(討論) 父親明言死後物業歸兒子　港女痛斥「重男輕女」

雖然女人地位隨著時代進步地位提升，但仍有上一代父母持「重男輕女」觀念。近日就有位港女大呻自己慘遭家人重男輕女的經歷，父親更明言死後財產留給弟弟從而不滿，引起網民熱烈討論。

近日有港女在連登討論區以「呀爸話到時死咗間屋留比細佬」為題，分享自己被家人重男輕女的遭遇。事主表示家有三姐弟，與弟弟相差八年，而自己與年長一歲的姐姐近年已經移民，更在當地成功置業，「移民置業全部靠自己，差細路（佬）未出身」。

而上星期女事主爸爸到當地探望兩姐妹，飯後散步時事主爸爸表示「到時阿爸阿媽賣左（咗）香港層樓過嚟呢邊置業，死左（咗）都係留返層樓比細佬」，事主當下雖然沒有甚麼反應，但事後「個心有啲唔舒服」，表示自己並不是貪圖父母親的遺產，「其實都無幾多，只係有啲傷心，係咪做女下場都係咁」，認為家人太父權，只顧重男輕女。

而帖文一出後引起不少網民討論，有部分網民建議事主直接要求平均分配，「不如你直接問下你老豆你三姐弟可唔可以平分層樓」、「最好賣曬啲家產再平均分配」、「咁你家用可以比少啲，等佢個仔自己照顧佢哋一世啦，唔係話分化你同你屋企人嘅感情，你老豆咁做其實都無照顧你嘅感受」。

亦有部分網民支持事主家人的決定，「兩個大嘅都移民咗，照顧到自己，咪留嘢比個細佬，如果唔講比你聽到、送咗你先知，你咪又係不滿」、「一家人仲要做大都咁計較，唔怕尷尬你咪直接出聲話要平分囉，不過我prefer尊重老人家意見」、「其實冇計的，資源有限，女人可以靠男人，但你細佬冇得靠女人，係社會女人係easy mode既情況下，你老豆都係想你細佬玩得相對easy」、「作為家長，對子女嘅態度係要公平，但唔等同乜嘢都要平分，真係要計，父母陪每個仔女既時間、講幾多句，係咪都要一樣。成年人，應該知道父母無可能平等咁照顧每一個子女，總有人可以被照顧多啲，總有人係會被照顧少啲」。

D錢又唔係你既, 人地想比邊個就邊個啦

隔離只捐俾女dse生又無歧視

而自己與年長一歲的姐姐近年已經移民，更在當地成功置業

咁你移咗民, 留香港層樓俾你做乜鳩

我地周凱旋係大善慈家, 慈悲為懷, 功德無量, 絕無歧視

同一講法
錢係你父母既，佢想點安排係佢既事

升職一定要40%女性
否則係歧視

無計, 鬼叫你生個小朋友出來跟老公姓

管理層必須有40%為女性出任
否則就係glass ceiling

有冇諗過你係家姐佢係細佬
你老竇老母覺得要俾個細嘅一啲旁身錢

又拉埋去性別講真係on99

啲錢係邊個嘅
佢鍾意捐晒佢都得㗎啦

自己與年長一歲的姐姐近年已經移民，更在當地成功置業

d女去左外國買晒樓，咁留比香港個仔住都正常jer

父母有錢 養老可以靠自己 死咗之後想比邊個就比邊個 哩個係金錢自主
成個女權巨嬰係到吵

最大問題係兩個女去晒外國又有得住，
咁個細唔理男好女好，留間屋比佢有得住係最正常

up

因為係女性？

咩叫女人可以靠男人，女人出黎做雞？

其實係遺囑就係咁用，你估一定平均分？

管理層鍾意請邊個就請邊個
升邊個就升邊個
唔好同我講管理層太多男人

嫁完又有得分埋男家嗰層

總之所有樓都俾晒女

真係 冇著數就嘈男女平等
到佢自己有著數就叫你含撚

女人自己屋企要平分
跟著到自己老公屋企就會話點解唔係俾個仔