大富翁究竟有乜鳩好玩？

真心想知大富翁有咩好玩？

點解可以有一班人keep 住玩又唔覺得悶之如仲覺得自己好醒諗到有咩strategy可以贏，真心咩？

可以話一班人聚埋有啲野玩下，體驗金錢世界既殘酷，但as 一隻boardgame，個遊戲性似乎都幾低。

我有嘗試過想認真諗下點樣可以玩好啲，但發現係諗唔到，之後上網睇玩比賽嘅人講，一定要爭到某兩個顏色嘅地，咁點樣先爭到，擲骰準啲？

認真討論求教！


加做民意調查，

大家富翁好玩，唔悶
唔知做乜鳩

用飛彈卡炸人 再係醫院放地雷 然後享受真人PK既樂趣

睇人仆街囉 自己幾條街揸手 對面條死乞兒得啲爛地 擲骰都求神拜佛咁 幾撚爽

畢華流直情可以出埋書，大賣，點會無娛樂性。

雖然條友係煩煩地，贏左一次世界冠軍就講一世。

agger, 只係一隻典型摘骰跳棋game

根本香港人改晒D規舉先唔好玩
跟返佢本身D rules好玩好多,可以好快完game

基本上你唔鍾意嘅，就乜鳩都唔好玩架啦，問咁多又如何，你都係睇唔起架啦

香港有幾多個世界冠軍？

波子棋好返d

好玩d

志在pass下time
一家人或者一班朋友聚下
輸贏都唔會傷感情

其實好多遊戲喺當時真係好玩 但年代已經改變已經去唔返嗰種感覺 所以你唔覺得好玩囉

一個人 爛。酸。臭。醜。惡。毒。淫。賤。邪
就鍾意搵嘅人地鍾意既黎閙,而獲得快樂

唔知睇邊條片
話最原始規則係其中一人做銀行
負責借錢收債同拍賣
不過唔知幾時改到玩家自己做埋

佢唔係講電腦個隻….

你又搵個項目黎贏返次世界冠軍黎吹下，又其實唔難系列

其實最主要係想討論個遊戲性，完全唔係想屌鳩鐘意玩大富翁嘅人，你可以好鐘意玩，但如果覺得好玩，咁個好玩既point 係啲咩呢？

。 一家大細可以輕鬆玩
。消磨下時間

除此以外？

有師兄講年代嘅問題，咁依家同舊時又有咩唔同呢？
係耐性低左定代入唔到買地買樓呢個玩法？

係想討論傳統boardgame 版大富翁，但細個有一排都好迷你講嗰隻大富翁

跟足rules去玩係幾好玩 考緊你交易買賣

但我諗佢唔係時間問題，係快完左，但個game 既本質都係無乜變到，都係擲骰，由運氣帶你去到遊戲較為容易贏嘅地方，你買到，贏嘅機率增加，咁其他人既策略係咪要阻止你去到嗰到，但又無架喎，我自己又無方法可以快啲去到嗰到。

咁如果改變唔到，個可玩性比起其他boardgame 似乎係低啲？

其實我係唔鐘意玩，但我無否決哂大富翁既價值，我諗佢留得低咁耐無比人忘記，都有啲原因，但就想討論下係咩原因咁。

大把board game都重有擲骰呢個系統嫁啦

與其話唔好玩 不如話你無興趣玩

或者無朋友同你玩

係當年娛樂少先好玩
依家咁多娛樂
新個啲boardgame我都唔明你地點睇得入眼
何況大富翁

都係考你做DEAL 買賣
最靚係監獄門口嗰兩三塊地就一定，但嗰個都知既會唔會咁易放俾你？
而且無記錯畢華流偏偏係靠最貴嗰兩塊地黎贏
咁點會無戰術

呢個Point我都get，如何即時分辨人地嘅deal 係對你有無著數，或者你如何即時洞察到點樣呃鳩啲人賣笪地比你先對你最有著數。 都係一個好玩嘅位。