第一次:疫情前係沙田玩棍❌
尋日:轉自動波,上完套餐7堂,知道自己唔係好得,再補1堂,都係❌
一出街做太多嘢,明知枝🚦短,都仲係跟導師話俾少少油去,結果當然轉燈急brake,再被考官出🦵收皮。
好在個主任都好人👍,臨落車都講返我衰咗D乜。
而家我係報緊駕院嘅CEF課程,pass唔到路試,就冇得做埋後面嘅部份,跟住claim返13k左右。
沙駕要排起碼半年,我未必等到,職員話可以自己出面考,跟住再返去玩埋下集。
有諗過入九巴做PT考牌,叫做沙田自己主場,同埋唔使錢,不過係驚提早離職,手續麻煩。
暫時糾結緊,好唔好俾多6-7k,出去街場搏多轉,咁就加加埋埋用成30k😱,但係claim得返接近一半,否則就係而家嘅成本24k左右止蝕。
唔好意思,太多口水,其實想請教:
- 睇完本人嘅賽果,各位大大覺得我搏唔搏得過?
- 街場我應該去柴灣,雖然荃灣近好多,但係感覺路況複雜好多,請問有冇好嘅自動波師傅介紹?
謝謝!
