「世界(已經)與你無關」 #怨婦頻道
場波既分野,在於戰意。打吡失分未必太意外,之但係爭冠直路毫無鬥心,真係令人非常失望。
其實都唔使捉戰犯,十個都踢得好差,Diaz已經算好D,不過真係冇人幫手。其他人呢?Robbo踢左幾多腳空氣、TAA點解可以走甩卡法路雲、Szobo D決定慢到嘔、Salah 90分鐘應該得一腳好波,完全冇嘗試突破、Nunez點解次次都選擇硬抽、Konate點解可以同Mac咁冇默契,做乜鳩篤個波入中間、Endo下半場先出嚟,點解一出黎就冇氣………等等等等,無提到名果D都唔係踢得好。
我哋班垃圾利,國際賽之後全面崩盤,短短一個月失去左三個爭鏢機會,原來「高普季尾離隊」呢支瑪啡針係捱唔到去季尾。成班球員身心一齊疲累,連vvd都好似失去左季初季中果種壓倒性霸氣。Endo就之前輕傷抖兩場之後,完全回復唔到水準,失波奇多,亦係各隊既針對人物。唯一比較對辦係只有Elliot,好似得佢知道呢場係打吡戰咁。最慘就係前面唯一幫到手既jota又傷、另外近況唔差既Gakpo要去迎接小生命出世。不過其實又唔係好明點解今場唔試Grav,起碼叫上場入過波,狀態都冇咁頹掛;最後換人係雙閘換雙閘,Klopp已經講明係放棄咁。不過橫掂放棄,點解唔試吓Danns,雖然知道效果都未必收到,不過比後生仔吸收下打吡經驗都好呀。
打吡戰輸比隊垃圾真係好唔開心,不過我哋冇資格屌人,人哋柒足一季都好,起碼都會認真對待呢場別具意義嘅打吡;相反我哋呢,明明爭鏢直路都可以無心戀戰,心酸程度拍得住當日用大敗「歡送」謝拉特走。
餘下落嚟,好好享受未來四場賽事吧,好好歡送呢位偉大領隊吧。(謙虛的Klopp可能會回應,好領隊可以,唔好講偉大)