https://www.facebook.com/share/p/8ta2TC8vrMGwBuXS/?mibextid=WC7FNe
[香港的學校有幾保守?]上月底出過幾個post講紋身,三月時曾接受本台訪問的音樂科陳老師聯絡小編,提供進一步資料,從音樂方面說明香港學校的保守程度。
陳老師曾邀請過一些樂隊來校表演,當中包括Kolor、Supper Moment和ToNick。
「請完佢哋返黎表演,學生開心,但我就比人鬧。」
點解會咁呢?
陳老師訴說當中的辛酸。
「其他學校做band show,好多時都係比學生企喺度睇,係我哋咁肉酸,要坐喺度睇。」
「學校唔比中一同中六睇,話中一太細唔識睇我明,但中六就話因為準備公開試唔比睇,連學生stress release都唔得。」
「但以上兩個都唔係重點。校長話請返嚟嘅嘉賓如Supper Moment和ToNick,他們有染髮,唔正經,所以以後唔可以請染髮的人做嘉賓。」
「Kolor樂隊主音Sammy有耳環同紋身,入校教夾band比校長話佢唔係好人。」
「總之,完咗個表演,我比校長叫入房鬧咗成個鐘。校長話以後不能邀請這些人入學校表演。」
「之後有個外判活動,可以邀請賴映彤(即C AllStar第五人)講點樣做音樂創作,結果也是不批。『原因』係C AllStar只係明星,唔夠正氣,學校只能邀請唱詩歌或者古典音樂嘅團體入校。」
教育經常強調的多元與包容,有時可能口惠而實不至。世界公民需要有足夠的CQ(文化智商),懂得了解和欣賞不同文化,否則可能會將錯誤的價值觀和人生觀強行植入學童身上,例如誤以為穿耳環和紋身便是壞人,影響日後待人接物。