民族之矛 （2）（科幻 政治 ）

同意，唔一定寫入憲法。

不過就算係美國憲法第二修正案，都係提倡well regulated militia先發揮到擁槍權嘅真諦，如果唔係只不過係持械暴徒，暴力罪案溫床。

所以係自由香港擁槍必須符合某d資格，例如接受年度精神測驗、警察突擊檢查槍櫃以確保符合儲存規定、季度射擊測驗同埋強制成為民防部隊或預備役部隊成員先可以持槍

同埋一有任何刑事定罪紀錄就要撤銷牌照，法庭發現牌照持有人違反條款，可以頒令馬上禁止該人持槍。

擁有可以輕鬆奪人性命嘅武器背後，就係要咁大嘅制約，咁先係真正嘅well regulated

你講左權利但無講背後需要付出嘅義務

文正頭先上堂都講咗，一個民族/群體嘅整體實力，建立於佢最弱嘅成員嘅能力。

所以除咗喺教育方面落手，自由香港嘅大部份成年居民，不論男女都會接受基本嘅民防訓練，最基本做到可以急救自己同埋身邊人，同埋帶佢哋進入避難所。

至於青年男性同女性就要進入預備役部隊輪調訓練，然後返去自己所屬嘅地區國土守備部隊，作為民防教官同埋輪流值守社區。

但係進攻性嘅工作會留返俾全職志願役香港軍團同埋外籍軍團部隊完成

咁生存權對應咩義務？

紀律良好的民兵隊伍，對於一個自由國家的安全實屬必要；人民持有和攜帶武器的權利，不得予以侵犯。

服務社群，就有攜帶武器嘅權利，無則無權。

若一個人係自私自利，將個人利益凌駕集體之上，咁佢有無品格攜帶武器係成好大疑問。

自由香港同失敗嘅西方民主最大分別係，無「天賦」嘅權利。

功勞先係爭取權利嘅唯一途徑，「天賦」呢幾十年間畀西方人玩爛左

4.2

課堂上了幾天，接下來的環節總算可以鬆筋動骨。

柔術課上，Anson作為經驗豐富的啡帶自然是如魚得水，但即使經過頭兩個月的糾察隊訓練，仍然有一部份學員感到十分吃力、沮喪，終於有人忍不住問達奇和身邊的教官們：

「呀sir，糾察要鑽研非致命嘅武力，我絕對明白，但係突擊隊員多數都係用槍炮同埋無人機做任務，點解仲要花咁多時間睇徒手搏擊度呢？」

達奇招手，叫著十幾個準隊員成半圓形坐在柔道毯上，待人齊後便道：

「呢個係個好好嘅問題，點解我哋擺喺徒手搏擊嘅時間同靶場差唔多？」

「喺現代戰場，同埋我哋未來嘅作業環境，有幾十種方法去殺人，無論係槍炮、無人機、甚至係可以將街區瞬間夷平嘅高爆炸藥，個人嘅武勇，喺呢啲現代武器面前好似好渺小。」

「但係我哋作為精通小部隊作戰嘅突擊隊，好多時候面對衝突都係面對面，要精確有力，好似直接打落塊面嘅拳頭咁。」

「純粹追求強大嘅破壞力，突顯唔到我哋嘅價值。我哋嘅價值在於可以喺特定時機，以特定嘅武力程度向特定嘅目標施壓。」

「講笑咁講，如果有一日我哋接到指令，需要獵殺某一個區域所有用左手寫字嘅紅髮人，我哋絕對有能力做得到呢個目標。」

「我哋有能力喺特定嘅時候襲擊任何一個地方，將所有敵人趕出嚟，要佢哋唔係投降就係死。」

「選擇我哋呢條道路嘅人已經做咗呢件事幾千年，由4000幾年之前嘅蘇美人開始已經做緊一樣嘅事情，將就算武器嘅發展日新月異，都唔會改變呢件事情嘅本質。」

咁搏擊對意志好緊要嘅

係 品格鍛鍊黎 當然都有職務需要 但講職務嘅話 糾察隊比較用得著非致命武力 之後章節會講

繼續寫

我打算想寫故事，但我冇信心和冇乜經驗，想試下得大家支持有啲底氣

加油！小弟都無任何寫作經驗，都係寫寫下實驗出黎。

有心就得，睇多d文學作品，睇下人地係點建構世界觀，慢慢腦入面就會有資料庫。

共勉之

支持！都係要寫吓寫吓先會慢慢有自己風格。

打算寫咩題材呀？

一個太空故， 一個末日故， 尤其係末日故可能要問作者有關軍警類嘅嘢

我遲吓都諗住開個寫作 ig，到時一齊交流吓吖

#pre廣告

支持

寫在ig和寫在連登有咩分別

可以 DM 交流，同埋會多啲人睇到

小弟遲d都會開ig 拎黎準備實體出版 希望可以成為samizdat同埋教科書

末日故都好！喪屍類？

可以咁講，但又怕味口太重，都唔知講唔講好，類似血十字,狂病，唔知咩嚟？睇人解說啦https://youtube.com/@moqianhui?si=TrEcoCYUBTUUqvkR

喪屍得就肯定重口味架喇，不過純文字故 present 出嚟血腥極有個譜，我覺得 okay 嘅

多謝你今日出多少少