2019年後，烏茲別克有10日免簽證入境，但只限首都機場塔什干 Tashkent 出入境，入境要出示回程機票資料 (13位數字機票冧巴)，無嘅話有排俾佢hold住你唔入得境，眼見不少紅色廁所板入境都有問題，所以最好print 定晒資料先，因為機場wifi 係要用電話拎code 先用得，但唔知海外冧巴拎唔拎到code，上唔到網就大鑊。
當地官方語言為烏茲別克語同俄語，烏茲別克文是用拉丁字母，即係我哋平時用嘅英文字母一樣，真係個個字母都識，加埋一齊就唔知係乜嗰隻，唔似俄文嗰啲，但當地招牌反而好少用俄文，火車站同機場招牌都無用俄文，但亦無用英文。
最多俄文嘅招牌係藥店 АПТЕКА。
機場大樓好細，一排 passport control，後面就已經係行李帶大堂，換錢同出電話卡都係呢度。
但出行李奇地慢，竟然用咗1個半鐘都未出晒所有行李。
過完 passport control，向左手邊會見到找換店同埋廁所，找換店個 rate 唔太差，如果唔係換太多，無乜要再去市區換。(3月29日當日匯價 USD1 : 12580 sum)
紙幣最低面值:1000 (我唔知仲有無再細，無見過。)，之後就 2000, 5000, 10000, 50000 同埋 100000。(仲要有分新鈔舊鈔，舊鈔大張啲無咁硬身)
但我都收到一個1000的硬幣。
出電話卡，當地 UCELL 呢間公司有個櫃枱喺度，有分 Tourist card 或 local card，但職員會建議你買 local 卡，因為平啲，最低消費 70000 sum ，我就買咗 80000 sum 包 40GB data，然後有啲社交媒體網係DATA 全包，當然唔包 Wechat, 小紅豬，要用passport 登記，不過就無限一定要一人一卡，我用一個證件都買咗兩張。
電話卡無block 任何嘢，乜網都上到。
換晒錢，辦埋電話卡都未等到行李出嚟。
離開機場，可以用 Yandex Go (Yandex Taxi 前身)，亦可以用 Yandex Map 都可以，你可以將所有要去嘅地方做晒bookmark，咁可以喺個app 搵番出嚟，好方便，因為我長期有用佢email，所以唔需要去到再登記就用得，可以綁定信用卡或付現金。
但因為 call 車太平，所以我都係綁信用卡 (驚就搵啲 debit 卡，但我綁 Tap & Go 失敗，load 極都load唔到入code 嗰度，因為無咁多散紙坐車，初初去全部都 100000 一張，無乜細面額鈔票，call 車試過尾數去到500，但跟本無500找，有朋友就話試過佢哋唔收個零頭。(香港的士狗一定進一)
Call 車非常平，短途1-2km 可以 8500sum 都得，不過 Yandex Go 沒有覆蓋旅遊城市 Khiva 希瓦，一係你就搵酒店接送 (都係加錢) 一係同當地啲的士佬講價。
再講！
不過機票好貴
