失業3個月, 依家打緊7.5k 嘅兼職度日

由一份20K嘅工，變到得7.5K

我係讀輔導畢業，當初有份20K嘅工作，係一份宿舍導師，但係因為比同事排擠，同埋老闆唔太鍾意自己而離開，再加上我其實唔係好識得睇人眉頭眼額，所以我都意識到自己唔係好適合做對人嘅工作，所以最後都係離開咗

我已經搵咗三個月工，都冇消息，得呢份7.5k半職朋輩工作員請我…朋輩工作員即係認自己嘅病，用所謂同路人嘅身份鼓勵其他白卡病人，我仲要俾佢壓價，本來話9000， 之後變咗$7500 ，雖然我嗰科唔係專科啫，但都算大學生啊， 屌你。

我冇做返輔導員，因為我同人講嘢一嚿嚿嚿，會緊張同埋諗唔到噏乜好，當初揀呢份科係想做社工但係入唔到社工，因為一啲情緒病嘅經歷，使我想幫返有情緒病嘅人，但自從我辭咗第一份工，之後就冇full-time工作搵我了，讀社工嗰邊又冇消息，經過第一份工嘅挫敗，我都會諗究竟仲有冇可能做到社工？

有乜嘢慘得過讀過一科係同自己性格唔吻合，讀完之後又同社會期望不符？諗諗吓都會覺得可能社工都唔係真係咁啱我， 雖然依家份工係幾舒服嘅，因為承認咗自己個病呀嘛，以前喺公司食藥都要偷偷摸摸，依家就可以光明正大咁樣認自己有病，講晒比啲會員聽，某程度上係舒服咗，但其實我唔鍾意係咁用自己疾病嘅身份去搵食，覺得咁樣真係好撚冇用，係冇得揀嘅人先會做朋輩依份工作，又低人工

其實我隱約都知道自己要轉行了，當初亦可能揀錯科，或者揀一啲唔需要對咁多人嘅工會比較適合我…但我又唔想做文職，覺得好無聊，都唔知做乜好

我真係有啲灰，而且好多嘢係自己一手造成，又唔怪得人，各位可唔可以俾啲意見，其實轉行依樣嘢係咪真係想像中咁容易？我過去嘅知識都係圍繞喺心理、精神健康呢啲範疇，我由細到大都冇乜特別嘢叻，能力比個病影響，份人冇乜自信也沒有特別興趣，各位有冇咩好嘅建議

定係我應該繼續做依份工作？沉住氣繼續做呢份工作，如果keep住冇新工嘅話，我就會喺呢個安舒區裏面繼續浪費時間，而且係唔會有任何前途，辭職就要轉行，但究竟應該轉咩行好？

做看更算啦

part time 返幾日？有7500

2.5日, 20 hours

做住PT揾囉 失業3個月好閒姐

咁筍

幾多歲？搵書讀，進修轉行

做看更睇下片，訓下覺，他他條條每個月都2萬，得閒仲可以叫下雞

自己有情緒病+唔識對人 但係想做社工
同個跛既話想做足球員有乜分別

25

飲食/保安
長少少工時 20k 唔難搵

認真
樓主不善社交
不如直接係屋企炒股crypto 賭波賭馬仲好
賺錢唔係得返工咁on9

炒妖股睇下轉唔轉到生

讀輔導
唔係好識得睇人眉頭眼額
唔係好適合做對人嘅工作
同人講嘢一嚿嚿嚿，會緊張同埋諗唔到噏乜
想做社工

聽你自己描述都係全部自己知道自己社交唔掂，不如轉行啦
轉行咪做啲唔需要專業嘅野，
或者你而家20hours 照返先，剩低嘅拎去讀其他野睇下有無可能轉到跑到
讀乜就自己諗，唔好問我地，我地唔會有答案

唔知由幾時開始
智障都可以大學畢業

當初有份20K嘅工作，係一份宿舍導師，但係因為比同事排擠，同埋老闆唔太鍾意自己而離開，再加上我其實唔係好識得睇人眉頭眼額，所以我都意識到自己唔係好適合做對人嘅工作


d 因果關係錯晒
你唔係因為比人排擠而離開
而係︰
因為你「唔識睇人眉頭眼額」
所以你「比同事排擠 + 老闆唔鍾意你」
永遠都係個社會錯、人地錯、自己冇錯
做咩都死啦

如果連你自己都覺得唔擅長對人

真係做文職算啦

雖然係悶但起碼唔會比到壓力你

計落可能做人仲開心左

冇錯, 樓主不擅社交是死穴, 呢世應該冇出頭

若不改變, 做看更或學門手藝自己揾食是出路

清仲好後生 唔好放棄 雖然自己都放棄緊自己

三百幾蚊一個鐘喎仲想點

社工hd 應該唔難入 報左先

水9樓主 佢咁樣讀完都係失業

咁荀 仲要求多多
定假膠

點解唔試下拎綜援
加埋你呢度7500都幾好洗