聽過幕後講,佢其實有禮貌好專業表達清晰,不過佢要求超高要顧埋佢要嘅形象同埋啲批評好harsh好mean(雖然係對事不對人),同埋隨時冇同人溝通過就現場突然改稿,不過佢改稿係有水準嘅,但佢出發點係為咗佢形象而唔係節目,而佢嘅不受控制搞到人哋隨時要揹鑊,最好笑係唱片公司都搞佢唔掂,反而係唱片公司啲人會主動嚟幫電視台,本身電視台同唱片公司兩批人其實唔啱成日爭權唔想俾另一邊食住,但佢就令到兩批人相處好融洽
但嗰陣已經係佢爆紅咗開始啱啱用王菲嘅時期,之前Shirley 嘅時期唔多清楚
反而另一個就真係臭四啦,唔尊重人唔尊重服裝造型又唔專業成日遲到,仲要唔表達清楚佢要乜,唔知究竟乜事得罪咗佢,突然走去投訴人,當年同佢合作過依家提起佢都即刻發火數臭佢