見好多人都討論何究竟係咪有愛簡
其實好難睇呢6集就分析到
或者連何自己都唔知佢真係有愛過簡
話哂都係12年既老婆 如果真係唔愛 可以堅持到咁耐?
可能我唔係男人答唔到呢個問題
但愛唔愛有時真係自己都未必知
有人問過編劇呢個問題但佢無答 話唔想劇透
有可能係失去左先知自己原來慢慢愛上左何
人就係咁
另外就係何係咪真係放低左R
有集簡check佢電話問佢「忘了」係邊個
何個刻先醒起仲未delete R電話
就知如果唔係簡撩返個ex出黎講
何都唔會記起呢個「遺憾」啦
何俾我感覺係一開始一定係未放低(會偷睇 R ig)
但去到12年後 最多都只會醒起R
佢夢到R個個夢 又唔代表真係放唔低
我地好多時都會夢見ex啦
始終有過咁親密既關係 會夢見返都正常
所以簡真係庸人自擾 老公根本已經無諗過要搵返ex
係都要搵人ig出黎比較
搞到自己唔開心 覺得老公唔愛自己
到最後老公點對自己好都會拎ex去比較