https://hk.on.cc/hk/bkn/cnt/sport/20240603/mobile/bkn-20240603173049465-0603_00882_001.html
世盃外 首隨大港腳操練 盧比度、馬希偉勁開心
為備戰周四(7日)對伊朗的世盃外圍賽,香港男子足球代表隊周一(3日)下午在將軍澳足球訓練中心(FTC)展開操練。當中客串助教的東方主教練盧比度(Chino)、東方翼鋒馬希偉(Timmy),更首度隨港隊訓練,兩人受訪時直言相當開心。
是日23名球員,包括一班效力中國聯賽外流兵,以及剛為東方、深水埗出戰「足總盃」決賽的球員,連同早前獲足總邀請客串助教的東方主教練盧比度皆有現身。然而天氣不穩,一直下起大雨,球員顯得相當吃力,訓練維持約一個半小時便結束。收操後盧比度及馬希偉,兩位首次隨港隊訓練的職球員自然成為傳媒焦點,其中Chino直言感覺不俗:「能夠穿上港隊球衣係我嘅榮幸,絕對屬於夢想成真,
港隊隊徽將會係我下個紋身。同埋好開心見番一啲前東方球員,好似茹子楠、孫銘謙,已經好耐冇見佢哋,練波前都傾咗好耐偈。」
而年僅20歲的馬希偉則對獲列入決選名單感到驚訝,又稱有一定壓力:「可能球會都仲有啲年輕球員喺到,但香港隊全部都係最頂尖嘅球員,好彩有球會教練盧比度喺到鎮定啲,有咩可以直接問佢。今日練得都算唔錯,但可以表現得更好。」Timmy續指會好好珍惜今次機會,在訓練時盡力表現自己,以爭取鬥伊朗時獲得上陣時間,以及在未來繼續入選港隊。