簡慶芬真係悲劇人物,永遠活喺R嘅陰影下。
何瑞之對佢做嘅所有嘢佢都拎嚟同R比較先
但係佢自己攞嚟,好勝,心機重,所以係自己嘅心魔令到佢一直都過得唔幸福,好似佢咁講,喺跑道上掛住望對岸嘅敵人,所以將自己絆倒了。
何瑞之對佢可以話真係冇愛情,唔係因為老夫老妻呀,係直頭見老母鍾意佢,又感謝佢喺佢唔喺度嘅時候陪佢老母,又令到佢俾同事誤會,感覺自己應該負返個責任先娶個賓妹返嚟,反正同唔到佢最愛嘅女人一齊,娶邊個都一樣,而簡慶芬乎合條件又就手
未拍拖直接就求婚,仲要hea到仆街
一切都只係想做個好兒子
淨係睇吓佢會為咗Rebecca同老母嗌交叫佢唔好講嘢咁難聽,之後再去氹女朋友
簡慶芬同佢老母有小爭執佢就會怪佢做咩同佢媽頂撞
何媽點解會揀簡慶芬,好大部分原因就係覺得個仔唔愛佢。咁就唔會好似Rebecca咁可以搶佢個仔
睇穿晒簡慶芬嘅討好行為,所以真係娶咗返嚟之後就唔再扮嘢盡情閪鳩佢
簡慶芬心地好差,以前做嘅所有嘢都係扮嘢,扮賢妻良母,
Rebecca 連被求婚後萬般不願都打去問何媽可唔可以嫁俾何瑞之,雖然佢地相處唔到,但佢都係尊重男朋友唯一嘅親人,因為佢知道同親人相依為命嘅感覺,何媽真係情緒勒索大師,唔想何瑞之夾中間,亦好討厭被討厭嘅感覺,所以選擇同佢分手
最後仲要危急關頭救咗何媽
佢唔鍾意講嘢,講嘢又直又堀,口是心非,但心腸最軟係佢
咁多年已經好苦,點解要寫佢到佢
生can
呢套嘢人物刻劃好好睇,好耐冇睇過咁好睇嘅台劇
配樂都好高質,唯一覺得難睇嘅係同醫師嘅床戲
勁出戲,就算要表達佢出軌應該有第個方式拍得好睇啲
仲有兩集希望唔好太草草了事爛尾
何瑞之發住夢喊醒嗰場戲真係跟住喊出嚟,賀軍翔擺脫咗以前男偶像嘅形象,以前都好鍾意睇佢,因為佢真係好撚靚仔
但呢套係咁多年嚟第一次覺得佢嘅演技入心入肺
真係好好睇