[中史台] 到底點解中學讀中史既時候，d教科書會完全skip左整個三國時代？

因為要吹奏所謂大一統
基本上所有分裂時期都唔太點詳細教

有別於過往有系統地將不同歷史的課題分門別類地學習從古至今的演變，現時新高中的中國歷史科有兩個明顯的特色，就是「炒埋一碟」和「詳近略遠」。所謂「炒埋一碟」，就是必修部分再沒有明確劃分單元，而是將不同單元在經過制訂課程人士的篩選後共冶一爐，分成上古史與近、現代史兩大部分。上古史即是從商、周開始，一直至十九世紀中葉，即鴉片戰爭之前，而其考核內容大致上就是拆開舊制的卷一的部分，例如治亂史就包括東漢的戚宦之爭、隋唐兩代的開皇、貞觀及開元之治、唐中葉的安史之亂；制度史部分就有宋、元、明、清的中央集權制度；思想史就僅剩先秦諸子學說。

至於近、現代史部分，亦即十九世紀中葉至新中國的部分，有別於過往因課時不足而被放棄的命運，這段為時不足二百年的內容因為「詳近略遠」的原則下，重要性被高度放大，佔分高達50%。不過，考核的部分悉數為治亂史，三個單元按年份分類，分別是1840至1911年，談討中國的對外戰爭和晚清改革；1911至1949年，談討民國年間的種種亂象，如軍閥割據、民國北伐、抗日戰爭和國共內戰；以及1949年後的新中國事蹟，如三反五反運動、大躍進、文化大革命、改革開放等。

從上可見，新高中中史科不論內容的深度和廣度都大不如前，一些重要的歷史部分，例如晉代的五胡亂華、淝水之戰、唐代至五代十國的藩鎮割據、宋代新舊黨爭、南宋抗元、明代的靖難之變、張居正變法等都刪去不談。因此，早幾年已有中史科教師大吐苦水，表示學生連岳飛等歷史名人都不認識，甚至錯將唐末名將李克用，誤認作「李克勤」或「李克強」。

至於舊制的其他單元，例如思想史、制度史、宗教史等，則歸入選修單元，換言之需要視乎各間學校的選擇和安排，學生才有可能接觸到相關內容。而隨著教育局精簡內容，將選修單元由兩個減至一個，學生能夠吸收的知識就進一步減少。以上的課程改動，無異令學生對歷史脈絡的認識偏狹，甚至連基本的史實都不好掌握。

01唔貼link

魏晉南北朝呢個名都戇鳩啦
乜撚野魏晉南北朝
當蜀國同吳國無到？

人地劉備係漢室之後 同漢室有血緣關係
打正旗號繼承正統
你曹丕只不過係權臣之後 篡位奪國
邊個係正統拗左千八年都未有結論

果個乜鬼連登高天鷲又出嚟up乜鬼蜀國山塞論

以前初中中史
五代十國幾頁紙就講完

教書悶九成九個老師唔識教
咁複雜嘅嘢都教到人吊哂魚

第一點，長江天險，除非北方有人知道如何渡江或者窮追猛打

第二點，正式南移嘅時間點係中晚唐，三國嗰時只係南北都有經濟中心

第三點，連弩(楚國嘢，諸葛亮只係改進咗設計)，井闌(墨子設計)，投石車(戰國已出現記錄)，木牛流馬(係三國嘢，似乎唔興，已經失傳)
乜叫蜀國係互相制衡既國家，分明就諸葛亮嘅相權主導劉禪嘅皇權

甚至錯將唐末名將李克用，誤認作「李克勤」或「李克強」。
班學生睇得多星爺

其實大部分人對三國時代的認知
係來自明朝小說《三國演義》
並不是歷史

因為中史唔係讀中史
同中文唔係讀中文係讀心理一樣

我諗起碼一半中史老師都唔識教魏晉南北朝
教科書都設計得麻麻，考評局都好醒目好少出呢個topic

公道講
春秋同清末重要性唔低過三國

比起其他 其實真係唔算重要 只係一個圍內分離再由外姓諸侯統一過程
冇重要變革 冇外族入主中原 都冇權力階層重大更迭

如果冇三國演義既影響 百姓對呢段歷史既認知可能只係七國之亂 八王之亂既級數

呢個問題都諗左一陣

宏觀歷史黎睇, 三國對後世影響有呢幾樣:
1. 士族(控制)政權
2. 九品中正制
3. 首次大規模開發南方
4. 玄學/清談

呢幾樣以前高中會讀有考, 初中都有提下,

同埋呢幾樣都只係過渡期, 了解得太表面又唔知佢up乜, 了解得太深入已經可以寫論文, 中學點讀

上面4個大部分其實係魏晉南北朝幾百年的影響吧而唔只係三國

1同2
其實到東晉先高峰
所以教科書東晉都會講上品無寒門
4就太深
個阿蛇都唔識啦教撚咩

都係,

或者用返以前高中既分法:
- 制度
- 宗教
- 學術思想
- 中外交通
- 經濟
- 史學

睇下三國其實對成個歷史進程有幾大 (幾細) 影響, 有咩最明顯突出

玄學囉
人物志
才性論
王弼
竹林七賢
不過好深唔會教

樓豬只係想睇政治同打打殺殺 教呢D佢會屌悶到訓著

如果近年教科書改版既話, 最大影響唔知會唔會加埋「夷州」 上面好堅持只古以來乜乜乜

其實三國都算長
會教下黃巾
州牧割據
赤壁
三國鼎立
好似教得長過五代十國

歷史科都冇講二戰詳細情況啦

香港中史好似對非大一統時期唔太喜歡教