我明
有親戚做小生意開餐廳
年年新年都係成班親戚去佢間餐廳食飯
覺得自己係老闆又叫生意人小有成就咁
成日睇我地屋企人唔起
當年拜年我同我呀哥讀band3
個仔入band1名校喺度讚自己個仔好叻
又叫我地努力啲先可以好似佢個仔前途一片光明
最後我地中五出黎就做野
我哥做消防我就做海關
佢個仔就大學讀law
當年佢屋企人仲話「咁早出黎做野無用架,讀多幾年書丫麻, 好似我個仔咁如果讀完大學出黎要考紀律部隊既就隨時係你地上司呀,哈哈」
我地都一笑置之 因為知佢個仔體能都應該過唔到
我呀哥仲串佢一句「咁你個仔可能要操下體能先」
佢仲話「哈哈,操體能呢啲好易啦,做返多啲運動就得,不過佢都唔做操啦,紀律部隊呢啲工又辛苦又輪班又危險,做份舒服啲既工坐冷氣房仲好啦,哎呀,遲下話唔定做到大律師法庭上見架你地,哈哈」
之後點知佢個仔雨傘革命時比人拉埋
今年拜年食飯佢地全程無咩講野
我呀哥仲問返「點解XX(佢仔)唔黎既?佢唔係出咗冊啦咩?完唔完成到大學課程?而家返緊咩工呀?」
佢地就話個仔幫緊屋企打理餐廳但咁啱唔得閒約咗朋友返大陸玩
之後我呀哥又話「吓?佢因為唔鍾意大陸比人拉過啵?仲返大陸玩?做乜唔消支香港經濟呀?」
佢就又話而家啲人返大陸玩搞到生意差好多所以上去取下經
之後我哥又話唔好大陸小心入錯假貨到時比我拉就唔好
又話留意到佢間餐廳走火通道後面唔好多放咁多野
又話佢個仔大學生讀law應該知道下基本法例等等
比我呀哥串到一棟都無
但我個心真係笑出黎