(慢速更新) 前進日本北陸

舊年去過
反而見歐美遊客多過亞洲面孔遊客

去北陸搭W7先啱feel 「北陸ロマン」，但E7數量多過W7.

去北陸搭W7先啱feel 「北陸ロマン」，但E7數量多過W7.

https://www.youtube.com/watch?v=-xVkHRTjjJ8

黑部宇奈月溫泉站
其實同宇奈月溫泉仲有一段距離


站內已經有指示你點樣轉車
路程唔係遠 不過要過馬路




咁啱見到由宇奈月溫泉開出嘅彩繪列車


除左有售票機之外 部分時段會有職員賣飛
可以買到呢張特價來回票 平少少


唔好去錯地方
不過如果唔係地震的話
本來今年就會開放由欅平去黑部水壩
而家唔知要延遲到幾時了


都有唔少人係呢度轉車入去宇奈月


搭到呢班係特急 由新黑部到宇奈月溫泉沿途唔停站
買左來回票已經包埋 唔駛加錢買特急券
(圖片係到站後補影)



話說呢個應該係球隊廣告
但全部得個身無頭係咩意思


搭特急十幾分鐘就到宇奈月溫泉
一出站就有溫泉噴水迎接你


先去酒店擺低行李


行去搭小火車期間見到個足湯
不過無時間所以無去浸
同埋今晚大把機會


今日重點行程: 黑部峽谷鐵道
之前有D驚無飛 後來發現就算紅葉季其實唔係真係咁滿
尤其係平日



售票處上面有顯示景點狀況
但.. 萬年雪會消失仲算唔算萬年?


就算未夠鐘 大家都已經排好陣勢


幾精緻嘅小火車雕塑


整理券上只有寫第幾車而無劃位
一夠鐘入閘 大家就入去盡快霸個靚位




待續

同你同一日住埋同一間酒店
我夜晚先到 落咗成日雨

大家咁話

住落如何

講緊落雨 定係同一日?

之後嗰日有無搭小火車
天氣好好多

有搭
但唔知係天氣反常定過咗見頃
睇唔到啲好壯觀嘅紅葉

我遲下去金澤
諗緊去雨晴高岡 定去糸魚川

由於係開放式車廂
乘客上車後會有職員扣好車廂旁邊嘅鐵鍊
之後就係準備開車



出站無幾耐就會經過新山彥橋跨過黑部川
全程車一路都有廣播介紹沿途景色
https://youtu.be/0o8E1lDX5a4

第一個經過嘅景點 - 宇奈月水壩
2001年先落成 係呢一帶最新嘅水壩



宇奈月水壩擋住嘅水就被稱為宇奈月湖
經過湖面嘅呢條橋就叫湖面橋
非常直接


好似一座城堡咁嘅 新柳河原發電廠



呢邊嘅山頭有D顏色 但唔算紅


呢個係.. 瀑布?


遇到對頭車 似乎係員工專車
由於大部分路段都係單線 所以指定路段有交會列車設備


山谷之間有設置一D吊橋
唔係人用 係比馬騮用


沿途都有唔少路段係隧道入面


佛石 似乎都係D噱頭野



第一個停車站 黑薙
好似宇奈月溫泉嘅水係由呢度一直引過去


通過後曳橋
根據官網介紹 因呢度係深谷令人畏懼而得名
https://youtu.be/OejrhLM1wYk

再一次交會列車
今次係旅客列車喇 引起一陣尷尬
對面有人揮手 我駛唔駛向佢揮返?


出之平發電所/ 水壩




待續

黑部川第二發電所



貓又站 只供職員上落車嘅車站


越進入深山 紅葉開始增多

https://youtu.be/5L5uK3GXmyE

鐘釣站
由於車輛長度關係 停站時會進入側線
開車時要先倒後 再駛入正線繼續行車

https://youtu.be/0CjAaYUCTgQ

又係水壩


經過一個多鐘頭嘅車程
終於到達欅平站
其實全程車都忙於睇風景 唔會覺得好漫長


雖然唔滿座 但都買定回程車飛先
天氣凍加行車時大風 好多人都加錢買有窗嘅Relax Car
我就無乜所謂 買普通就算啦


食個soba暖下身先 (900円)



食完先發現樓上有餐廳 有多D選擇


再上天台就係展望台



山頂已經有雪了



之後就係時候去附近行下
首先當然要係門口呢個打咭位影相



待續

車站旁邊係遊客中心


除左一般介紹景點之外
我反而留意到呢張Poster..


所以無充足準備就唔好上山
行返D大路景點就OK


通往河原展望台嘅通道
不過最後無落到去 (唔記得左)


D水好藍又好清


奧鐘橋同附近景色



呢個時候見時間差唔多 我就返轉頭
上返車站天台個展望台準備影火車
從上面睇奧鐘橋係咁


仲睇到車站入面準備開嘅列車


山頂嘅雪


笛聲一響 開車
https://youtu.be/24KWOB0p1zM

如果去超過名劍溫泉之後嘅地方就建議要戴頭盔



人喰岩
就好似座山打開個口要食人咁




經過人喰岩之後再向前行
又有天橋又有隧道



讀書都無讀過呢d雲/霧正式點稱呼


到達名劍溫泉
不過今日無諗住要入去
參觀完畢就折返



待續

黎緊去諗住坐小火車
但係呢段時間終站淨係去到猫又
之後唔比落車直接原車折返宇奈月
搞到唔知去唔去好

我覺得去開宇奈月就可以搭下
唔係嘅就留番下次先

雖然都係預左去到呢度返轉頭
不過都睇下前面有D乜
唔.. 好似有D危險咁





發現旁邊有個人造瀑布(?)


之後就沿原路返去車站了



返到車站見大家已經入緊閘
仲有少少時間 就睇下有無咩好買


唔... 唔係好吸引 算數


閘口旁邊有D展板介紹建設嘅過程



再唔入閘就開車 (設計對白)


呢度係欅平車站
車站月台同閘口之間呢條斜路就叫欅坂
好似都幾合理



火車頭 X2


有錢人車廂 係幾靚


我就繼續坐開放式車廂
可能因為途中落車關係
被安排到最遠嘅1號車



全卡車得我同車掌姨姨兩個人


搭十幾分鐘就到鐘釣
萬年雪已經溶左
會溶嘅其實仲係咪萬年雪?


係鐘釣站落車
下一班車到之前大約有45分鐘遊覽
好似好多 其實唔係


待續

黎到鐘釣 除左萬年雪之外
就得一個地方可以去


一路沿住路軌旁邊行


咁偏僻嘅地方竟然有公廁


大約10分鐘就望到露天風呂嘅位置



仲要落141級樓梯先到...


首先去上面張圖寫住足湯嘅位置
就係.. 一灘水咁


之後就直接過去岩風呂個邊
呢度就比較似樣
D水好清同夠熱
睇真D會見到有煙 (當然天氣凍都有關)



逗留左唔夠十分鐘就回程返車站
費事一個唔覺意Miss左班車


返到車站發現多左一團唔知邊度出黎嘅旅行團


車未到 入待合室等陣唔駛吹風
呢度都有黑部川開發嘅展板


呢度都有商店 不過都無咩特別好買



上車 本來又係編排係1車
不過職員叫我就近上車
最後上左無人嘅3車


回程其實都係一樣嘅風景
加上個天黑緊就無咩影相




新舊山彥橋


返到宇奈月站
站內展出嘅Head Mark同埋海報



紀念寫真Counter
不過1300Yen係咪貴左D


原來工事列車都會顯示出黎


待續

冬天比較早天黑


如果想了解多D黑部川起水壩發電呢個Project
可以參觀呢個紀念館 (免費入場)
由興建過程到而家營運都有介紹




夜晚睇呢個溫泉噴水
D煙更加明顯


返到酒店Check In
今晚係成個行程最貴嘅一間酒店
900蚊左右 (一泊二食)
以溫泉酒店黎講好似唔算貴
(有睇過其他日子再平D 唔知係咪因為有紅葉而貴少少)


Book左和式房 打開大門先有一個玄關位比你除鞋
廁所同沖涼房就係旁邊
再打開另一道趟門先入到房間本體


迎賓蝦餅同有兩支水


時間尚早未夠鐘食飯
結果係房HEA左差唔多一個鐘先慢慢落樓


大堂就有手信舖
買手信不假外求



戀人is everywhere


路上遇到比卡超 原來係遊戲機黎..



開餐 呢度係自助餐形式
但我發現我無咩影低D食物相
已經唔係好記得食過咩



刺身, 醃海鮮, 富山豚肉, 酥皮焗蜆肉乜乜


富山黑拉麵


其他仲有D天婦羅, 壽司, 沙律, 生果無咩特別
甜品得呢D同埋雪糕


返到房已經舖好床


執埋毛巾就落去浸溫泉
夜晚呢度係男湯 到第二朝就會男女調轉


呢邊比較無風景 再加上夜晚
坐係露天風呂望出去係咁
(由大堂層差唔多嘅位置影出去)


浸完上大堂hea下
有免費飲品提供


乒乓球室改個名做道場


無人嘅機舖


展品


之後就返房休息
Day 4完

Day 5

起身第一件事就係著住浴衣落去食早餐



尋晚有富山黑拉麵 今朝有冰見烏冬


望住窗景食早餐


早餐時段都有甜品


食完早餐就返房拎野去浸溫泉
今日個天好似幾靚


呢個叫展望露天風呂 棚湯
Book呢間酒店有部分原因都係因為睇左官網嘅相
https://yamanoha.orixhotelsandresorts.com/contents/onsen/
都算對辦嘅 只不過同D中年大叔一齊浸有少少煞風景啫


浸完就上返房執行李Check Out
放低行李係櫃台之後就係大堂影多幾張相先


呢個風景同棚湯望出去差唔多


宇奈月溫泉100週年
好難想像192幾年D人已經山長水遠黎浸溫泉


車站附近嘅足湯
可能平日關係 行過幾次都唔係好多人


又返到黎小火車車站
外面個廣場有個小火車模型



不過今日唔係搭火車
而係去步道散步啫


待續

冰見烏冬得唔得

無乜特別

https://tw.wamazing.com/media/article/a-1116/

any comment?