點解d中坑MK咁鍾意Supreme.?

個比喻應該係細個鍾意飛仔H車買唔起，4、50歲應該揸BBA嘅年紀先出部Type-R嚟飛

撐緊Supreme班Uncle話齌，人著乜你又要管

班中坑就係呢種味道，不過要比相中人老廿年
著唔出呢種味道嘅中年人，咪自己對號入座，唔係笑緊你哋，年紀大或者著得貴係冇問題

樓主個個標題係中坑著Supreme，你貼個後生女著想表達啲咩？

Uniqlo

咁鍾意賣淘寶貨，李寧牌就啱晒佢

RMC

幾靚

咪就係想表達樓主存在偏見 淨係以為中坑先著囉

Aape垃圾來喎 IT買咁亞洲版權出嘅垃圾 你想講Bape呀

當年紅個時你唔會咁講喇
當年做得潮人點都要有返件
即係好似之前FOG off white yeezy呢d個個瞓街都要買到
而家唔紅就俾人笑姐 不過兩個brands都俾人賣哂出去 已經唔係以前嘅Bape同Supreme喇 用都係情意結

Nautica JP個價親民同易買姐
其實好普通嘢 邊有得同當年Bape Supreme呢啲比

其實大logo要擺得靚唔易㗎

都要睇埋身形既
又大份突腩又大logo點靚

要幾自卑先要用牌子墊起自己地位

見到着Aape真係會笑佢

有腩先著得靚
道友咁好睇咩

好嗰啲著住U記喺度笑人地買幾千蚊衫嘅人啦，自己最撚叻

我講緊呢幾年最hit 唔係高唔高級
依家可以去日本freakstore買姐
2020岩岩興果時咪又係要食炒

Mastermind japan
Visvim
Neighborhood

邊度睇有低過$600 ？
唔好同我講carousell

本間正章post黎緊出紫色
如果有55L都想入隻

中坑路過.

其實係咁嘅, 細個邊會有錢買呢d. 除非真係職業係兒子, 唔係邊會有錢買呢d 名牌野? 有錢同學買個M-duck 袋做書包, 成個班房嘅人就黎觀賞. 到大d, 有錢朋友職業係兒子買架GTR, 你唔好話車, 你連單車都無架. 你點會唔羨慕. 搵個1,2萬個陣, 你最叻咪買部iphone 4 囉個陣. 時間推行到你中年有左family 之後, 你終於有多餘錢買呢d 野個陣, 已經係一個中坑. 不過除住你年紀大, 你識嘅品牌仍然係停留係你當年個年代. 因為你10幾歲鍾意嘅野, 到你20幾歲個陣, 除非你係鍾意緊貼時裝嘅人, 否側你20幾歲個陣, 你買得起10幾歲想要嘅野個陣, 你又追緊係另一堆你唔會買到嘅野, 好似車呀, 表呀個d 而呢堆野你10幾歲個陣都唔會諗.

就係咁, 因為每個年紀階段都有一堆你想要但係唔會有錢買嘅野係你腦裡面, 到你有錢買個陣, 你已經過左個個年紀, 亦無真係會留意現時流行嘅品牌係乜野.

情況係好似, 你知唔知而家小學生睇嘅係咩卡通同玩嘅係咩玩意, 流行傾咩話題玩邊類型遊戲丫? 我講緊嘅係卡通而唔係動漫. 你唔會知, 因為你已經過左個段時間. 直至..................你做老竇個陣你就會好清楚d 小學雞最流行係玩咩. 所以, 你唔需要笑呢班中坑, 因為, 你將會都係會咁.

1999到
你唔係以為supreme係香港先炒貴下話 係全世界都有人炒架 不過以家冇乜人炒架喇 個牌子其實接近收左皮
不過好心你啦 唔識就唔好係咁發表意見