財神快閃活動兩睇
以小薯茄的名氣其實大可以唔搞呢啲回饋粉絲的活動,
又要無其他場地保安配合 只係靠幾個幕後管理秩序,
幕前幕後總動員 無收入之餘要自己花資源搞活動 ,
整件事除了形象工程造勢拍片 吃力不討好。
實戰上,都明白係因為第一站比保安趕,發生意想不到的事情先會變陣。
但係參加者的角度,荃灣西拎唔到見面時間少得大合照都算。
尖沙咀&中環碼頭和距離最後tg 公佈的距離都幾百米喎,你叫啲人點樣預,正常人根本無可能根據指示而拎到活動利是,得果班追開的人先預判到中環會係一個無人的大空間進行。
現場每站目測百幾人,利是只係預30人,講真會員都唔只這個數吧。粉絲勞思動眾山長水遠出來就只係預同你們幕前望兩眼影個大合照?
預留時間得啖笑,說好的半小時,結果十分鐘就收隊上車。見到有些情況是,有人預係見面預定時間內趕到集合地點,但原來只係快閃,眼尾都見唔到。
體驗上認真麻麻。
其他人的fans meeting,起碼有預時間空間去滿足多點fans的心願,快閃呢個形式係有綽頭,但以今次的形式就真係辛苦到兩方人囉。
今次好運就係無出大事,出事又真係少少難收科。