想問吓呢啲係咪類固醇反彈？

細個果陣唔識野 條頸痕淨係諗到去藥房配藥膏搽 好死唔死條友比支類固醇我（個陣冇意識類固醇係唔好嘅）

幾年黎有痕就會搽 呢一兩年發現唔對路 由年幾痕一次變成幾個月就痕一次 最近仲個幾月就痕

本身都有暗瘡問題 扚起心肝去睇專科 拎支野比佢睇 然後佢屌到我仆街 話點可能係條頸搽啲咁勁既類固醇 頸既皮膚本身就薄

跟手用左佢調製嘅類固醇搽左三個月左右 搽晒冇去複診，亦都冇再揸任何野 然後就開始慢慢變成下面咁
呢張係有搽類固醇既時期

呢幾張係冇搽一兩個星期
感覺好似擴散緊
爬左好多文個個都話類固醇係唔好 如果由而家開始戒類固醇 keep住搽凡士林之類既保濕係咪會好返？

現階段間中會痕但可接受範圍 但冇傷口冇水泡冇出水 唔知點解摸落去係會黐立立？？

另外政府醫生有開呢支比我搽clotrimazole cream1%
話殺真菌的 你地有冇用過 有效嗎？

類固醇你連續搽左三個月？

如果唔搽類固醇，都有好多非類固醇既藥可以搽，要睇醫生

Clotrimazole 係殺真菌，但就咁睇未必係真菌感染

我係有痕先搽 但呢三個月痕既頻率好高 所以搽晒3.5 x 3.5cm面積盒仔既類固醇 一冇搽就變成下面啲圖咁 依家知道過往犯下嘅錯係好大鑊 希望嚟得切補救

醫生判斷你條頸嘅皮膚係咩事？

如果係皮癬，開抗真菌藥膏係正路，睇情況搽一段時間+保持個人環境衛生，一個月左右會好轉甚至好返哂，因為d真菌已經死哂

如果搽極都冇好轉過，建議轉藥/轉醫生，始終要對症下藥先解決到

利申:生過圓形癬喺後頸近髮腳，印象中我係r到出血、衫領成日有血有膿，一放暑假就去睇醫生，佢除咗開藥膏仲開埋抗真菌洗頭水就淨係洗果撻癬，開學前就已經完全好返哂，回復正常皮膚狀態

巴打邊度睇？

可能我去睇個陣 情況唔係下面啲圖咁誇張 似圖一咁既狀態去見醫生 醫生冇特別判斷
專科醫生淨係比左一甖仔類固醇叫我搽
到睇政府醫生嗰陣 我話唔想再用類固醇 佢就比左果支殺真菌既藥膏我搽 但我keep住搽左一兩個星期 條頸都係咁既樣

中環 李祖祺 300蚊

類固醇反彈人哋長期口服、打針先會你搽就算把啦

唔係keep住長搽其實無乜副作用，更加唔會去到反彈咁嚴重
不過如果你對類固醇無信心，就轉藥膏囉

請勿害人啦師奶

類固醇藥膏唔會導致到類固醇反彈？

以下link自己親身經驗
類固醇搽上癮前，你一早已經因為免疫力下降而大量爆瘡，繼而停用

之前上晒報紙又代言atorrege嘅女仔係經常出鏡前搵醫生打類固醇針先搞到上癮
類固醇易上癮：打針>口服（最多3～5日）>藥膏

公立開類固醇濃度係極保守，建議你如果真係急性濕疹盡快去睇李祖祺速戰速決，拖到變慢性就有排你玩
你如果滲黃色水就係金黃葡萄球菌感染，一定要同醫生講，佢會開抗生素俾你

濕疹，我屌你老母
https://lih.kg/bnKHDAV
#48 回覆 - 分享自 LIHKG 討論區

有個重點就係，皮膚表面康復，但仲係巢巢地，即係底層仲發緊炎，要繼續搽，否則會復發

如果會大範圍熱+痕，建議裸睡，床單枕袋被袋要成日換，用松焦油沖涼

cerave如果夏天搽完會出汗、焗到痕，即係搽太多、太厚，或者可以試下Physiogel凝霜，gel狀降溫好清爽


https://lih.kg/kipmpT
#7 回覆 - 分享自 LIHKG 討論區

Copy舊post唔排版了


（警世）有濕疹，千祈唔好去工廈，地舖睇埋D 自稱中醫既中醫
https://lih.kg/xkdbhJX
#242 回覆 - 分享自 LIHKG 討論區


李祖祺320搞掂，中醫收皮啦

呢個真係夠重手又平

中醫一日都100一劑，勁貴

啲人驚類固醇驚到未醫好就停藥，濕疹翻發就話類固醇反彈


拖下拖下變慢性濕疹就好玩

我試過好多中醫
大多數都冇用
有用嘅一定係溝咗類固醇入啲藥度，因為一搽一食兩三日即好返


有次睇元朗嗰個中醫，仲要溝口服類固醇俾我
食到我失眠，兼隻腳蜂窩性組織炎

李祖祺起馬會同你講朝早先食得類固醇，兼控制你用量，減少副作用，中醫只會暗底裏溝落去

啲人俾貴價睇中醫用類固醇，自我安慰話冇副作用


表皮好返，皮膚底層仲發緊炎
即刻停用梗係會爆發返
未醫好就屈係類固醇反彈真係好搞笑



醫生有醫德真係好重要
我睇公立遇過後生醫生好有heart
Fluocinolone開兩種濃度，hydrocortisone開一種
叫我慢慢減強度&頻率
再配合protopic/staquis去防復發

沖涼用松焦油，cream搽cerave
控制得好好，每年換季可能會復發，但都即刻控制住

濕疹一定係重手速攻
否則拖到變慢性濕疹就難搞

李醫生好重手，一嚟就beprogent aim for急性濕疹

你會復發幾次即係慢性
beprogent搽好請轉Fluocinolone 0.025%、0.005%繼續搽
最後hydrocortisone
慢慢減強度&頻率
再配合protopic/staquis去防復發

即使我咁多年、用過咁多次beprogent
就算我慳錢唔睇李醫生，就咁用強度第二弱嘅Fluocinolone 0.005%都係搽得好，上癮得啖笑

類固醇你要上癮之前已經爆晒暗瘡唔會想用

李醫生有冇開埋醫暗瘡嘅藥俾你？

最嚴重嗰次都係中醫亂溝類固醇俾我食，隻腳蜂窩性組織炎，好返幾年個坑仲係清晰可見，當時只係連續睇咗幾個月，每劑110，使咗成皮

當然，之前媒體報導兼代言Atorrege個女仔打類固醇針就另計啦
出鏡前就去打針，吸收量超恐怖


李醫生只會beprogent搽身，頭頸先會開弱啲俾你，佢唔會教你慢慢減
Fluocinolone兩種濃度，hydrocortisone都係街症開俾我，後生嗰啲幾有醫德，睇千幾蚊嘅皮膚專科先會教你呢啲

李醫生睇5分鐘都冇就踢你走，醫德唔多好
佢只係重手&平

啱晒啲急性濕疹，嫌專科貴又唔敢搽

同埋西藥仲有protopic/staquis可以配合去防復發
staquis係輝瑞新出

濕疹係自己免疫力失調、皮膚屏障受損，搞到對外界反應過敏，根本就冇「毒素要迫出嚟」
中醫所謂「迫緊毒素」只係放棄治療嘅惡化

嚴重嘅可以搞到紅皮症

我自己就聽人介紹去睇神中醫亂溝類固醇俾我食，食完啲中藥勁口乾、勁多尿，之後隻腳蜂窩性組織炎，好返幾年個坑仲係清晰可見，想死

醫濕疹一定睇中醫

中醫可以溝高強度類固醇落中藥度，一食一搽就好返，超有效

中醫撚食到中毒、肌肉萎縮照樣讚好



濕疹藥膏含有類固醇成分，77歲中醫被捕
https://lih.kg/3454477


向中醫求診獲處方類固醇 9歲童中毒
2022/9/11
https://m.mingpao.com/pns/港聞/article/20220911/s00002/1662832955116/向中醫求診獲處方類固醇-9歲童中毒


女中醫涉售含類固醇等份藥膏　稱與師兄研發　以為內裡只含中藥
2022-12-02
hk01唔貼link


灣仔中醫宋勵君處方藥膏含未標示西藥　不當使用或致圓臉及肌肉萎縮
2021/10/2
https://topick.hket.com/article/3090262/【類固醇】灣仔中醫宋勵君處方藥膏含未標示西藥%E3%80%80不當使用或致圓臉及肌肉萎縮


註冊中醫古竹佑處方藥膏含未標示西藥類固醇　衞署籲市民交回銷毀
2020-07-06 23:30更新：2020-07-06 23:35
hk01唔貼link


【類固醇】天水圍普濟堂中醫藥中心中醫陳輝林處方藥膏含未標示西藥　43歲男子被捕
22:21 2021/09/02
https://topick.hket.com/article/3050032/【類固醇】天水圍普濟堂中醫藥中心中醫陳輝林處方藥膏含未標示西藥%E3%80%8043歲男子被捕


油麻地中醫趙致中一款藥膏含未標示西藥類固醇　衞生署籲病人注意
2019-05-07 21:45更新：2019-05-07 21:45
hk01唔貼link

[/quote]

下世小心d

如果我目前啲相嘅情況 淨係keep住搽保濕 會唔會好返呢？ 我擔心再次去到睇專科 個醫生又係推類固醇俾我用 因為我睇政府醫生嗰陣已經講明唔要類固醇 佢就開咗支殺直菌嘅俾我 我keep住搽咗一兩個禮拜 情況冇改善

搽其實好難，beprogent搽一兩日已經消晒，你自己會停手

Fluocinolone 0.025%、0.005%、hydrocortisone呢啲我斷斷續續長期搽咗十幾年，每次好返之後都keep到長達4～5年冇復發，每年只係轉季小範圍會自己r到損要搽幾日

你呢個情況先要confirm係咪濕疹先，同埋有冇金黃葡萄球菌感染

老實講齋搽保濕好難好

你睇專科醫生時其實可以講明搽非類固醇既藥膏，你有錢就直頭打生物製劑都得

政府醫生就好多時都係鳩醫

所以我最好再睇多次專科 問清楚 金黃葡萄球菌有得驗埋？

爬左唔少文 多數人最後都話戒類固醇 然後日日搽保濕 過多幾個月或者一年就會自己好返 做好保養管理 祈求唔好再翻發

定或者我再用多次類固醇 醫番好撻紅色印 再做好保濕 會好啲？ （當然係睇專科開唔係藥房配）

主要去睇專科唔係問題 係驚嘥咗啲冤枉錢
因為我已經有睇過 當然可能係嗰個醫生唔得

如果你嫌皮膚專科成千好貴，可以去中環李祖祺3XX蚊搞掂

皮膚用紙印有黃色滲水=金黃葡萄球菌感染

類固醇（搽/口服）醫好先，口服抗生素（如有金黃葡萄球菌感染）
之後再用physiogel降溫凝霜（夏）、cerave cream（夏/冬）去keep防復發

凡士林只係鎖水，你搽之前本身要夠濕潤，同埋輕輕印，搽太多又會焗到出汗痕，我覺得麻麻

明白 thanks師兄
所以基本上濕疹嘅人都好少用凡士林？

同意呢位ching嘅講法

樓主下次見醫生最好帶埋用緊嘅藥膏同護膚品去，如果整理埋你條頸嘅皮膚變化歷程+高清相就更好，咁醫生就有多d資訊去判斷病情

關於藥物風險例如類固醇上癮，等醫生講解會清晰啲，最緊要係你知自己有冇對任何物質過敏（食物、藥物、接觸物料etc）

祝樓主早日康復

頸皮膚好薄，Fluocinolone 0.025%、0.005%你搽一兩日就可以好返

最弱嘅hydrocortisone可以溝cream定期搽防復發

記得隔兩三日就剪、磨平指甲

想問點confirm有無金黃葡萄球菌感染
之前睇2個醫生，一個話有一個話無

聽落我再睇多次醫生穩陣啲 唔可以單靠搽保濕就算 因為眼見佢有擴散緊嘅情況啲紅印

凡士林夠平，你用得好都無問題
冇類固醇嘅protopic、強類固醇beprogent 好多時都係油膏狀，質地類似凡士林，所以好常見

我就好多時焗出汗反而痕
同埋佢係鎖水係唔方便補cream/藥，你用完仲痕就要洗走佢再搽補濕+最弱類固醇+重新輕印鎖水
痕嘅時候不斷cum凡士林只會越cum越焗