Square fitness 突然閉館+唔肯退錢

24/7背後好似係美心太子女搞franchise
應該無咁易掛...不過香港健身室呢行太鬼有好多嘢好難預計

咁咪唔好做囉

Fit24係咁樣收費

唔係補習天后黎咩

即係咁講
一般合約都係好多條款細則
我覺得又無可能要人講得曬喎
所以自己都應該要睇清楚先簽㗎嘛？
雖然係麻煩但我電話轉台份合約我都係睇曬先簽
唔係點知佢有咩條款 有咩事就揸住份約嘈㗎啦

無講同無寫真係有唔同
唔知佢份約係點
但如果佢份合約上係有寫有權調你去其他店
咁無得講啲咩喎
by the way唔見合約問返間野應該可以比返你？

上面好多傻鳩仲同佢護航，係咪俾人壓榨得多覺得冇乜所謂
只係因為你今次冇俾人壓榨，唔代表呢件事係合理

你簽呢份合約嗰陣你嗰個錢淨係可以喺呢間分店嗰度玩，咁佢就應該預咗你淨係喺呢間分店度玩，而家佢無啦啦執咗就話可以"升級"你去到全宇宙pass,全個宇宙嘅分店都可以任你玩但係講緊佢只係得10幾間分店
佢本身啲分店仲要開到山旮旯咁遠，就係得附近啲居民先會join

沙田嗰間分店喺第一城
將軍澳嗰間喺翠林，聽都未聽過

你提供唔到呢間分店嘅服務俾人就應該要退錢+俾人退會啦
將軍澳嗰間佢名義上係搬遷，佢同人講係搬去觀塘仲要7月20號先開放，所以佢一係俾你延長三個月，一係就俾你暫停會籍兩個月

如果我返工放工出街都唔經觀塘，但係喺將軍澳住係咪唔使玩

而家gym chain都醒目左，簽合約係咪都話所有分店適用，冇寫死固定玩邊間為免生爭議

生約或者逐個月俾錢既話用自己方法搞掂啦

講你知就唔叫呃啦

點解呢

247佢將軍澳同埋灣仔試過租約期滿
結果喺租約期滿之前已經喺旁邊開多咗另一間頂
而唔係租約期滿，下一日突然間執笠

247同一個港鐵站平均兩間

有咩理由係自己去報失張卡玩自己

張卡又唔知有冇set auto pay 同埋set咗幾多個.又唔知sub咗幾多service。cut完card之後仲麻煩。

我記得以前睇過court嘅案例，合約有寫都唔係大哂，有寫係約裡面但簽約時候冇講解到 呢個位好似係有得入。

日日去佢d 場，扮gay 嚇走曬d 人囉

唔知sub咗幾多service似係你理財有問題多啲

講緊cut完又要等新卡又要登記返之前啲野麻煩呀

咁閪麻煩咪繼續由佢扣囉d錢又唔係我既

重新登記有幾煩？你同一張卡sub幾十樣嘢？

咁麻煩你咪繼續課金俾人囉

其實佢月費就五舊幾水，就唔多既
佢而家其實已經過咗數，為咗五舊就即刻全部cut晒再逐樣申請返，我就覺得真係似玩緊自己多啲
所以樓主第一反應係睇吓有冇得退款係好合理，就算冇佢一樣可以有成個月時間去其他分店cut member

點睇而家即刻走去取消張卡都係不智喎

以前打機送咗acc俾friend，我個個月都收到sub通知

有次得閒問佢玩成點，先知佢棄咗game成年，個acc仲sub緊月費

理財呢家嘢真係唔係個個都有sense

你咪繼續每月課500囉

你自己再睇清楚啲先啦
佢而家係已經收咗六月份錢，但六月份已經唔可以喺荃灣做，因為執咗而樓主覺得冇得喺荃灣做既話對佢嚟講個會籍已經冇價值，所以佢想退款兼cut member

依間嘢嘅回覆係你俾咗嘅錢佢唔會退，你六月份都仲係會員可以喺任何分店做，但你可以隨時上嚟cut member
即係話樓主今日已經可以去任何一間分店cut, 就唔需要再俾七月同再之後嘅錢，但依家有爭拗嘅就係六月嘅錢有冇得退

問題係佢唔俾你del信用卡資料，你張卡隨時可以過數

唔俾del信用卡擺明黑店，你仲唔保障自己先？

日後間鋪萬一「唔小心」碌咗筆數，到時你再報警、通知銀行被盜用，咁樣搞一大輪會方便啲？

明明可以一勞永逸嘅事，你偏偏留個大坑俾自己踩

其實都唔關事，就算佢個app俾你del資料都唔代表佢哋公司冇record喎
如果真係咁多心嘅，不如直接唔好用信用卡算啦一sub人地一定有record, 任何你幫襯過嘅公司都可以”隨時”扣你錢添