仙台追櫻到函館遊記

我都係食呢間 真係好正

留名
樓主好有心

Day 4
話咁快就離開仙台，買多杯毛豆奶昔上車飲
好甜


發熱牛舌便當
今次去仙台冇去牛舌街食牛舌，下次有機會想試吓


去到盛岡放低喼就搭巴士去小岩井農場
原本plan 咗大半日喺嗰邊玩
不過見佢櫻花未開，前一日決定早啲走
下晝去埋北上展勝地

前面班台灣人連續三日都見到佢哋



馬仔


向住放羊嘅草地前進
去到一隻羊都見唔到

喺網床攤咗一陣就食嘢
牛乳湯拉麵好好味


跟住過咗牛舍


啲牛冇走出嚟，喺晒屋入面


行埋手信店就搭巴士走，前往北上



喺對面已經見到一大片櫻花



櫻花大道



照舊一堆攤檔，已經唔知食咩好


漢堡包都唔錯


行行吓見到馬車，俾錢坐馬車直接去另一邊
之後再行返嚟




4點幾行返去已經冇咩人


尾班馬車


沿路行返去，好鬼靚



啲櫻花好似爆谷咁爆開晒，正式宣布滿開


再加埋日落


靚到唔想走


之後搭新幹線去新花卷，坐陽旅返盛岡
呢個車站離新幹線有少少距離，要跑去上車
呢兩日行咗幾萬步，跑上樓梯嗰陣差啲跪低
去到車站又殘舊又冇人，以為去錯月台
好彩見到架車嚟



車廂內冇咩特別


不過可以預訂當地特色飯團食，但有限某個車站前上車先有得食，所以冇試到

車身好靚，充滿東北大自然嘅景色


相信呢個係東北富士岩手山


返到盛岡一定要食西瓜冷麵
麵條煙韌，味道唔錯，同西瓜又幾配合


叫咗啲肉燒



Day 4完

講起嗰陣都唔記得check 幾時休館
好彩去到有開

Day 5
盛岡搭新幹線去一之關坐pokemon with you
都係預早一個月前book 定，不過我張pass 係官網買
喺k 乜買唔知book 唔book 到
呢架車比九州啲觀光列車算易book，之前睇同一個禮拜都仲有位

去到一之關站已經有好多比卡超嘅佈置




去到仲有段時間先搭車，喺附近行咗個圈
好多餡嘅大福


八幡神社


行完就返車站食三文治


架車15分鐘前就開始埋站，想睇架車駛過嚟記得早啲去月台






架車得兩卡，一卡係坐席一卡係遊戲室
不過當日都見到有位剩

成架車都係比卡超嘅佈置，好q
啲佈置都好仔細，地板有比卡超嘅腳印，啲燈有其他pokemon 嘅剪影
唯一缺點係座位有啲窄，如果兩邊都係大隻仔會膝頭掂膝頭印象中近月台嗰邊最尾個位係闊啲




開車過咗十分鐘左右，遊戲室就會開
坐多一兩個站就冇咩人會再入去，剩返啲細路
呢卡車都會有啲比卡超頭飾、道具俾人打卡



啲細路搞到咁不過嗰陣已經冇咩人再入去


上車嘅時候職員都會每人派一個袋
入面有張收集印仔嘅卡
中間會落車印印仔，等你冇咁悶


不過每個車站都有啲擺設，又印印仔又打卡都幾忙



去到氣仙沼


呢度都有收集印仔嘅活動，時間關係直接搭的士去最遠個位，然後行返嚟如果來回都搭pokemon 應該夠時間


市場入面好多野賣，特別係魚翅產品


岩手縣同宮城縣代表


儲完最後一個印，發現時間唔係好夠
行到一半都係搭的士返車站
車站附近有得租單車，可以租單車玩呢個活動


儲齊晒印仔可以換到pokemon with you 紙模型

搭車去猊鼻溪坐船


小拳石代表岩手縣好貼切，真岩手


猊鼻溪嘅紅葉好出名，4月嚟睇枯枝多
不過難得去到就坐埋啦，都唔知仲會唔會再去


去到個猊鼻附近會上岸，有掉石仔活動
要買嗰度刻咗字嘅石仔，掉入個窿入面
不過距離好遠，唔係咁易成功
發現大部分日本人嘅投擲姿勢都好似打棒球咁


應該就係呢個猊鼻


投完石就坐船返起點，成個體驗大約個半鐘左右

返盛岡食三大麵之一嘅盛岡撈麵
間舖喺車站附近，叫咗細都好大碟


嗰日咁啱係呢個撈麵日，加湯仲免費
撈麵係一麵兩食，食完撈麵可以自己加蛋，之後俾店員加熱湯，變成蛋花湯


第二間舖見到poster


Day 5完

請問青森果邊 如果唔自駕 交通係咪唔方便

睇你去邊啦，去弘前嗰啲搭jr都好方便

我去嗰啲景點都冇自駕
去大路景點應該冇問題

Day 6
出發前一晚見角館嘅櫻花開得好靚，臨時決定去埋
不過秋田又有3座城印要去，於是前一晚先嚟租車
好彩都book 到，於是展開秋田半日自駕遊

是靚早喺新幹線食


秋田新幹線


一到車站就見到大大隻秋田犬


竿燈



第一站去脇本，中途見到生剝鬼


呢條隊道出入口好得意，一邊藍一邊紅


隔離有車路可以直上



既然揸車就順便去埋pokemon 孔蓋



去完最遠嘅脇本就去秋田城
秋田歷史資料館個印要俾錢入場先印到
過啲有個史跡管理棟就無料




最後一站去久保田城
呢度嘅櫻花都開得好靚


又有櫻花祭，買兩串雞食
唔知係咪比內地雞呢


啲櫻花好似伸懶腰咁，打開晒花瓣


上去吸印仔先


上到御隅櫓睇風景


之後落返去睇櫻花



行完久保田城就搭新幹線去角館
去到角館已經6點左右，一出站就有棵枝垂櫻


然後行去檜木內川堤，沿途嘅櫻花都好靚



可能開始天黑，成條路都冇咩人




啲櫻花真係好靚一舊一舊繡球花咁喺樹上


檜木內川堤都有一堆櫻花祭攤檔
呢檔係燒熊肉，試咗一兩舊，有啲似牛肉


再行多一陣就見到好多枝垂櫻


好似櫻花瀑布


晚餐食比內地雞親子丼


仲有米棒鍋


親子丼有埋烏冬一次過食晒秋田名物


小食，串燒都唔錯




食完返車站，搭尾班車返盛岡



落車之後等咗半個幾鐘睇新幹線分體
成10點半都好多遊客一齊影


Day 6完

勁，中間可以攝到班返去
我上次坐來回都唔夠時間

氣仙沼站有個儲pokemon印仔活動，你儲完左會有禮物😂😂

換咗禮物

我覺得ぴょんぴょん舎 盛岡駅前店、好食d
今次都有去試盛楼閣、配菜好味、但可能d麵粗得滯、掛唔到d湯

呢間都有bookmark ，不過冇機會食

追櫻除咗睡覺、其他野一律犧牲

真，早餐通常新幹線食便當
晏晝多數skip
一係食櫻祭啲攤檔
夜晚返到酒店附近又唔多選擇

Day 7
朝早搭巴士去睇石割櫻，行去車站見到岩手山


去到見到覺得好犀利，一棵櫻花竟然爆開咁大舊石生得咁靚




石割櫻已經出緊葉，不過附近嘅櫻花仲係滿開狀態


櫻山神社嘅枝垂櫻好靚



神社嘅御朱印仲好特別，貼咗塊櫻花貼紙


之後行去盛岡城



盛岡城跡公園嘅櫻花都係滿開狀態，好似一粒粒波係樹上面咁有啲人會喺樹下野餐



呢棵櫻花樹好似有病，樹幹中間好大個窿，不過仲生存緊，香港應該俾人斬咗


城印喺呢間歷史文化館入面，去到竟然冇開
明明做咗咁多功課，竟然check 漏咗呢間
好彩佢寫住可以去市役所印


上到市役所就好似政府啲辦公室咁，問人佢就會帶你去印，個印就喺辦公室入面

印完就去郵局，郵局隔離有個免費觀景台，天氣好應該都唔錯


食碗蕎麥麵就返酒店拎行李


成日見到呢個紅豆忌廉包，買咗個嚟食，都唔錯


二戶落車去九戶城


二戶站有locker 放行李，不過個喼大得滯閂唔到門
抱住搏一搏嘅心態，就咁掩埋道門算
巴士站有jr巴士可以搭去城跡附近


九戶城跡到著



去埋巴士站附近個神社


夠鐘就搭巴士返車站，好彩個喼仲係度
去到八戶放低行李，終於坐低食個晏
其實已經係tea time
嚟到青森縣可以瘋狂食帆立貝
呢個仙貝湯好好飲，飲過其他間啲牛蒡味好重，呢間唔會


原本plan 咗啲活動去到青森先做，諗諗吓覺得可能唔夠時間或者好chur，所以臨時決定搭去青森
張pass 又去到今日，用盡佢

到咗青森就去浪岡印咗城印先，個印就喺車站隔離
原本plan 咗去弘前嘅時候順便去埋
好彩有去咗先


返青森之後去埋睡魔之家


真係整得好靚，有機會都想去睡魔祭


去埋A-Factory

蘋果雪糕好好食


走之前去咗附近嘅餐廳食嘢



呢碟魷魚好好食忌廉蒜蓉味


車站買咗枝蘋果汁飲，又真係幾好飲
飲咗好多款蘋果汁，覺得佢最好飲
佢啲甜唔會惹痰，飲落好c 伏，唔怪之得世界一


Jr pass 任務完成


Day 7完

樓主見到啲 pokemon 孔蓋係事前上網有攻略定偶遇的?

事前搵嘅
每次去日本都會搵定附近有冇孔蓋，去得到都會去
呢個網好方便，有晒地址
https://local.pokemon.jp/tc/manhole/

好正多謝分享
東北都真係多得誇張仲要岩手宮城福島都係有隻signature

日本人真係好細心，擺個孔蓋都有咁多背後意義
不過大部分都好隔涉

好唔方便 啲車好疏

我喺盛岡都係食呢間有肉又有麵叫埋酒都係3000 yen

咁正下次試吓先

下次試下ぴょんぴょん舎先 今次食咗盛楼閣我家姐話覺得一般