先講返單位歷史,根據業主所講租客係一位獨居長者(前公務員精神有問題)
而我接呢單清潔時,業主已經比我睇過單位內圖片,當時以為只係比較污糟同比較多曱甴(當時亦未知道租客嘅情況)
到我進入到單位聞一聞陣味
(呢種獨特氣味,之前係某單位做清潔時同某連鎖垃圾餐廳食飯時聞過 印象深刻係一種好撚霉嗡嘅曱甴味)
(我心諗:今次仆街了)
但自己又應承咗人做,唯有焗住頭皮頂硬上
當我係入面做緊清潔時有幾次比曱甴爬上身,抹櫃桶時見到啲曱甴卵堆積如山,所有牆身都有曱甴屎 成個環境都發出臭味
隔籬鄰舍時不時喺單位門口望入嚟,好似參觀動物園咁望住隻猩猩做清潔,見佢地咁好奇之下就同佢地嗲幾句,
聽佢地口中講(前租客)每次開門都會傳出噁臭、大量曱甴爬晒出走廊,而佢地望入單位亦見到好多垃圾 成座垃圾山咁
當刻我聽完腳都痹尻埋
(幸好到單位前 業主已經搵人清走咗座垃圾山)
第一日
我清好咗兩間房同一個廁所
所有曱甴屍體我都掃走哂
做到晚上,咁我就噴埋滅蟲焗尻佢一晚
留返聽日繼續清潔,
點知返到屋企時發現隻腳比蝨咬到一點點,即刻沖涼、用熱水洗衫
第二日
入單位前(心諗咁撚凍應該無乜曱甴出嚟掛),點知開門後比畫面震懾住
https://streamable.com/mie2o8
啲曱甴仲多過琴日幾倍,數量仲多過我平日碗飯嘅米量
然後我諗咗一陣就打比業主:「唔好意思我做唔到了」,佢都好明白
最後錢都無收佢,我就走咗了
(可能係我見識少,做滅蟲應該會見得比較多,但暫時係我遇過最嚴重嘅住宅單位,呢種程度我只有試過係餐廳遇見過)
提醒各位業主租客
租前後請留意清楚單位環境
(由其是入到單位聞到霉嗡味,打開廚房櫃望下門鉸低條櫃邊有無黑色一點點)
未入伙前打開假天花打開所有櫃門
關門窗炸佢幾次