咁，由day 1已經plan好哂
當然佢係背負住亡妻嘅心願，想去幫佢實現，甚或都可能會有想引導大家嗰種諗法
但同時唔似係會違背佢尊重學生嘅自主性依個大原則

反而似係望到大家嘅決心同potential，先決定一併完埋亡妻個願望
有啲似明日香口中所講，唔係有咗答案先行動


第二季瀧老師向久美子輕輕提完佢亡妻心願之後
久美子內心獨白：

瀧老師冇再多講啲咩
大概係唔想將佢個人原因強加喺我哋身上吧

可以睇得出吧

今季有釜屋燕之後井上順菜好多鏡頭 聲部會議仲要有對白

想知哩個邊個嚟

如果瀧昇是如你所言是順應大家意思的人,在學生偷懶不練的時候,就會直接給他們去Sun Fes了,而不是去說不練夠水平不能去Sun Fes了