仙台追櫻到函館遊記

原來我喺佢開舖嗰日都去咗食
連續兩日食佢

我都係星期六喺弘前城，不過我朝早睇完下晝就去青森，睇唔到藍天同岩木山

繼續Day 10
全日都好似係咁食野
去咗附近一間cafe 食



Cafe 有切蘋果體驗活動


例牌叫咗蘋果批食
呢次旅程都食咗十個蘋果批左右
弘前車站A-factory 同星野酒店新鮮焗起嘅最好食
其他就普普通通
係咪凍凍地淋淋地先係正常
定我仲未遇到好食嘅蘋果批舖頭




食完行返去弘前公園
夜間花筏


夜晚群情洶湧


點燈！


幾個星期前book 咗坐夜間船仔


大家好熱情揮手


坐完船就朝住春陽橋出發


春陽橋到著，好靚好夢幻
呢個櫻花倒影冇得輸
呢度要排隊影相，不過好多人都偷雞，一路行一路影
我都係中間停一陣，快手影完就走




嚟返朝早撐船嗰邊


影完相就開始趕路搭車返青森

夜晚心心


相信大家都係行返去弘前站好彩係可接受路程，如果唔係都唔知點返酒店

弘前嘅月台超多人，企爆晒
但架車得幾卡，車到嗰陣啲人湧晒入去
有個架仔嬲爆爆，一路鬧一路撞開啲人上車
最後全員成功上車
估唔到東北都體驗到山手線返工時間嘅壓迫感

Day 10完

做咩唔留低睇埋夜櫻

弘前郵戳
岩木山、弘前睡魔仲有櫻花弘前城

屌，早知喺弘前寄拎咗返東京

好靚呀

可以叫朋友寄俾你
不過要去弘前郵便局先有蘋果印
同埋要拎張post card 同職員講明印呢款特別郵戳

所有中央郵便局都一定有（應該


其他就一啲啲，例如八戸駅前係魷魚

學到嘢平時都係返到東京/大阪先會寄

我都係今個旅程先發現
溫馨提示，啲字唔好寫得太貼個郵票
要留返啲位俾佢印
有啲日本人好驚印到啲字你會收唔到
嗰陣係咁同佢講大丈夫

前一晚睇咗

我係星期五晚睇夜櫻，住一晚然後星期六朝再睇

有啲中央郵便局星期六日都會開
不過會早收

已經出咗幾年
不過絕大部份嘅郵局都賣晒
唔知會唔會返貨

之前喺熱海個職員勁好人
睇住佢搵晒成間郵局
然後喺櫃底拎俾我

中央一定日日開，不過星期六日會早啲收

Day 13
嚟到函館緊係要去函館朝市行個圈


覺得嗰度啲嘢真係好海鮮價
濕貨乾貨都標高價
你一行近睇，啲人就會撳計數機平幾千yen 咁
本身想食帝王蟹都冇買到


最後入咗啲餐廳食就算



食飽出發去大沼公園



大沼公園夏天有水燈祭
冬天都冰雕節
而樓主去嘅時候緊係咩都冇啦
就咁當遠足，行吓公園
公園有遠足路線圖，揀咗最長嘅路線行一圈



可以望到駒ヶ岳
係一座活火山
公園嘅景色都係因為火山活動而形成


行過見到北斗號
一陣返去都會坐


去附近餐廳食飯
炸薯仔幾好食


大沼牛咖喱


食完就離開公園返酒店
酒店隔離有間鹽味拉麵
見佢3.5分就食埋先走
個人鍾意食豚骨湯多啲，不過呢個都唔錯嘅
個湯清清地，舊叉燒都好食


食飽就去湯川溫泉，book 咗兩晚
覺得呢間嘅溫泉有啲細
但我去浸嘅時候咁啱冇咩人
所以還好


湯川溫泉好近函館機場10幾分鐘就到


阿羅拉六尾


放低行李就去咗熱帶植物園
十分頹
一個好細嘅溫室植物園加馬騮區就冇野行啦




湯倉神社


喺呢度簽完御朱印仲會送入浴劑
好襯呢個神社


搭巴士去志苔館印印仔


好荒蕪，不過都有簡介睇


行完好想食小丑漢堡
Google search 完見機場附近有一間
決定行過去


機場充滿時代感


行到機場已經好攰
最後喺機場搭巴士去


今次試店長推介包
都係炸雞最好食！



Day 13完

北海道薯仔真係幾好食、上次係阿寒湖酒店食左兩嚿

炸到外脆內軟
舊薯仔仲甜甜地

阿羅拉六尾呢

架飛機機身就係

有仲買咗酸奶飲