【四月新番】 吹響吧！上低音號 3 討論區 (3)

兩個實力差唔多 所以是但一個贏都唔會唔合理囉 唔係咩？

兩個實力差唔多 所以真由擔當soli贏 都唔見到冇佢就拎唔到金

兩樣都唔係好成問題𡃓

完結撒花
老實講就算計埋情感加乘最後嘅表現都只可以話中規中矩。成季都算壓抑嘅情況下，真心希望最後有一場盛大嘅concert嚟作結，可惜最後變左做慳錢mad

唔係話回憶唔好，但係都唔使成場都係度回憶㗎嘛，你要回憶未趁麗奈真由soli嗰陣回憶囉，反正久美子坐喺度冇咩做已經成季一場正經嘅演奏都冇，最後一場都用咁嘅方式演出多少有d失望

仲有比賽前用十幾廿秒show晒全員大頭同名又係莫名其妙，係咪真係冇第二個方式做介紹你出staff list嗰陣show下貼紙相連埋名都得㗎啫

結果就係成集趕頭趕命咩都cut晒，但係又好似冇講到d咩咁。如果慳晒d時間去整靚個concert，加返d交棒比後輩、秀一還髮夾、大嗰後偶爾同麗奈等聯絡之類嘅畫面，成個結尾會完整好多。

所以唔少話改得好d人
就唔明唔鍾意改那一派的人的不滿囉
既然兩個人都係差唔多水平，加埋久美子已經解決左好多之前的問題
咁久美子當選soli就算唔理所當然，都已經係叫有鋪排
結果硬係要玩鋪大

日日對住日久生情
久:麗奈你以前背叛我,依家都我背叛返你

比錢囉

你睇返上面
如果2個實力差唔多
比真由吹本身已經係唔合理
仲要瀧老師自己唔做決定 交比學生投票係更加唔合理
原因上面講左
補充多少少
你睇返成套動畫
除左燕之外 有邊個明確支持真由吹？
瀧老師自己都落唔到決定
葉月只係單單支持用實力決定
麗奈作為瀧老師堅定支持者 更加唔可能唔跟瀧老師關西賽方案
除非真由有明顯比久美子強 如果唔係現實比真由吹有咩好處？
劇情咁安排只係夾硬比個位久美子所謂既“成長”

真由同久美子實力相約
兩個人邊個上都有機會拎全國金先係事實
可惜上面好多師兄都因為動畫安排
誤以為左久美子 實力不如真由
完全無視左動畫本身想表達既設定
更加為左合理化個改編
認為投票好多都係同情票
比佢上就拎唔到金
可見動畫改編既失敗

可唔可以喺唔知幾多年之後出個總篇集劇場版係久美子當選solo

話改得好果啲人
唔多唔少只係想睇到啲唔跟傳統
主角必勝既套路
無疑咁既發展如果作為原創番
情緒表現同發展可能令人眼前一亮
但認真諗其實完全唔合理
更唔好話依家係小說改編

大膽啲
直接出久美子愛情故事
久美子吹soli之外
仲要補充返秀一啲情節

想蝕死京阿尼咩

仲要吹秀一

咁我又可以咁講啫
跟翻原作就一定好？
原作本身呢一部份都落墨不足
真由變咗推進劇情嘅工具人

其實唔係話依家改咗就係完美
但係支持唔跟原作
唔代表100%支持花田改咗出嚟嘅效果
一樣鋪排上都係有缺點
改好過唔改就見仁見智
但係唔好講到原作係完美先得㗎

唔好咁㒼塞同二元化思維得唔得

製作組12集為了魔改soli給出盲吹+盲選的理據也不合理.
有不少玩樂器的人指出合奏是要看配合的,看指揮/看另一位演奏者的肢體動作,眼神交流和吹氣呼吸等合作.在選拔中高坂就不可能去盲吹也不該有那一票.
關西大賽的成功奠定了瀧老師的權威,第11集部員的對話其實已經在交代關西後的風評了,也是認同選真由是合理的了.瀧昇就該負起責任,選下最後的solo. 就算瀧昇自己選不出,也是該找其他有實力的音樂老師幫手.而不是交給音樂水平不行的部員.
最後就是本季的吹奏演出鏡頭太少了,我們至少沒了Sun Fes, 兩次大賽吹奏演出,為了魔改soli吃了原本可以用在吹奏演出的時間.

唔係話一定要跟原作 唔比你改編
你一路改走晒秀一啲劇情又唔見好多人嘈？
其實好簡單
你一早鋪排真由吹得好過久美子
之後瀧老師直接做決定咪得
名門正選本身實力高過鄉下部長係合理嫁
瀧老師直接決定 對故事之後發展會有唔同咩？
但你依家為左個演出效果
或者話夾硬復刻第一季個投票情節
一直強調兩個人實力差唔多
然後用半集本來就好趕既劇情
去做個交比學生投票既鬧劇
作用係咩
除左商務考量 製造話題
賣情懷 同強制遺憾之外
諗唔到一個劇情發展上合理既解釋

本身原作平庸 認同
所以要改 合理
但改到咁就好多餘同失敗

上個po #820我有嘗試組織返瀧老師心路歷程
按嗰種解讀我覺得講得瀧嘅心理同行為都算解得通
不過我同意應該多返少少着墨

另外少演奏鏡頭依點 你覺得主因真係篇幅咩？
雖然我都唔想承認，但睇完最後一集我覺得另有原因吧
唔係話差 但見過顛峰狀態嘅京阿尼，會明白佢依家係的確有佢限制囉
所以我會更加明點解要做改編

為了魔改你必然要用更多額外的篇幅和時間去說服觀眾去接受魔改的原因,這是一個客觀事實.
至於現在京都有沒有能力不是為它沒做好的籍口,這季做得差了就是差了

比學生投票就係令唔滿意既人都心服口服囉，個結果係大家投出黎，點都服過老師一個人決定曬，關西大賽已經証明左人際關係都好影響演奏表現，要解決呢樣野就係部長既責任，你估老師直接比久美子吹就唔會有人反對咩？而家咪幾好解決曬所有問題

其實麗奈揀真由吹已經証明左真由既實力係勁過久美子，有時d野唔洗講到出曬面

我覺得可以做得更好嘅地方係久美子話佢輸在心中有猶豫依度，確實係冇乜交代過
但同時劇情都冇一啲要久美子未贏不可嘅鋪排，所以根本上就冇咩唔合理可言

兩個實力相當嘅時候，選人睇返audition嘅發揮係好正當嘅做法

麗奈係冇可能會揀久美子
因為咁係違背瀧老師之前關西賽既判定
按麗奈既性格 如果久美子真係唔夠真由勁
佢一早叫左佢去練
唔會講其他野
麗奈由細個彈琴同朋友嘈開始
係友情同愛情之間 都係揀愛情
始終如一

唔關關西賽咩事，而家係評價投票個日既演奏，如果久美子真係吹得好d麗奈一定係揀久美子，府大賽個陣老師都係揀久美子，所以唔存在要跟老師決定呢一點

你睇返我上面講
成套動畫燕之外
有邊個明確支持過真由吹？

第一季投票解決呢問題
但第三季係冇呢個問題
所以先話佢既復刻係夾硬黎

有冇諗過你講緊咩
如果一開始真由吹得好過久美子
咁不如跟翻原作算啦
個演出效果仲比依家仲格硬嚟
仲要唔扣題
變咗就算努力咗都係無用
帶來嘅最後都係絕望

就係55開嘅情況底下
久美子先尋找到自己嘅真理
搵到佢自己未來嘅方向
就係對所有人平等 哩個就係佢嘅理想
哩樣就係佢覺得可以令到同麗奈未來肩並肩一齊行嘅特別

我同意咁改係的確趕咗
鋪排係可以完善啲
但係唔同意你所講咁嘅係純粹為咗節目效果
我認為係昇華咗久美子哩個人物

要屌就點解要塞曬入13集
講真要多啲時間多啲資源去寫多季嘅話
我相信大家都願意等
不過你要諗埋一邊就算啦