物理治療師 你問我答（2）

膊頭舉手臨尾20度啲幅度有唔舒服，自己有上網search過60-120度唔舒服係「肩夾」嘅問題，但我呢個幅度又冇事

想問下可以點解決，唔該樓主

雖然MRI顯示你有腰椎間盤突出
但你嘅presentation黎講比較似係腰椎關節問題多啲
簡單黎講係向前彎腰會令椎間盤受壓多啲
企直、向後彎腰會令腰椎關節受壓多啲
似乎係返工成日都要坐
令到身體肌肉例如臀肌／背肌都失去左伸直嘅耐力
係你伸直條腰嘅時候佢地保護唔到腰椎
就會多左負荷落去腰椎關節到令佢唔舒服
所以要慢慢做返啲extension動作
https://youtu.be/UPcXgTL09lU?si=nSVZkdPx6mWha4TB
https://www.youtube.com/watch?v=u5TglXNBrtE
https://youtube.com/shorts/eLX_dyvooKQ?si=Bxg7pvn_fM3okzDb

本身做開咩運動？
試下拉一拉背闊同埋胸肌先
https://youtube.com/shorts/sGTNJhzRAJ8?si=gVGt-xxY7Gha8ylc
https://youtu.be/MZxBzSveakY?si=gfZvwmezeZcgbI3k

條頸有富貴包可以點搞?

多謝巴打
我會試下先

想問下腰椎關節係咪姐係L5 L4呢啲骨呀？

點解我上個post個comment冇回覆的，方便的話希望答埋 thx

btw 想問吓，用side bend既姿勢深呼吸好似易啲吸多少少空氣，但咁樣被伸展果邊既腹既肘骨好似會有痛，點解會咁同埋咁樣做會唔會有問題?

好想可以每次想深呼吸既時候都可以做到打呵欠咁樣吸得咁多吸得咁爽，有冇咩好方法?

抱石拉傷，好普通一個拉上既動作拉親，無名指當刻好似啪左一下，但仲郁到開合，幅度都仲係100%
無名指左右郁會痛， 拎重野會痛，握力去到最盡會痛，打開去盡又係痛
但無名指無腫， 反而係圖中圈左手掌位置少少腫，唔明顯
睇過跌打，但仲係痛
本身做開gym , 但唔係玩好重，抱石一星期一次咁上下

thanks 巴打，幫我診診 同埋有咩拉筋動作可以復原

hello想請問下就咁聽病徵會唔會知問題同有無advice🙏🏻

1. 邊個位唔舒服，可以圈低佢最好
左腳菠蘿蓋
2. 唔舒服咗幾耐，點樣整親？（如有）
都有兩年 間唔中會痛 時痛時無事
兩年前試過玩攀石 爬到一層樓高到就咁跳落軟墊到(但唔肯定係咪關呢個事 果時唔覺有痛)
3. 咩位置唔舒服，淵痛/撕裂痛/被火燒麻痹...
“戚”住”戚”住嘅感覺 同覺得菠蘿蓋好敏感
4. 咩情況下會令佢痛多咗/少左？（時間/動作/姿勢），可以的話自己郁一郁患處睇下點樣會痛
通常打完飛機都會痛 尤其企喺到打 (唔確定係打飛機定攀石搞到痛 感覺同打飛機有密切關係)
5. 曾經做過啲咩去處理佢？
睇過專科骨醫照過x光(不過無照ct mri果啲) 骨醫話睇唔出有乜事 都係開返啲葡萄糖胺軟骨素
6. 本身有咩運動習慣，一星期做幾多次？
踢波游水但唔密亦唔高強度

1. 左腳膝頭上方
2. 兩年（反反覆覆）,跑步後創傷
3. 痛，感覺成個左邊大腿好緊
4. 行多左
5. 加強股四頭肌訓練，拉筋
6. 受傷前跑步，現在健身單車，每個星期三次

1. 邊個位唔舒服，可以圈低佢最好
右腳菠蘿蓋側
2. 唔舒服咗幾耐，點樣整親？（如有）
近1個月 冇特別受過大傷
3. 咩位置唔舒服，淵痛/撕裂痛/被火燒麻痹...
踎低嗰陣特別痛 膝頭哥兩側有扯住嘅感覺 所以而家係踎唔到最盡
5. 曾經做過啲咩去處理佢？
針灸過一次紓緩咗 但好快番轉頭
6. 本身有咩運動習慣，一星期做幾多次？
輕量GYM 工作需要 每日都行好多

點睇bobath

1. 邊個位唔舒服，可以圈低佢最好




2. 唔舒服咗幾耐，點樣整親？（如有）

大約二月底落樓梯嗰陣咬親 連續咬兩下

咬左跟住咬右 咁樣

直到依家都未好返


3. 咩位置唔舒服，淵痛/撕裂痛/被火燒麻痹...

唔識講
網上拎左D圖落黎 畫左個位置



圖2腳眼附近而家仲系腫腫地


4. 咩情況下會令佢痛多咗/少左？（時間/動作/姿勢），可以的話自己郁一郁患處睇下點樣會痛

用力向前伸 同向上鈎 會痛
特別係向上鈎 關節位會痛啲
向左灣 關節位有少少痛
向右彎 腳眼位連上面少少嗰邊比較痛

依家系正常行走冇問題 急步行都OK
唔跑得 踎低 跳未試過 會feel到腳眼嗰邊開始痛

如第一題
紅線位置大力少少摸 系會覺痛 但又未去到好痛


5. 曾經做過啲咩去處理佢？

開始咬親嗰陣就即刻去咗急症室照過X光話骨冇事

返到屋企之後用冰敷咗一陣

跟住之後我就搽喜療妥 食醫生比嘅消炎止痛藥

一個禮拜半後
自行買藥酒捽佢 感覺上越捽越腫越疼（比少少力摸

捽左三日後停止 之後睇診所複診再食消炎止痛藥

之後就一路都系搽喜療妥，噴雲南白藥

之後睇咗中醫針灸艾灸放血 喜療妥 雲南白藥停止左

另外預約咗今個星期六去睇中醫電療針灸



6. 本身有咩運動習慣，一星期做幾多次？

冇做開運動



最近呢幾日開始 隻腳稍微用力少少
前後左右郁動

1-4. 邊個位唔舒服，可以圈低佢最好


左邊肋骨外翻，無為意幾時開始，但細個有check過有脊柱側彎

左膊郁會彈響，前膊同側膊做gym (拉背、推胸、推膊)會唔舒服（好難形容係點，可能係痺？總之會令到好難做落去），甚至痛（有啲淵+蝕住痛既感覺），左手伸直向左 / 向後伸成隻手會感覺扯住（大概二頭到手肘前面位），膊頭會好痺，好辛苦，5-6年

左腳髖關節成日好攰，膝頭都係（有發覺自己成日用左腳做重心），呢個就呢半年先發覺有

左背（圖中位置）長期有小小麻既感覺，左後側頸連到去膊頭個位好緊好攰，都有2年到

5. 曾經做過啲咩去處理佢？
有睇過物理治療，睇膊頭，但無咩效

6. 本身有咩運動習慣，一星期做幾多次？
做gym（做完膊頭最辛苦）、射箭（玩完左腳會好攰，唔知點處理）

呢個問題困擾好耐了，十分多謝師兄解答
自己都諗住再去睇物理治療，但都喺到問下先

坐骨神經痛，本身照x ray話左腰近盤骨位發炎，本身都進展良好，係小腿外圍小小扯住扯住，跟住做咗次拉腰就越來越痛，落到腳趾都痹同痛，前幾日直接落唔到床，企唔得 坐唔得 訓都係趴係到。

啱啱照完mri未有報告，但見你前面講過腰部問題就算照完都未必搵到根源，目前我最大問題係食完藥小腿到腳板底都會痹 扯住扯住咁，有跟物理治療師教抱塞向心口，但依然舒緩唔到呢個痹同扯住扯住問題，唔同睡姿加上夾枕頭都訓唔到，係咁痛醒，希望比到啲建議，謝謝！

利申：睇緊物理治療，食緊消炎止痛藥，同埋鎮痛藥。

琴日睇完中醫針灸完

除咗腳眼位以及下面少少位置 仲係有DD痛外

腳眼嗰邊仲係腫 但唔太痛。。。

可以點樣消腫
打衝擊波得唔得?

1. 左腳足踝內側, 無整親, 某一日起身發覺隻腳痛,
香港睇左兩個醫生都無揾到原因, 又做過動理治療
痛左一年有多, 上星期返大陸睇照 x-ray 話副舟骨炎.
佢話無得搞, 只係減少運動 同痛就食藥消淡,

我最差時候只能行到 800米就要坐落黎,
依家做下運動加強腳肌肉, 同夜晚浸下熱水, 有改善,
可以慢跑到20分鍾, 但都每日都係會痛.

上網揾話可以做手術, "kidner procedure" 去根治.
請問巴打建唔建議去做 ?

本人好鍾意運動, 唔想每日行路都痛

1. 邊個位唔舒服，可以圈低佢最好
雙腳膝頭

2. 唔舒服咗幾耐，點樣整親？（如有）
大約半年至一年，間唔中會痛，無整親過
返工成日要坐，唔肯定坐姿有無影響

3. 咩位置唔舒服，淵痛/撕裂痛/被火燒麻痹...
少少淵痛

4. 咩情況下會令佢痛多咗/少左？（時間/動作/姿勢），可以的話自己郁一郁患處睇下點樣會痛
最嚴重gor段時間行路都會有少少痛
行山，做gym leg press （不過做開輕量），踩單車上斜路 會痛多左

5. 曾經做過啲咩去處理佢？
無做過任何治療，最多係停做一排運動

6. 本身有咩運動習慣，一星期做幾多次？
羽毛球 行山 做gym 游水 但唔密亦唔高強度

之前有段時間痛楚嚴重d，不過之後無左件事又好似無之前咁痛
依家十五十六緊係咪穩陣d應該都去物理治療睇睇

唔該巴打

sor隔得咁耐先覆你
富貴包主要要做返啲chin tuck in, scapular retraction, shoulder external rotation 嘅動作
https://www.youtube.com/watch?v=7rnlAVhAK-8
https://www.youtube.com/watch?v=WklUZWulQao
https://www.youtube.com/watch?v=_UvmPNGtlPM

係

sor隔得咁耐先覆你唔知你仲有冇呢個問題
你介唔介意copy多次你嘅問題，我應該miss左
想問有冇話特定side bending去邊一邊會吸得好啲定係兩邊都會
如果兩邊都會嘅話有機會係因為肋間肌太緊
我地吸氣係需要肋間肌收縮去幫我地擴大胸腔帶動肺部
如果太緊的話side bending會幫到佢收縮都好少少從而令你吸氣好啲
同埋都有機會令你側邊嘅肋骨會痛（我估你係講緊腹嘅肋骨會痛？）
但係confirm 治療都係要睇一睇醫生／物理治療師

sor隔得咁耐先覆你唔知你仲有冇呢個問題
有冇覺得腳腕鬆鬆地？
可以YouTube search下ankle inversion, ankle eversion, calf raise 黎做
做到同右腳差唔多咁大力就可以試下啲雙腳跳單腳跳嘅動作
跳都冇痛就可以試下跑步同踢返波

聽落似係背側骨間肌同掌側骨間肌拉傷左
佢locate係我地掌心指骨同指骨嘅中間
負責幫我地夾埋同埋分開啲手指
你可以試下咁樣按一按呢啲肌肉
https://www.youtube.com/watch?v=KhxMAlQT7d4

太少資訊有啲難答
籠統地答除左股四頭肌訓練之外
都要練埋hip thrust, hip abduction, calf raise, hamstring curl呢啲動作