的士牌主為咗保住牌價唔跌,營造缺市假象,竟濫用政府停車場,大批的士長期停泊,淪為「的士墳場」

178 回覆
339 Like 5 Dislike
2024-05-21 19:08:22



小巴牌價暴跌九成,兼釀棄供潮,消息令人嘩然之餘,亦引起市場關注,在經濟不景下,「搵食車」下場如何?《香港01》近日經調查發現,政府9個專為的士提供廉價季租的停車場,在平日繁忙時間,出現大量「殭屍的士」囤積霸佔奇景。有老行尊拆解,實情與近年牌價狂瀉大有關係。

另一邊廂,疫後雖然步向復常,惟大名鼎鼎的葵涌「旅巴墳場」,長泊旅巴數量卻未因此大幅減少,有業內人士亦透露,不少旅巴三年未動,日久失修,重返市面行走成本高昂,單單維修、驗車、購買車保等基本開支,已至少需要10萬,故令不少背負重債的旅巴公司卻步。


的士站排長龍與否,往往成為本港經濟好壞的「寒暑表」,但背後實況又可能存在一點偏差,皆因本港雖有15,250輛市區的士,但並非「傾巢而出」。


市值逾億「殭屍的士」 攻陷政府停車場

記者巡查發現,9個為的士提供泊車優惠、屬運輸署轄下的政府停車場,大批的士長期停泊,淪為「的士墳場」。其中天后停車場更是「重災區」,在二月一個平日下午5時許,接近放工繁忙時間,有22架持有效行車證的的士停泊在場內,疑似未有租出,佔其停車場內整體的士季租65個泊位約33%。在高層極少車流的7樓,有8架的士,三三兩兩並排停車,部分車身布滿灰塵,甚至車身油漆已剝落。

按粗略估計,該批的士車價連同牌價,市值已過億。上址停車場一名職員更透露,「呢個停車場,長期都有堆的士會泊喺度唔走架,得閒就郁下車,廢時咁覺眼畀人話啫。」當中其的確所言非虛,記者改日再於下午2時左右再巡查上址,發現的士數量更多,共有24架停泊於,大部分仍泊在原位,小部分則略有移動車位。

另外,政府轄下的葵芳停車場及筲箕灣停車場,亦有類似情況。當中葵芳停車場在平日上午返工時段,亦有近20架的士停泊於高樓層,聞風未動;筲箕灣停車場則約有9架,部分為同一車行所持有。





的士牌價腰斬 疑為托價營造缺市假象

在業界打滾逾30年、擁有中小型的士車行的老行尊大爆,上述情況頗為普遍。他更大數,多年前仍屬政府停車場的尖沙咀中間道停車場、油麻地政府停車場,已長期有「殭屍的士」囤積霸佔,原因是政府停車場每月的士停泊租金只需680元,且鄰近市區,調動方便,故十分搶手。「雖然有啲偏僻鄉郊地方,都會有啲爛地係『的士墳場』,但會日曬雨淋架車好易殘,加上抄牌密,抄兩張都已640蚊,倒不如泊政府停車場仲好喇。」

受累美國加息、經濟不景等因素,的士牌價雖然較旅遊巴及小巴牌「硬淨」,但較高位亦挫約一半,跌至近十年新低。該業內人士續指,的士牌價近年愈是下沉,「殭屍的士」囤積情況便愈加嚴重。「好簡單,因為車行要托價,繼續營造的士回報高、出租率高、短缺嘅氣氛。如果供過於求太嚴重,牌價咪會冧落去。」

然而,若的士長期停泊無法出租,的士失去車租收入,再加上要繳交保險、牌費、停車場租金支出等,每輛「殭屍的士」每月至少令車主損失2萬多元,何不租出?「車行唔會死錯人,係就係收少咗,但托住個市,令到車租同牌價唔好跌到咁低,條數又咪係返到。而且只要個市好,牌價閒閒哋又可以升返幾十萬,甚至過百萬。咁所以有啲租唔出嘅的士,情願變『殭屍的士』都唔會減租益人。」
2024-05-21 19:11:21
dc9抵死啦 成世食貴租
賺埋賺埋唔夠睇醫生
2024-05-21 19:12:05
的士狗今次真係玩大咗
2024-05-21 19:18:52
開徵的士空置稅

每個月開唔夠100小時,每個月收牌價5%空置稅。
2024-05-21 19:21:45
2000一季咁能平
2024-05-21 19:37:24
行為極其惡劣,把政府停車場變成私家雞,建議直接拖走
2024-05-21 19:37:58
咪又係納稅人補貼
2024-05-21 19:39:30
罪大惡極
2024-05-21 19:42:58
但佢地唔交稅 你要交
即係你唔搭的士 都會比的士狗吸血
2024-05-21 19:48:18
國家安全重中之重
2024-05-21 19:52:38
政府真係無撚用
2024-05-21 20:17:48
根本的士牌就唔應該值幾百萬
2024-05-21 20:21:48
情節特別嚴重,案件涉及大型有組織行動,建議沒收牌照
2024-05-21 20:24:47
白牌車無專用停車場
依啲的士場都應該收返啦
一視同仁
2024-05-21 20:35:43
直頭比一少撮投機者,浪費社會珍貴土地同資源
2024-05-21 21:42:36
擺365日先幾錢?
2024-05-21 21:44:36
你當1個月齊頭2000蚊
一年2萬4左右
有啲會再平啲
2024-05-21 21:45:33
政府要做啲野
2024-05-21 21:47:12
停車場每月的士停泊租金只需680元
2024-05-21 21:47:19
我睇錯咗,係季租。
季租2040,即係擺一年8160

我建議有時間既巴打
可以搵下申訴專員公署搞搞佢
2024-05-21 21:50:42
係咪特登想惡意消耗政府資源,
想惡意製造香港作為國際大都會但唔夠的士既假象
2024-05-21 21:51:29
又喎,呢招掂
2024-05-21 21:51:29
的士都有得炒, 香港真係好畸形
2024-05-21 21:51:59
睇嚟的士嚟收皮不遠
2024-05-21 21:52:19
根本唔應該存在買賣, 的士都有得炒賣, 香港真係好畸形
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞