【四月新番】 吹響吧！上低音號 3 討論區 (3)

笑死

Q.この場所(ごみ置き場横)で練習している部員はいるの？
A.残念ながらいません(笑)(ここで練習してはいけない決まりはないのですが誰もここには練習しに来ません笑)
ただし、4階渡り廊下で練習する部員はちらほらいます。

係時候要做宇宙最強
https://x.com/ameoisiii_/status/1807130723352236364

已經算係有交代到.. 如果可以做兩季就好

所以今次點解咁多人覺得今季觀感咁差
(其實日本同歐美同我本人都唔覺，有少少爭議之下評分依然好高，但你睇連連登呢度都鬼咁多怨言)
同埋近幾年紫羅蘭、Free兩個劇場版、女僕龍S、弦音2我見都係keep到以前水平喎

第三季宣佈出嗰陣即刻翻睇曬頭兩季同劇場版，睇完今集結局真係好唔捨得，咁就9年。

一開始我已經覺得作者寫真由呢個角色出黎太過冇野搵野黎搞，咁啱喺強校吹上低音號又咁啱要爭同麗奈合奏，加埋你地講到佢原作咁樣，但至少動畫冇令我覺得真由淨係一個推動劇情既工具人，而獨奏結果咁改我覺得係更加貼題同好睇 (當然唔否認舖排上做得差)。

今集大結局平平淡淡，不過不失，第三季比唔上頭兩季但係都好好睇，我諗大部分問題加多幾集時間去疏理下會好好多，呢點好可惜。

完滿結束 好感動

多謝京阿尼, 雖然唔記得左已經幾多年, 但真係一套好作品
都唔知仲有無機會見到呢個IP既作品了

真由終於肯同人影相

一年之詩串流平台出咗
到soli果part真係有啲sad
但係正正係呢一年久美子同部員大家跨越過所有難關先組成嘅ベストメンバー
先交得出來呢首攞到金獎嘅作品
邊個吹soli已經唔係重要
變得有種遺憾美
證明咗之前所有犧牲其實都係值得
我又唔覺得觀感太差嘅

原來日本都一樣讀唔成書先做教畜

多重責任
本身武田寫三年級個故事本身已唔係寫得好
為左有空間比久美子成長 好多人物同矛盾都係唔合理
（最好既例子真由小說真係成個工具人咁）
加上京吹為左跟返一直既百合路線
將差唔多全部秀一既戲份都改左比麗奈
好多位又強行復刻返第1 2秀既畫面
令到動畫版個觀感更加奇怪
另一方面 京都動畫火災之後走左太多核心人物
人手支撐唔起足夠既內容量 同高難畫面
令到成季都好趕 演奏既畫面幾乎冇晒
成個觀感同第一 二季真係冇得比
同埋我諗最關鍵既係花田為左佢果套青春遺憾美學
改左久美子冇得soli
令到班真愛小說黨都幫唔落口
成季本身積積落落既不滿一口氣爆晒出黎
我諗大部份讀者都知
可能小說寫久美子最後拎到soli位個過程都唔係太好
大家都期望動畫係完善返呢個內容
但點估到你真接寫輸佢
11集尾明明放棄左音大
12集頭又決定埋出路
又同麗奈和好返 同真由又好好傾過
根本可以寫久美子解決所有心結
專心一致發揮好過真由
過左成個星期都真係接受唔到咁改

D回憶過場

聽到金獎之後同久美子一樣眼濕濕

最後一季
好趕，無演奏，無soli，無秀久
對我嚟講已經無所謂
有第三季>無第三季

人生就係有遺憾，下下都事事順利先唔合理d人話咁改到久美子好慘，其實呢d少少既挫折先夠真實，有咩咁慘

先唔好講 12集之前既內容係咪真係叫
事事順利 冇挫折 唔慘先
但唔該唔好成日用“真實”去合理化佢個改編先啦
首先講明 成段投票都係動畫原創既
如果話實力真係接近到連玩左音樂幾十年既瀧老師都分唔到既話
班評判眼中分別會大到可以決定金銀銅之分？
搵班頂盡玩左10年8年都冇既學生會分到咩？
仲有 你班學生實力有高有低
綠既一票同葉月既一票含金量一樣？
搵學生投既意義係咩？
1年級果陣就話要解決用人唯親既不信任問題姐
3年級有咁既需要？
你瀧老師覺得真由好啲既話
點解唔直接搵真由吹要攪場大龍鳳？
久美子關西賽前講既野係廢既？
你話想隱定軍心既話 直接搵久美子上唔好？
久美子冇功都有勞 一 二年級都係佢手把手帶大既 會有人唔服咩？
就算真係要投票既話 都係搵新山果班專業人士投啦下話？
呢段情節除左夾硬復刻第一季之外
諗唔到有咩用 更唔好話真實 合理
現實係 冇一個樂隊老師會係實力咁接近既情況之下
搵個轉校生黎取代玩左3年既部長囉
真係當打機 睇到邊個能力低高啲就邊個上 完全唔使諗士氣問題咩

再講 如果最後拎到全國金係因為soli轉左真由吹
觀眾之外 你做中學生既會點諗？
或者戲內其他人會點諗？
有幾多會覺得多得久美子部長英明領導
又有幾多會覺得多得真由轉左黎carry
大家心照啦
完全唔明點解會有師兄話久美子做部長拎全國金價值大過吹soli

如果你真係要玩遺憾美
我情願你比久美子吹soli之後拎全國銀
都好過比真由吹之後拎全國金
比着我係久美子
我情願10年之後諗返係
呀 當年雖然拎唔到全國金係好遺憾 但起碼我同麗奈都盡最大努力去爭取過
都好過係 嘻 當年雖然吹唔到soli 不過靠真由大佬carry 拎左個全國金 叫做圓夢

好似係第一次見有動畫暗示covid

想問呢張嘅前一張嗰班係咩人嚟？


另外，覺得黃前勁唔夾做顧問，感手佢做返一般上班族好啲，同埋佢做顧問咪勁多時間同瀧相處，隨時變NTR

應該係兩年前嗰班
嗰陣仲係中古師姐做會長企中間

睇錯
係早見

完