(慢速更新) 前進日本北陸

21世紀美術館收費區無開
入唔入都無咩分別

犀川大橋再過係廢墟黎
過少少西茶屋街頹到爆

上面太長唔Quote

我係上年11月去
所以收費區係有開
不過我都係無入去

Day 3

未夠8點就落樓食早餐 已經人山人海
東橫INN嘅早餐都係唔駛有期望
基本上食物只係由白色碟後面去到前面藍色枱嘅位置
大概都想像到有幾多款式選擇


有肉有菜有包 又是健康的一餐


咁早食完早餐 就趁Check Out之前行下



行兩個街口左右轉入去就係尾山神社



成個神社最有特色就係呢個神門
根據指示牌呢個1875年建成嘅神門係融和左和、漢、洋風格
細心睇就會發現佢上面用左類似教堂嘅彩色玻璃
夜晚黎睇的話就會更明顯






後面嘅拜殿就似返一般神社


神社1873年建立 已經有150年歷史
不過呢塊野Set係呢個位幾有趣 唔知佢想人點樣影


授与所 未夠鐘開門
2015年建成 同神社內其他建築又有截然不同嘅風格


行到神社後面 有天橋 (鼠多門橋)
穿過去金澤城公園



公園外面D葉都算幾紅


玉泉院丸庭園
曾經荒廢 幾年前先翻新成而家呢個樣子



庭園嘅位置係公園內比較矮嘅
所以之後就係一直往上行


待續

巴士券係邊隻

三十間長屋 (維修中)


金澤城大約400幾年嘅歷史裡面
建築物就係一路火燭又重建再火燭
最後淨低現存嘅所餘無幾
五十間長屋係其中之一



二之丸情報館
介紹返金澤城內最宏偉建築物之一嘅二之丸
同埋籌備當中嘅重建計畫



對呢D歷史無咩認識嘅我都係到此一遊就算數




離開金澤城公園 對面就係兼六園
不過今日唔會去住


沿路行返酒店又見到呢D幾靚嘅紅葉



因為行程安排 今日會先離開金澤
過兩日會再返黎


東橫INN有提供接駁車到JR站
咁啱搭到呢部係VAN仔 好似另外有一部小巴


直接送到金澤車站西口
呢邊人流就少好多



唔知咩意思嘅雕塑


入返站內 周圍都係人山人海



咁啱遇到Pocky係度擺檔
不過我都無幫襯


開PASS第二日 正式踏上新幹線


待續

lm

Lm

lm

比小朋友影相用?


當時仍未全通嘅北陸新幹線
見到D貼紙表示指示牌已經準備好



只係行走金澤至富山短短兩站嘅Tsurugi號



星期日早上比我想像中少人
天氣開始多雲



只搭一站到新高岡就落車



之前準備行程個陣只見到附近有國寶瑞龍寺
原來最近又多左勝興寺做埋國寶
不過我嘅行程已經放唔落呢兩個寺


原本諗住book新高岡嘅東橫
不過之後揀左另一間更平嘅


轉乘城端線到高岡站
城端線同新幹線班次係無夾過的 轉得到係你好彩
因為PASS唔包金澤至高岡一段 (第三Sector鐵道) 先至要咁轉折



到高岡站遇見彩繪列車


先去放低行李 高岡站前APA
真係1分鐘步行距離 非常方便


高岡站 由愛之風富山鐵道管理
拎PASS一定要行人工閘口 每次都會問你去邊


搭上冰見線開始今日行程


越中中川
睇Google Map站內站外都畫滿彩繪



男岩
係車上影加上天氣唔好就變成咁


到達雨晴站


待續

好天會見到立山連峰景色
今日幻想下就得


車站嘅門貼左幾張手寫嘅指示教你去附近嘅景點


道の駅雨晴
對住海嘅道路休息站
有觀光案內所 Cafe同手信




展望台有一個鐘
無咩特別意思 純粹比你敲下


好多鴨鴨


女岩
根據維基百科 叫女岩嘅原因係因為呢個畫面好似母親與兒子們


穿過鐵道落下面睇下


義経岩同義経神社
根據高岡市觀光網站 源義経一行人走難時途經此地
等待由雨轉晴 所以此地得名叫雨晴



你都識居高臨下


步行返車站
D浪都幾大


搭下一班列車繼續前進


咁似頭先車站張Poster嘅相
唔知一年有幾多日可以睇得咁清楚


到達氷見線終點站 氷見

氷見最出名就係寒鰤
即係油甘魚嘅一種
不過今次早左D黎到 未有得食



一出站就見到呢部周遊巴士
如果想去氷見番屋街就啱晒
不過我就想食野先


氷見市係藤子不二雄A嘅故鄉
所以市內有唔少佢嘅漫畫公仔
不過香港人(例如我)對佢嘅認識一般都唔多



行左10分鐘左右先見到魚市場食堂個牌
其實當日又大風又落雨都好狼狽


由路口再行多5分鐘先入到黎諗住有野食
點知一上樓見到咁多人
一場黎到梗係照拎飛等位



可能因為星期日關係魚市場一個人都無
等位個陣有諗過出去行下
但又怕行太耐過左Number
再加上天氣咁樣 最後都係放棄左


餐牌


最後等左45分鐘先有位
都係日本傳統唔搭枱 一人坐四人位
用iPad落單唔駛講野 (好似係轉左無幾耐)


只要你叫套餐都會跟湯 呢個係一人份
如果二人份會比個大煲你
有魚丸同魚肉 非常足料
冬天飲熱湯非常正



氷見浜丼 (並盛)
時令食材 基本上係Omakase
要上菜先知有咩食


D魚放左上去先炙燒


除左上面塊烏賊好UN之外
其他魚都係新鮮+足料抵食
大家想去的話試下唔好揀Weekend可能會好D


待續

太快手㩒錯做不推文

ブリ正

Lm

我都plan左去冰見 又係bookmark左依間 諗住試醬漬嗰個

之後再過去冰見番屋街再食 中間留3個半鍾夠唔夠

見到清講城端線就諗起true tears, 想年好想去睇下實地

我睇番我由到站至到上車走係2小時45分鐘
但我等位等咗45分鐘所以最後無去到番屋街

咁都差唔多 要預返時間落雨晴

食完野就周圍行下
星期日但人影都唔多隻嘅商店街


忍著小靈精系列 (我無睇過)


話說藤子不二雄A嘅父親曾經係呢一間光禪寺嘅住持
所以係寺裡面都有一個位置樹立左藤子不二雄A其中四部著名作品嘅雕像




(左至右) 忍者小靈精, 怪物王子, 高爾夫頑童猿丸, 黑色推銷員
鳴謝維基百科提供資料


商店街上仲有一間畫廊
長期做藤子不二雄相關展覽 不過我就無入去睇了


路口對出嘅大廣告牌
影呢張相嘅時候又落雨又大風非常狼狽


行行下發現時間差唔多
最後要半行半跑咁返車站


因為預約左呢部車嘅指定席
belles montagnes et mer
行走於氷見線及城端線嘅觀光列車


有分海側嘅望窗座位同山側嘅卡位
但個窗起晒霧
惟有學小朋友一樣抹窗




車上有觀光協會嘅嬸嬸同大家介紹同玩小遊戲 (但我唔識聽)
另外如果有預約嘅話車上會提供即造壽司 (偷拍隔離)



到女岩對出會臨時停車比大家影相
不過今日嘅天氣.. 多謝晒


販賣部
係咁意買左包零食


車上嘅展品主要係同城端線一帶有關係



扶手都有玄機


話咁快就返到高岡站



待續

返酒店Check In同休息左一陣


之後就出發去富山市
今次就唔搭新幹線
由於我係由氷見線經高岡接駁去富山站
所以特例可以搭「あいの風とやま鉄道」



顯示板已經唔係JR留低嘅一套
換左新款


521系車內同關西常見車種都非常相似


搭到嘅係IRいしかわ鉄道嘅車輛
好快就到左富山站



見到HC85系



站內仍然貼住紀念413系嘅展品



賣入場券真係好搵
JR西都玩埋一份


一出站見到嘅就係購物商場
不過今日唔係想行呢D


由車站步行大約10分鐘就會見到佢



富山市役所展望塔
夜景其實無咩特別
反而係日頭有機會睇得到立山連峰




** 展望塔自從1月份地震後就暫停開放

富山城址公園停車場
覺得幾有特色


以為呢間係咩舖頭 點知係自助洗衣


第2個目的地
富山市玻璃美術館/市立圖書館
黎到唔係睇玻璃或者圖書而係睇建築





雖然玻璃館已經收工
但有部分展品唔駛入場都睇得到



一場黎到 睇左一陣書先走






待續

睇完書就係附近行下 不過無咩好行


將軍漢堡?


又係有D冷清嘅商店街



搭路面電車返富山站



係車站搵野食
見呢間好似幾多人


不過最後都係去返呢間之前mark低嘅白蝦亭


白蝦天丼
細細隻嘅白蝦連殼炸
脆口之餘都仲有蝦嘅鮮味 值得一試



跟餐附送一片蝦餅
試完好食嘅麻煩大家去對面買手信


車站內竟然聽到月台嘅廣播
原來係中空嘅


踏出車站前去下一個景點
但雨好似又大左




到達富岩運河環水公園
一入去就見到一個瀑布 (夜晚影唔到)
我都唔肯定到底呢個係聖誕裝飾定常規都有



睇相無乜野 但其實落緊大雨



最美星巴克
一定係吹大左


原來除左條橋 (天門橋) 可以上去之外
旁邊兩座塔都有展望台 仲有LIFT添



由上面望落黎 其實都唔係好特別啫



好天時又會見到立山連峰


好明顯睇到呢張相係擔住遮影


同場加映展覽中嘅不知名大象(?)


待續

隻象好詭異

行返富山站
腰以下遮唔到 已經濕晒


搭車返新高岡 仲有20分鐘先有車


有少少時間就周圍行下
不過咁夜其實D舖頭都收晒
電鐵富山站 去立山黑部一定會經過嘅地方


富山地方鐵道 簡稱地鐵 同大家印象中嘅地鐵係兩件事
車站都有咁上下歷史 難免有D昭和感
不過車站已經做緊高架化工程 完工之後又係另一件事



返到JR站遇到剛剛由Kagayaki落車嘅人潮


全程行駛於JR西範圍內嘅Tsurugi號
但使用嘅係JR東嘅E7系




速度!


點解回程係搭返新高岡站嘅原因
就係為左行AEON
不過咁夜 (10點幾) 其實得返超市仲開緊
所以好多通道都封左
搵左一陣先搵到個門口



其實已經無咩人行



咁大盒都係百幾Yen
搞手都只係打個和


有人會買?


買完野未有車所以周圍亂影




行到無野行入去坐住等
原來都有人係搭新幹線轉在來線返高岡



差唔多12點先返到酒店
本來想去埋大浴場點知收12點
沖完涼食埋個薯仔沙律就訓


Day 3完
待續

原來已經偷懶左1個星期 繼續更新

Day 4

酒店就係鐵路旁邊
之前睇Google評論有人話好嘈
我又覺得可以接受


起身之後仲有少少時間
就去參觀下高岡市內最近嘅一個景點



日本三大佛 高岡大佛
(唔知點解UP極張相都係頭已側 )


大佛隱藏於住宅區之中
佔地唔大 而佛像本身以大佛黎講都唔算好大
官方資料寫15m 但呢個高度係由地面開始計起
佛本身大約係7m左右



行返酒店 條街都係無乜人


拎完行李準備去搭車先諗起
未去車站對面個多啦A夢散步道
不過夠鐘趕車所以求其Zoom到盡影一張相就算


又返黎新高岡
之前講過城端線同新幹線班次無夾過
就好似而家我就有30分鐘可以買早餐


呢個係咪咩卡通人物黎
硬係覺得有D熟口面


張地氈幾靚


Hakutaka往東京
到長野之前都係站站停嘅慢車


富山特產鱒魚壽司
不過晨早流流無理由食咁大個


所以我買左替代品...
味道就無咩特別啦



天氣都仲係麻麻地
偶爾可以望到遠處嘅山頭




大約20分鐘就到達黑部宇奈月溫泉站


好似搭到E7嘅機會比W7多


待續

嗰個雕塑係石川県symbol，另一邊影先係正面。