(慢速更新) 前進日本北陸

旅行日期: 2023年11月

會決定呢次北陸行
其實係某一日睇到金澤站鼓門嘅相覺得好靚
之後就決定下一個trip係去北陸 (非常莫名其妙)


行程
Day 1: 關西機場→京都→敦賀
Day 2: 敦賀→福井→金澤
Day 3: 金澤→冰見→富山→高岡
Day 4: 高岡→宇奈月→黑部峽谷
Day 5: 宇奈月→金澤→小松→敦賀
Day 6: 敦賀→大阪
Day 7: 大阪→關西機場

今日搭B-LEE
話就話係機管局送嘅機票
但淨係稅、附加費、買埋行李都過千蚊


本來用自助機Check In
點知出張紙話cannot process (之類, 唔記得咩字眼)
下面寫住reason係Seat Assignment
我仲估係咪無位坐要轉下一班
結果埋到Counter佢就話比緊急出口位我


經過台灣


雲越黎越厚


降落關西機場, 地下係濕嘅


落機, 呢張相拍攝時間2:35pm


2:57pm我已經出到入境大堂


開心得太早嘅我, 仲去左Lawson買野飲
見有D肚餓, 又去551買左兩個包
見D人全部幾盒幾盒咁買


去到JR站就知出事
打左幾行蛇餅 最後趕唔到3:44pm嘅Haruka
要搭下一班4:14pm


岔開話題解釋下
今次因為用北陸JR Pass得四日限期
所以安排前一日同最後一日都係住敦賀
實行用盡留係北陸地區嘅時間
前後再用兩張關西一日Pass接駁返大阪
都有諗過係咪應該直接買關西北陸Pass唔駛綁得咁緊
不過最後都係因為行程已經編好晒費事改所以算數


返正題
拎齊晒以上所有Pass之後
就搭上9卡都係281系嘅Haruka前往京都
(等我仲特登劃8號車諗住搭新車)


事情當然唔會咁順利
當列車進入阪和線全速前進無幾耐就開始收慢
上官網一查就見到 安全確認 四個字


去到天王寺遲5分鐘
都仲有可能趕到原本想搭嘅Thunderbird
但都係個句 事情係唔會咁順利


去到西九条對出直情停低左
應該因為梅田貨物線有一段係單線
要讓對向來車先行


最後去到大阪站已經遲10分
Thunderbird亦早已遠去


之前無留意
呢個頭墊係咪新野 好似好新淨咁


終於抵達京都
本身已經多人 再加上星期五放工放學嘅人潮簡直人山人海


Thunderbird本來大約半個鐘就有一班
但下一班好衰唔衰係直達車 京都之後直達福井唔停敦賀
所以係下下班車到之前我有差唔多50-55分鐘嘅等待
我決定去買野食


忽然間諗起幾年前係新宿食過嘅一樣野
又真係比我搵到類似嘅
不過怕唔夠時間食 都係買外賣穩陣D


到此一遊


返到月台搵個位坐低就開餐了
鮪魚茶漬飯
包裝好仔細 將魚生分開盒再加冰袋
糾纏左一陣先砌返好碗飯
不過飯量唔多 (可以揀份量, 我揀普通)
好快就食晒


見時間差唔多就去自由席排隊


見到部車到先發現出事
完全無諗過會無位坐


結果呢一個鐘頭嘅車程就係洗手盆旁邊渡過


有驚無險 7:37pm終於到達敦賀
由去到關西機場站起計超過4個鐘

通去未來新幹線車站嘅通道


之前睇Youtube片都見過類似嘅野
想加裝顯示板唔係整個新嘅
而係用個cam影住個舊嘅再駁落個mon度


今晚住宿東橫Inn
唔好見附近無咩野就以為佢平
都要6千幾Yen一晚 (單人房)


擺低行李之後就出去
8點左右商店街已經無人行過


百貨公司 剛剛8點收工


連連鎖店都唔係有好多間
呢間係少見嘅幾間之一


見到嘅鐵閘多過人


經過敦賀最著名景點之一 氣比神宮
等下次日頭再黎


繼續向海邊行 開始見到有裝飾
到底去緊邊


就係佢
簡單黎講就係每年11-12月期間都會有嘅燈飾


可能因為落雨關係
同我想像中遊客嘅人數爭好遠




新幹線就快開業 都要配合下宣傳


對出就係敦賀港
後來先發現紅磚倉庫都係附近
不過咁夜收晒工都無野好睇


回程沿路返去個陣越落越大雨
其實行返車站步程都要20分鐘


好彩商店街係有蓋
途中遇到奇怪裝飾


敦賀特色之一 夜晚先會出現嘅貨車拉麵檔
仲要唔止有一檔 不過得呢檔比較多人幫襯
今日對拉麵無咩興趣, Pass


上左去百貨公司上面間戲院參觀 無咩特別


頭先碗飯其實唔夠飽
所以就幫襯左呢間之前成日見但無入過去嘅連鎖店


期間限定嘅炸蠔定食
麻麻地 放得入口咁


人手不足 由佢負責送餐


10點後要加收10%... 好彩只係9點幾


食飽其實時間都唔係好夜
行返去車站參觀


今次去到好多車站都會見到嘅倒數板


就快脫離JR嘅在來線


已經顯示緊聽日嘅班次


隨意影




最後去車站對面嘅Family Mart買埋甜品就返酒店


Day 1完

lm

見到樓主嘅行程仲趕過我
應該攰到抽筋

lm 希望唔駛睇到出年
地區pass 坐thunderbird 要補全費定齋特急券ok?

特急券

開頭應該會更新得快D
之後可能2-3日先一更

Day 2

正如上面巴打話齋 行程緊迫
7點幾就起左身
酒店房望得到敦賀站新起嘅新幹線部分


對東橫INN嘅早餐一向無期望所以無失望


北陸本線有名你叫 特急街道
成個顯示板6班車有5班特急都唔算好出奇


Thunderbird 1號
一早6點幾由大阪出發嘅列車載住好多未訓醒嘅人


福井縣最出名嘅就係挖到好多恐龍化石
直情開埋博物館
所以縣內嘅大車站都會見到呢隻恐龍博士宣傳


尋晚無影到站名牌 補影返


離開敦賀站之後就會進入13.87km嘅北陸隧道


天氣暫時都唔錯
坐唔到窗口位 只能求其影一張


半個鐘左右就到福井站


由西口出站之後 已經見到外牆貼左恐龍


黎到福井縣主要車站福井站 點少得有恐龍嘅出現
佢條頸係識郁的


仲有比較嘈嘅呢一Pair..

https://youtu.be/9oqPkQ7iS_Y

仲有展出腳印嘅化石 (當然係假嘅)


比較似龜嘅吉祥物 (?)


車站外牆都貼左恐龍壁畫
務求令你黎到福井縣 就一定會見到恐龍 (?)


的確又吸引到有D一家大細黎自拍


待續

遲啲去金澤 抄考下樓主行程
我都諗住去福井 富山

福井站內個越前蟹駅弁，正。

行完西口就過去東口
由於新幹線嘅建設 車站擴建
東口一面有好多新起嘅設施


越前鐵道嘅福井站
睇返Google Map呢個總站都因為起新幹線而搬到而家呢個位置
另外巴士售票處都係隔離 趁有時間我都買定張巴士一日券


福井三大景點: 恐龍博物館, 永平寺, 東尋坊


其實過黎東口主要係睇呢個屋上廣場


恐龍王國福井
除左恐龍之外 越前蟹都係福井名物
連恐龍都要食蟹



大愛心
玻璃後面就係新幹線月台


設置嘅座位都有細細隻嘅恐龍陪大家休息


平台望出去就係越前鐵道嘅月台



落返車站
站內原本應該有個商場 但而家趁新幹線開業前大裝修
嚴選(?)左五間土產店係站內一角擺檔
我都買左少少羽二重餅試食 (無影相)


站內當然唔少得頭先係敦賀見過嘅恐龍先生
仲要打孖上


連恐龍蛋都有...


福井嘅景點都幾分散而且都唔近福井站
所以參觀完福井站之後就搭車走
Shirasagi 51號 由米原開過黎嘅頭班車


今次就坐得到窗口位


影相個陣都唔知一陣搭車會經過呢條藍色橋


蘆原溫泉站
都係新幹線新站之一


去Locker擺低行李之後仲有D時間就周圍行下
呢座叫Aflare嘅建築物主要係市民休憩空間
設有手信舖同觀光案內所
都係因為新幹線而新起 我去個時都未完全開幕



迫不及待已經留定位比新幹線


一定好多人當左做車站入口


時間差唔多 就搭巴士前往我地今日嘅第一個景點


待續

北陸多唔多韓國人？成個九州都係韓國人好煩。

Day1 係大阪轉Thunderbird唔係仲順咩
雖然都係要行上行落轉車
但頭站自由席應該易啲搵到位坐

無留意 應該唔算太多？

因為Thunderbird嗰程要另外買特急券
京都轉會平D

當初無諗到會無位坐

同埋大阪轉嘅話真係行好遠

今次無得一人包車


等紅燈見到隔離部車車牌都有恐龍


大約20分鐘到達丸岡城巴士站
一落車就見到觀光地必備嘅手信店+食店


當時夜晚有點燈活動
不過夜晚連巴士都無得搭


買飛入場會送呢條織帶


打咭



丸岡城全境
不過大部份拆晒淨返個天守


天守曾經因為地震倒塌
後來用返原本嘅材料修復
可能因為呢個原因做唔到國寶?


超級斜嘅樓梯
都算係古城嘅一個特色


左邊呢位先生曾經係丸岡城城主
佢嘅父親右邊呢位曾經寫過一封「日本最短嘅書信」
之後就被紀念到而家 甚至起左一座紀念館
以下Quote維基百科:
1575年長篠之戰中本多重次曾寫了一封家書給妻子，
內容僅簡短的寫了「一筆啓上 火の用心 お仙泣かすな 馬肥やせ」
（意思為「簡單幾句 小心用火 別讓阿仙哭 把馬養肥」）
這封簡明扼要的內容後來被稱為日本最短的書信。


上到頂層睇風景 普普通通
但啱啱打文個陣先見到有條好淺色嘅彩虹


又高又窄嘅梯級 一定要扶實先夠膽行
有D人行到Wee娃鬼叫


忽然有一團旅行團到達
好彩我已經行完



門票除左包丸岡城之外
仲包埋呢個歷史民俗資料館
不過時間關係就無入去喇



待續

上年10尾嗰陣唔多。

搭巴士去下一站 搭到一部有Disney廣告嘅
車裡面都有一隻Minnie公仔



沿途風景


下一個景點就係永平寺


落左車仲要經過商店街行一段路先到
話說車站旁邊間舖頭 (無影相)
一見有巴士到就有人出黎派95折coupon
唔知係咪同巴士公司有合作


大部分都係手信舖同食店 (不意外)


到達門口
紅葉仲未算好紅




洗手係感應式水龍頭


入門口課金之後會得到小冊子一本


可能因為之前落雨關係
滿地黃葉



一入門口就會要求你除鞋換拖鞋
基本上參觀永平寺要根據指定路線行走
而呢條路線基本上都係室內



地圖


首先黎到嘅就係比較出名嘅傘松閣
天花板上面有230幅畫



大家入到黎都係頭岳岳咁



睇得耐D真係頸都痛
所以其實旁邊有個展板方便大家


睇完繼續向上行
七堂伽藍 根據wiki所講就係一間佛寺嘅七個組成部分



限制左唔行得出通道外面 影相都有D難影


佛殿
記得唔好多手亂敲鐘



繼續向上


待續

Live左 Live埋右

承陽殿
裡面唔影得相
供奉左永平寺歷代嘅負責人
包括創始人道元禪師




廁所叫做東司


法堂
上到永平寺嘅最高處
指示牌上面寫話係朝課同做各種儀式嘅地方




隨意影風景




大すりこぎ棒
傳說摸三下之後就會變成料理上手


山門
永平寺內歷史最悠久嘅建築物
但由參觀路線上好難影到一張相
影得最好個張就係上面上緊去個陣影個一張



鐘樓 (無得行出去)



之後就入返室內
呢條走廊掛左好多相 每張都有D小道理
有時間可以睇下 見好多人都係直行直過


有得吸印
影左當吸左


參觀完畢行出去見到D樹都覺得好靚


待續

lm

啱啱有太陽
D光咁樣打落黎幾靚


呢頭嘅特產係「胡麻豆腐」
有諗過買盒試下 但價錢都唔平
最後覺得麻煩就算數


跟住就係午餐嘅時間
附近間間主打都係手打Soba
於是求其揀左一間
山樂亭
https://maps.app.goo.gl/M24W57vbjV5CDFjGA


由於要趕車無太多時間
所以揀左個簡單嘅蘿蔔蓉蕎麥麵
但我太低估呢個辛味


おろしそば 990円
蘿蔔蓉雖然唔係好多
但佢辣到有D苦味
不過配埋D麵我都差唔多食晒
至於麵方面由於我之前食開都係平價包裝蕎麥麵
咬落去都好似一舊粉
今次食呢碗完全唔係同一個層次
所以sir sir聲就食晒成碗
(亦都有可能係佢碗麵太少 其實都幾貴)


食完麵再買多包拎返香港
就差唔多時間搭車走
好多人都係等返去福井站嘅特急巴士
一來我行程唔係去個邊 二來係張巴士券唔包
我就搭另一部去永平寺口站嘅車


而佢個時間表都好神奇
有幾條線都係去同一個方向 但係又差唔多時間開
例如13:15開一班長途車之後 13:23又有一班短途車
如果Miss左就要等到14:15


總之最後就有驚無險黎到永平寺口站

福井呢個地方好c服

下個月應該都會玩返日

好少聽到人話去