其實個單位有蝨同埋有曱甴係兩件好完全唔同既事情嚟
而清潔公司同滅蟲公司做既手法根本唔同,術業有專攻,你問我自己經驗,床蝨係最難處理嘅種蟲害,因為佢哋面積比較細,容易蘊藏係一啲平時肉眼見唔到嘅地方,例如梳化、罅隙、插座同埋窗簾等,所以需要好仔細咁做,需要客人同埋公司互相配合先可以斷尾。
最好就係叫個客人將所有衣物、床單等進行高溫清洗(60度以上),或者屋企如果有蒸氣機都可以使用。另外,你唔好再噴殺蟲水或者放滅蝨蛋炸間屋啦,因為有機會將床蝨殺唔到不特止,仲會將床蝨蔓延到全屋唔同角落同埋有抗藥性,到時只會更加嚴重🥲就算最後搵返滅蟲公司搞,只會更加難去處理。
如果個客係有精神病,同埋獨居長者的話,歡迎聯絡我,我可以免費幫佢去處理。同埋好欣賞你自己創業,我有一啲清潔客都可以refer俾你