(慢速更新) 前進日本北陸

金澤未?

LM等睇靚相

金沢遊客區其實好細
1日內行完

好少
泡狗去大城市多

因為無咩睇
越前蟹金沢都有得食

補一張胡麻豆腐嘅示意圖


繼續
黎到車站當然係搭鐵 今次搭嘅係越前鐵道 (えちぜん鉄道)
由於唔屬於JR 張PASS唔包 所以要另行買飛
(3/16新幹線通車張Pass加價改版之後就會包埋)
作為唔識日文嘅外國遊客有售票機梗係唔去counter買
不過入站時職員好似好擔心我買錯飛 問清楚我去邊
再教埋我轉車 (雖然我都識) 先放我入站


比起平時聽慣JR平交道嘅警示聲
呢個顯得好土炮
https://youtu.be/ljppaecKYiE

第一程車係勝山永平寺線去福井站方向
呢條線另一邊終點站勝山就係恐龍博物館所在地


沿途都有唔少民居 所以每站都有D人上落


福井口站轉乘三國蘆原線
越前鐵道有兩條路線 其中福井到福井口一段係兩線共用
而時間表亦都安排好晒方便轉車
黎到福井口站等3分鐘左右就可以轉到另一條線嘅車
唔好傻更更搭到總站 如果唔係就會望住你要搭嘅車駛過



雖然車頭寫住ワンマン
但車廂內都有一位職員 (企係度個位) 負責報站同賣飛(?)等等



あわら湯のまち 中文譯名叫蘆原湯之町
話說雖然JR有個蘆原溫泉站 但其實離真正嘅溫泉有D距離
呢個先至係溫泉區中心嘅車站


到終點站前一個站 三國站落車


而家嘅車站係2018年先啟用 簡單得黎又幾靚
有觀光案內所同一間Cafe



再轉搭返巴士先去得到下一個目的地
但部車咁熟口面嘅


待續

同屋企人去 廿一世紀美術館應該唔去
大家都無咩藝術細胞

可能去得一兩個景點

你幾時去
我上星期去左
無開放收費區
門口個啲藝術品同紀念舖就有開放

可能5月或者6月
主要去富山高崗 東尋坊三國港

又係呢隻Minnie
原來三國-蘆原溫泉同埋蘆原溫泉-永平寺兩條線係共用車
搞到我去到邊都見到佢咁


十幾分鐘就去到東尋坊
一落車旁邊就係手信舖
話說睇左好多資料都無見過人介紹呢D饅頭
係咪自己話自己係名物就得


睇呢張相完全感覺唔到自己黎到觀光景點
不過其實只係咁啱
商店街再往前行都有唔少舖頭有開門嘅


旁邊有條斜路上去呢個東尋坊Tower
佢就真係停留左係90年代咁
雖然停車場都有泊左d車
但裡面都好似都無咩遊客



落返商店街向海邊方向行就開始有返多d人氣
呢度都有唔少食店


真係有人會鍾意影呢d相?


去到商店街尾落樓梯就到達東尋坊範圍
根據日本國家旅遊局官網
東尋坊是一座約 25 米高的峭壁，由洶湧波濤的日本海浪塑造而成。
它是指定的天然紀念物和風景名勝，岩壁長達一公里，並有動態的柱狀節理。
東尋坊上的柱狀節理由輝石安山岩（英安岩）構成，這種岩石在地質上甚為少見；
這種的柱狀節理只能在韓國和挪威找到。



所謂柱狀節理應該就係呢D吧?


其實黎之前睇到呢個介紹
曾經令我有個念頭係取消呢個行程唔黎
因為我第一時間諗起嘅就係西貢萬宜水庫東壩(下圖)


黎到呢度之後忽然覺得 可能因為下晝天氣變得麻麻地
洶湧波濤的日本海浪先係重點
大浪到遊覽船都停開



嘗試拍一D大浪嘅片先發現浪嘅大細係好難捉摸
https://youtu.be/UZ1WYPimpfo
https://youtu.be/FdsxJ2rppBY

其實都有D擔心呢D小妹妹會唔會唔小心差錯腳


呢一塊個形狀都好特別


人類與大自然



光


唔經唔覺淨係影浪都影左半個鐘
如果天氣好嘅日子黎我可能睇15分鐘就收隊


跟住就用隨意門去下一個景點


待續

福井有冇話好值得去
想skip

如果你睇晒我以上去過嘅地方
加埋我冇去嘅恐龍博物館
都係無興趣嘅話就可以skip

好難諗
啲景點係好散
定直落京都好啲

係福井縣內最常見 周圍都有得賣嘅手信
就係呢個五月瀨煎餅
搞到我後來都買左一包
味道OK 唔算好特別


個隨意門用唔到 唯有搭返巴士


雄島
其實行路都行得到 不過要行半個鐘
有一日PASS梗係搭車


本來巴士會去到雄島橋前面
不過因為道路工程取消左
要穿過住宅區行過去


上面講到有諗過取消唔黎東尋坊
最後係因為見到呢條紅色橋好靚所以黎



可能因為時間唔早 (四點幾就快天黑)
所以無咩遊客


橋上面望落去
勁大浪
https://youtu.be/zPsf8jvJyQQ

見到東尋坊Tower


呢度都有柱狀岩


雄島上面基本上無乜野睇
最主要嘅建築物就係呢個大湊神社
一過橋就見到佢嘅大鳥居



Google Map上面標示叫神籤所
有御守同繪馬 自助比錢


神籤所旁邊有一條長樓梯上山
大湊神社本體就係山上面
根據官網其實有分本殿同拜殿
但我只係見到呢一座 (應該係拜殿)


上山之後條路基本都係樹林裡面
唯獨拜殿對出開左一個窿
有一座細鳥居
可以望到對面嘅風景

https://youtu.be/P5SYST00d74

待續

冰見有咩景點

由於巴士一個鐘一班
睇完神社仲有時間 就行去島嘅另一邊
多謝呢條折斷嘅柱 就算折斷左都仲可以參考到方向
咁先無行錯路


磁石岩 身上無指南針驗證唔到
不過形狀係幾特別



另外我又睇左一陣海
呢度嘅浪好似仲大過頭先

https://youtu.be/FAbyp2j4R7o

雖然影到個天好光 但其實就快日落
要係天黑前撤退


返回人類嘅世界



大浪到


行返去巴士站已經天黑
遠遠見到巴士嘅燈光
唔知點解好想影低巴士到站呢刻

https://youtu.be/XJqqkjCMStc

上巴士之後就開始盤算另一樣野
呢班車係返去蘆原溫泉站 即係我今朝放低行李嘅地方
預計到站時間係18:08 而開往金澤嘅特急係18:11開
到底我有無時間拎埋行李趕到班車呢?



係車上已經搵定Locker鎖匙出黎準備好衝落車
好彩個預計時間係預鬆左少少(?)
落左車影呢張相嘅時間先係18:08


拎完個喼仲有時間影埋D無謂野


見到呢塊版會著燈我仲好無聊咁影左
但忽略左一個重要訊息 落左樓梯要行前三卡先係自由席
仲要6同7號車中間係唔相通
所以最後我都要係月台上面飛奔
好彩都安全上到車 如果唔係要等多一個鐘



有驚無險到達金澤
好快到3月中就會消失嘅 JR/IR站名牌


待續

lm

前幾個站嘅雨晴海岸
漁巿場
藤子不二雄art gallery
貪瞋癡

作為Thunderbird同Shirasagi嘅終點站
出站前就會見到歡迎你來臨北陸嘅橫額
可能好多人都真係會Skip福井


除左一般嘅東口西口外
呢度用左兼六園口同金澤港口黎命名
大家一聽就知邊一邊係市區啦


鼓門
已經變成金澤嘅象徵
可能睇得相多 見到實物個時無咁衝擊




金澤站同金澤市區有一段距離
今晚嘅酒店Book左係金澤市區 所以就要搭車過去
本來JR Pass有包JR巴士 不過時間唔啱
所以就搭呢部100Yen巴士過去
本來我上到車已經要企 點知越上越多人
最後迫到好似香港繁忙時間咁


滿載加上上落客緩慢
最後搭左15分鐘先黎到香林坊
即刻去酒店擺低行李先


之後就去食晚餐
沿途有唔少居酒屋等餐廳
果然係北陸第一大城


Grill Otsuka
呢間舖係睇到旅遊書介紹莫名地想食
(食完先補影 已經熄燈收舖)



ハントンライス
傳說係呢間餐廳個第一代老細發明
連Wiki都有專頁介紹
https://ja.wikipedia.org/wiki/ハントンライス
簡單黎講就係蛋包飯配炸蝦同炸魚
醬汁就係茄汁加他他醬
食後感係佢本身飯已經係番茄醬炒飯
再加埋上面D醬就太酸
另外份量都真係幾大



食飽就向今晚最後一個景點出發
兼六園秋季嘅夜間特別開園 活動期間逢星期六夜晚開放到9點
一路行沿途途人越來越少 一度懷疑係咪已經太夜唔比入場



最後都順利入場
可能因為園內本身設計無預到夜間開園 好多地方都比較暗
行路要小心


相機比較廢
而家睇返有d都唔知影左乜



防止冬天落雪堆積係樹上壓塌棵樹嘅「雪吊」



「內橋亭」同倒影


無幾耐園內就廣播話關門叫大家離開喇

待續

如果鍾意喵推薦去御誕生寺睇喵好開心的
可以坐巴士去
仲有越前大野城
如果啱日子有雲海睇
不過去呢度難度高過去備中松山城

依排多左好多北陸遊記

隔離個巴打個遊記啱啱到金澤

離開兼六園之後見到對面有燈光就過去睇下
原來係一座神社 叫石浦神社
當日都無特別去了解佢嘅歷史
剛剛查返先發現佢係金澤「最古之宮」



都係因為掛左呢D燈籠先留意到呢度



呢度都有鳥居陣 不過咁夜就唔行上去


再過對面馬路就係21世紀美術館


雖然美術館已經關門 但外面嘅草地仍然開放
我幾鍾意呢個由三原色玻璃組成嘅展品




無人嘅藝術館 全白色嘅設計都好靚



之後係附近隨意亂行
金澤市役所


金澤歌劇座


竪町商店街
雖然店鋪都已經收晒 不過街道上有播放音樂
一路行個感覺好Chill


出返大路 星期六晚條街仲有好多人



細個個陣間中都有食嘅八番拉麵
我到好後期先知原來日本真係有呢間公司


行到犀川大橋折返


???
點樣社交


當年與今日
(其實都唔係今日 見到UNIQLO個招牌都知有D歷史)


最後去左睇人夾公仔


返酒店 今日依然係住東橫INN
不過呢間比較有規模 見到有3部LIFT都知


已經擺好晒陣勢


仲係用緊傳統鎖匙


比起敦賀嘅分店 空間大少少


第二日要早起身! 晚安

Day 2完
待續

越前大野城google map話停業無開