仙台追櫻到函館遊記

唔揸車根本九成都唔就腳之前香川縣都搵得好開心

多數喺道の駅附近

Day 8
晨早出發去陸奧湊食海鮮丼


呢間好多人推介，即管試吓
比目魚好好食，魚肉冇筋
唔使鼓油，佢嘅秘製醬汁已經好夠味
加埋月見100分


其他魚生就普通


食飽就搭車去鮫，行去蕪嶋神社


離遠已經見到一堆海鷗
白色一點點嗰啲全部都係海鷗


海面又一堆


附近有個孔蓋，岩手縣代表加長翅鷗
好襯呢度
睇嚟個孔蓋應該有人清潔
周圍都係雀屎，個蓋仲好乾淨


去到第一件事要喺度拎把遮
中雀屎機會好高
試過拎開把遮影一影相
有撻雀屎係面前滴落，好彩冇整到
不過中到雀屎好似可以喺神社拎好運證明


大家都拎遮上去



呢個景點真係CLS
成地雀屎仲要勁臭，行樓梯嗰陣又要抖多啲氣
好似吸緊雀屎咁
一度行到想嘔


佢哋會就地築巢孵蛋


當日見到有人清潔地下，不過都係成地屎


神社對面有個休憩所，可以入去呼吸新鮮空氣
雖然真係好l臭，不過係幾有趣嘅體驗



睇完雀就搭車去根城，本身想去埋種差海岸，不過天氣唔好就放棄了

地下執嘅櫻花瓣


印完印仔就行吓個城跡


呢個城跡平時要俾錢入，依家櫻花季唔大收入場費之餘仲要無料佢究竟點搵食


根城嘅枝垂櫻開得好靚



有吉野遺址嘅感覺



行個圈就返八戶
拎行李出發去三澤嘅青森屋


呢度好似有美軍，所以三澤站都有美國旗嘅佈置


青森屋都係星野集團嘅酒店
shuttle bus 落車後見到職員拖住隻馬歡迎客人


房間環境


呢間酒店最大賣點就係充滿睡魔佈置
其中一款房仲可以望住睡魔瞓不過book 嗰陣已經冇晒


3點飲到夜晚6點嘅蘋果汁，個設計好得意
喺蘋果樹度裝咗個水龍頭，扭開就係蘋果汁


仲有溫泉浸，作為旅程嘅中場休息都唔錯


晚餐都有唔同選擇，最基本係自助餐
你加錢就可以食南部料理

自助餐正正常常，有三檔係即煮
燒帆立貝、鐵板牛同埋天婦羅，有蘋果天婦羅





話說喺度食到個蘋果乾超好食，買咗十幾包返香港因為青森有好多蘋果乾賣，於是去咗問職員係邊一款蘋果乾，佢講咗一堆日文我都聽唔明，問佢係咪卡樂B佢又話係，差啲俾佢伏咗後尾喺酒店嘅手信店搵到，大手入貨

食飽之後，8點左右有櫻吹雪活動
住客可以拎杯酒飲，夠鐘就會噴櫻花
都幾靚嘅


9點左右有個收費活動，係模擬睡魔祭
俾住客都可以體驗睡魔祭
表演過程唔可以拍攝
覺得唔一定要去睇，中場都有啲眼瞓
估計佢模擬緊弘前、青森同八戶嘅祭典


Day 8完

超好食蘋果乾，試過買其他牌子食
都係呢款最好食
係A-Factory 、青森物產館都有
退埋稅

佢有4款蘋果，暫時食咗紅色同綠色
中間係厚切，都好好食
仲有包係白色包裝，雜錦蘋果乾，不過貴啲
唔知有冇人都鍾意食呢

樓主識野，呢隻牌子最好食

係呀，朝早7點半就去到

個雞翼好似好好食咁
見個個都有去食

Day 9
晨咁早起身搭酒店車去元湯嗰邊浸溫泉
青森屋除咗酒店本館有溫泉外，都可以搭車去別館浸
不過個人覺得留返本館浸都ok
浸完就喺本館附近嘅公園行下


呢度有足湯，浸住睇風景幾chill


早餐又有帶子幾鍾意呢個煮法，好鍾意食海帶
仲有蘋果咖喱


其實酒店仲有好多活動，釣扇貝、坐馬車遊公園等
記得book 定，當然有啲係收費活動
不過呢日要搭9點shuttle bus 就冇參與

Checkout 之後就去下一間酒店—星野奧入瀨溪流
因為兩間都係星野集團，所以佢哋都免費提供接送

10點幾到酒店，放低行李就搭巴士去十和田湖


十和田神社


估唔到呢度啲雪未融晒


之後搭返巴士去雲井瀑布再轉酒店shuttle bus 周圍去
酒店每一個鐘都有shuttle bus 來回雲井瀑布，搭半就喺雲井瀑布返酒店，中途有幾個站都可以上落

石戸休憩所



雲井瀑布



4月份嘅樹仲未有樹葉，睇樹枝



個名改得咁型


行3、4個鐘就返酒店
酒店隔離係觀光案內所
青森蘋果批初體驗竟然喺奧入瀨溪流食


返酒店繼續中場休息


Welcome drink有蘋果汁同蘋果酒，又係飲到6點


大堂環境好正，坐喺度hea 陣都唔錯
之後就浸溫泉，溫泉室外景都望到溪流


呢間酒店都係有好多活動嘅、整燈整苔蘚工作坊、導賞團、租單車等等，不過冇join

舊苔蘚好得意好想帶返香港
不過有泥土係唔可以入境


呢啲都好靚，不過相信呢啲擺設放喺自己屋企就唔靚


晚餐係自助餐，叫蘋果廚房
雖然兩晚都係星野自助餐，不過食物唔會好重複


大大粒炸帶子，今日都有鐵板牛
不過同尋日嘅牛都有啲唔同


仲有即焗蘋果批，好食


又有好食蘋果乾


Day 9完

蕪嶋果種腥臭好難忘,但又好震撼
巴打有冇買佢哋果件紀念tee,畫有海鷗每年去蕪嶋嘅習性,幾特別
又八戶去鮫得幾個站,但jr好鬼疏

我第一個蘋果批都係星野奧入瀨隔籬個案內所食

冇買到淨係買咗御守

間野仲要喺A-factory 都有得食

Day 9
早餐照舊自助餐




食飽又周圍行吓，等夠鐘就搭shuttle bus 去青森




去到青森站附近，放低喼喺酒店就周圍行吓
話說呢幾日嘅酒店超full book 嗰陣book 唔到連續兩晚，搞到要轉酒店，仲要好貴

冇乜野行嘅市場


善知鳥神社


啲嘴好核突


一粒粒櫻花波


路過見到蘋果批買咗嚟食


青森公園



廣田神社



放咗啲蘋果喺度


蘋果籤同埋扇貝籤


呢度有蘋果圖案御守，都幾靚
御朱印都有個蘋果喺度記得有其他公仔揀
不過青森縣緊係揀蘋果啦


之後去物產館買手信
大手入貨蘋果乾


買完手信又食蘋果批
不過一直都食唔到好食嘅蘋果批


晚餐都喺青森站附近食
呢個煮帶子好好食，好多舊帶子喺入面
面頭仲有啲海膽
蘋果餃子味道幾得意


炸帶子又係勁好食，炸到啱啱好


燒帶子好香、刺身都鮮甜
好好食好滿足


之後又去咗A-Factory 睇吓仲有冇野買


又食蘋果批，買完發現係奧入瀨溪流嗰間


Day 9完

巴打青森食帶子set單嘢叫咩名?thanks

お食事処おさない

原來呢間,我上次去都想試,點知佢開嘅時間好短,印象好似7點幾就閂
我去到已經收咗
結果緣慳一面

好早閂門架，我係4點左右經過
見佢準備開門等咗陣就入去食

你醒喇,我check番TABELOG，原來佢晚市開4-7pm,我果日去都接近收

佢6點半截龍、上次我奥入瀨出返青森站、睇到有人龍就跟住人排先食到

當畀個遺憾自己
下次再去青森就要食佢

Day 10
終於嚟到去弘前城嘅大日子
嗰日星期六，預計會爆多人
去到又冇預計咁多

8點幾，弘前到著


到站緊係周圍影相，印印仔先


又買蘋果批，今次終於食到好食蘋果批
原來係a-factory 嘅出品
新鮮焗起熱辣辣
終於唔係凍冰冰或者室溫嘅蘋果批


呢個單張好靚，拎返屋企留念
仲買咗呢個樣嘅file


因為睇天氣預測中午先好天
所以第一站唔係去弘前城，去咗蘋果公園先
巴士一去到弘前城附近就開始塞車


遲咗幾個字先去到蘋果公園
4月嘅蘋果公園淨係見到一大片樹枝
見佢8-11月有摘蘋果活動


遮住咗嘅岩木山


蘋果單車好搞笑


唔同嘅蘋果


又到食野時間
蘋果炸豬扒加蘋果飯


蘋果拉麵，整麵嗰陣已經加咗蘋果
試真啲先會食到少少蘋果味
整體同普通麵冇分別


芭菲


凍冰冰蘋果批


食完就周圍行吓


下面係蘋果園
開始好天，代表要出發去弘前城啦


搭返去弘前冇咁塞車，去完郵便局就行弘前城
唔知有冇巴絲都鍾意儲郵戳呢，呢個旅程先發現每間中史郵便局嘅郵戳都唔同，之前以為得東京間中央郵便局先有，弘前個郵戳係蘋果形狀好得意

終於嚟到弘前城
一嚟到就見到花筏形成緊，好靚呀



點解可以咁靚
由出發前以為淨係睇到開花
到旅程中途以為睇到滿開
點知突然加速開花，最後嚟到睇到少少花筏
今次真係人品大爆發
一定係前兩日幫個呀婆執返個袋嘅回報


影咗好多張相就入園啦


公園入面周圍都係櫻花


唔係好識分中濠外濠西濠嗰啲總之就好鬼靚啦


買咗共通劵，去植物園行吓



跟住就去弘前城


要排隊等入場，排緊隊繼續賞櫻


粉紅色櫻花瀑布


上到天守閣，岩木山終於露出
下面都係咁多人排隊


行行吓見有野食就坐低食
明明一開波追櫻冇時間食嘢
呢幾日都係咁食
好鍾意呢個津輕烏冬，有啲米線嘅感覺


再次挑戰蘋果批


晏晝嘅春陽橋唔算多人



見人玩得咁開心，我都排隊撐船仔
雖然條隊望落好長，不過實際又唔係排好耐
印象中1000yen撐一個鐘
不過大部份人都唔會撐足一個鐘，因為好攰


密集花瓣



撐完船又食嘢發覺弘前櫻花祭啲野食多啲花款
啲攤檔都係，夜晚好似經過間鬼屋，聽到人尖叫

呢檔似屋台，入面仲有其他野食
不過睇唔明日文，揀返大路燒雞同關東煮



食完去咗搵心心
感謝連登追櫻post 資訊


香港台灣就嚟1cm 厚


時間去到5點左右，叫做喺弘前公園行咗個圈，出去食個晚飯再返嚟睇夜櫻

Day 10 待續

呢間嘢4月19號先喺A-factory開我哋係啱啱好頭一批人去幫襯