其實愉景新城呢個商場點解唔係旺到爆炸

宜家荃灣連如心都死場翻生好過DP

間Namco咁細間，去荃新2好過

好迷失方向
我係靠認某啲店舖例如麥當勞/大家樂嚟做定位

讓拇指向上，共發揮正面思想

80蚊日泊好抵

十幾廿年前旺到仆街

其實位置幾好

可惜冇咩特別野

以家靠小朋友野吊命

無左啦

荃景圍/大西北嗰堆一早搭巴士/小巴落返地鐵站嗰堆啦

貪你愉景夠遠咩

十幾廿年前邊忽旺
以前地下 Food Court 都長期有位，成個場死氣沉沉。就算個時未有荃新天地同如心個堆，佢都剩係得區內客，仲要只限荃景圍。到上面個堆起好曬佢都係霉霉地，直到新世界將佢轉型做兒童向先叫多左街客

果個位，多人先奇。

特別係有荃灣西 幾個商場之後。

佢做得啱，主打家庭小朋友客。唔係重無得做。

荃灣廣場以前嗰間係吉之島嚟

以前成個荃灣得佢一個旗艦級商場，又有吉之島、反斗城同宜家傢俬，後面兩個成個新界西得佢有，好難唔旺

親子會揀去 Plaza 88

作為家長嘅我都係貪呢度人流少多啲地方玩咋

如果佢中間唔係有條渠嘅話，你估佢唔起埋咩

廿年前你大學生肯行船，真係可以搵好多，因為除咗上岸之外都冇地方用錢（賭錢唔計）。

舊公司有個人大學工程畢業，走去行船行咗好似十年，聽佢講考哂除咗船長之外所有牌（咩輪機長牌）3x歲上咗岸黎我舊公司人工已經5，6萬，之後聽講過咗某間大型船公司做，40歲唔夠每日 hea下hea下都7，8萬基本人工。

未夠隔離灣景嗰種死法
個場未開吉之島之前
應該得家樂福嗰期係旺

呢排免泊3個小時，多人到豬high

荃灣廣場旺足廿幾年
佢真係叫旺都係西線通左開始，之前唔算死場但一定唔可以叫旺囉。如果以廿幾做界線，成個荃灣 Keep 住旺既場係得南豐、荃豐同千色店個頭

抵食嘛，30蚊就有雙球，30蚊就可以氹下小朋友開心
好過食D咩GODIVA / 哈根大師
仲有佢個乳酪大大杯都係40蚊

荃灣廣場就真係廿幾年前旺到而家
SHK 既商場, 又肯翻新又有新商鋪加入
做起左一田個Brand, 佢旗下商場開一田, 1+1 大過2

曾幾何時荃灣真係百貨公司之城
一田, 吉之島, 先施, 再遠少少貓熊又整多間一田, 仲有千色, 爭SOGO 唔肯黎

灣景個轉捩點係西鐵+吉之島, 以前灣景家樂福撒走後, 上面賣傢私, 下面曾經有個跳蚤市場, 勁ON9, 成班老人家係下面涼冷氣, 死場到不能再死

反而我嫌而家D 人流太集中海之、灣景、荃廣、如心二
一遠少少, 荃2, Plaza 88, 如心一, 都係死死地, 旺唔到果邊
荃新1 其實都搞得差, 不過佢贏在地理

如一近幾年自從開左如二同海之戀之後算旺返啦
荃2不過不失啦
88就真係帶唔到人流去
荃1人流唔差，但越做越廢咁，好似變左純通道咁

荃灣廣場廿幾年前, 噴水池, 有間馬利奧餐廳, 百老匯戲院果時已經係荃灣最旺商場, 最霉果期可能係反而有ikea 果期,中間可能沙士靜左一兩年,

但荃豐, 南豐定位都唔同, 冇乜可比性
南豐旺機鋪、旺工人姐姐、精品漫畫店
荃灣旺學生、食荃豐撈麵、買老翻、電腦野、AV

千色同意係旺
荃灣人黎講, 要集買+食+玩(睇戲), 荃灣廣場係做到晒呢d, 所以旺左廿幾年
以佢咁細個商場黎計, 佢定位同埋揀鋪頭算係做得好好

住其實ok，景觀都開揚。
樓下個場有咁多食肆又有戲院，成日又搞event，早幾日先有比家超，其實都幾旺的，雖然多數都係附近居民。

其實咁闊落的場，香港冇幾多個....佢仲闊落同多空間過又一城同太古城，雖然要行好耐先去到你要去果間餐廳或者舖頭。

同埋有誠品，點都加少少分。

以前荃灣係被認為消費力低 低收入人士多 無乜大鋪肯入黎開，呢幾年d 新樓入伙先叫好返d 但其實仲係好多大 brand 唔肯係荃灣開鋪