物理治療師 你問我答（2）

盡量講得詳細啲，咁我可以答得詳盡啲同埋準確啲
1、2、4題為必要資訊
1. 邊個位唔舒服，可以圈低佢最好

2. 唔舒服咗幾耐，點樣整親？（如有）
3. 咩位置唔舒服，淵痛/撕裂痛/被火燒麻痹...
4. 咩情況下會令佢痛多咗/少左？（時間/動作/姿勢），可以的話自己郁一郁患處睇下點樣會痛
5. 曾經做過啲咩去處理佢？
6. 本身有咩運動習慣，一星期做幾多次？

大部份痛症都需要主動治療先可以根治（強化運動、拉筋)，甚至係少少痛嘅情況下做運動，歡迎大家做運動之後好咗差咗都update返自己情況
如果有需要想問多啲可以TG：https://t.me/purpletowel

你好，我有2個位想問，我下面會分顏色講，如果有咩需要補充可以再問我，thanks



2. ~5年, 但係唔知點樣整親
~5年,有次踢波拗柴冇睇醫生由佢自己好

3. & 4.
擘開隻腳(eg. 踢波插花) 嗰陣去到某個位會劇痛(但係我由前面/後面/側面都㩒唔到痛嗰個位) ，有時會連埋去紫色點膝頭位一齊痛(右邊膝頭甚至向內旋，唔知關唔關事), 有時坐d硬凳/馬桶坐耐少少右邊patpat位會痺

平時行路冇問題，但係運動嗰陣(eg. 起步跑/跳起落地果下) 好似發唔到力/要就住
我摸過個腳眼凹入去個位，對比起另一隻腳有d腫，同埋轉腳腕嗰陣好似有d碎片係入面咁(唔知點形容)

5. 以前有去睇過物理治療，佢有部機話吸/打d瘀血，然後就照燈，每次都係咁但係睇左十幾次冇乜起色就冇再睇了

6. 運動都係踢波多，大約1星期~1個月1次


麻煩晒

1.左上背脊刺痛，準確位置講唔到，大概係紅圈同藍圈


2.痛咗大概7個星期，有撕裂痛/刺痛，黃箭嘴舊肌肉比較腫，懷疑係無做熱身做引體上升，拉傷肌肉。


4.每日起身都痛，做下邊個動作最痛，起身之後過幾鐘，就輕微刺痛，只要唔係好用力都ok


5.起初刺痛，試過用按摩滾筒，隔日個刺痛程度加大咗，痛嘅時都長咗，之後就試咗幾日熱敷，情況無好轉，呢兩日無咩處理，反而痛嘅時間短咗，只係每日起身頭一兩個鐘刺痛。

Thanks 巴打

左腳外側痛左好耐，但係類似抽筋果種痛
平時做運動無咩野，但一企得耐就黎料
依一兩個月 連外側既腳底都有痛感
另外腳面，有個骨位突起左，㩒落去先痛
都唔知幾時整親

1. 邊個位唔舒服，可以圈低佢最好



2. 唔舒服咗幾耐，點樣整親？
半年，冇明顯整親過，有日起身就突然痛，但個段時間有健身習慣。

3. 咩位置唔舒服，淵痛/撕裂痛/被火燒麻痹.

頸位：好緊，擰頭向左會吉住吉住咁痛
腰背位：間歇性痺痛，曾試過痛到企唔到身行唔到路

4. 咩情況下會令佢痛多咗/少左？

頸位：頭向左望到某個位置，大概45度大d就開始痛

腰背位：突然會痺一痺或者伸直個人會痛到被迫烏番底（民個唔係長期，半年內兩次左右），多數係起身突然開始痛

5. 曾經做過啲咩去處理佢？

做過物理治療，整骨，睇骨醫，針灸
最有效係去過中醫跌打醫館，做左d手法治療，先熱敷後手法，類似啪位，做完會唔痛，但做完一段時間後會再出現痛症前後去過8-9次左右

痛到行唔到個次係睇骨醫，話我突發性發炎之類，開左強效止痛藥同埋d神經藥比我，抖左兩三日左右慢慢好番

6. 本身有咩運動習慣，一星期做幾多次？

本身做左4-5個月左右健身，之後傷完到而家都好少做運動，最近一星期開始做番運動，但都係跑步機行斜路，健身都係輕力同感受肌肉為主，怕用錯肌肉又痛多鑊

感謝🙏🏽

1. 邊個位唔舒服，可以圈低佢最好

小學有diagnosed 脊椎側彎 唔記得幾多度
之後無再followup

2. 唔舒服咗幾耐，點樣整親？（如有）
大約一個月
唔清楚有無整親

3. 咩位置唔舒服，淵痛/撕裂痛/被火燒麻痹...
Spine 中間/左/右 淵痛

4. 咩情況下會令佢痛多咗/少左？（時間/動作/姿勢），可以的話自己郁一郁患處睇下點樣會痛

最主要係用手㩒落去痛
唔掂佢就唔多痛
有時覺得做完運動第二日個情況會差左
同埋通常起身個下覺得個背好實 起身活動之後會好d

做pull up/ lat pull down有時個個位置都會痛

5. 曾經做過啲咩去處理佢？
停止做運動 好似有好左

6. 本身有咩運動習慣，一星期做幾多次？
一個星期3日重訓 (持續3年）
+ 1-2 次排球（呢幾個月先開始）


感謝師兄

要提一提你肋骨外翻本身唔會造成痛症問題
不過我諗你主要係想改善外觀
而肋骨外翻好多時都同我哋盆骨嘅位置有關係
主要要強化臀部同埋腹部
以及練返盆骨後傾嘅技巧
https://youtu.be/brgT1Qq4Tk0?si=pBKHm213avb4JNhs
https://youtube.com/shorts/HrxOWhPdsOY?si=EgiHldcT_qlCne0W

1. 邊個位唔舒服，可以圈低佢最好
左手中指
2. 唔舒服咗幾耐，點樣整親？（如有）
自從有次食西餐用左手拎叉好撚用力㩒住舊pizza切(塊野硬到pk)，然後中指個位feel到係痺咗咁，大概個感覺第日先消失
4. 咩情況下會令佢痛多咗/少左？（時間/動作/姿勢
當我左手用力拎住/握住啲相對重嘅野，例如box file同做gym啲餅，中指位就feel到麻，平時唔會有麻痺感
5. 曾經做過啲咩去處理佢？
冇
6. 本身有咩運動習慣，一星期做幾多次？
weight training 4days

唔該師兄

尾龍骨偏右小小
時間兩年左右，兩年前開始做gym做深蹲嘅時候冇睇住黎做，成日做d唔係咁負荷到嘅重量，之後就不時會痛。
感覺有d似抽筋嘅痛
彎腰
冇處理過
平時打開籃球，一個星期兩次

左膝
打波想用力起跳成日都會feel到佢會有d過度延伸，個膝頭好似想向後屈
咬柴feel
平時唔用力冇乜事

困擾左好耐
但好似冇影響到生活
所以又唔急住去睇醫生
可唔可以比d意見
唔該曬你

Pat pat嗰度比較似係臀部嘅關節軟骨，又或者係韌帶受過傷
令到你喺做hip abduction, hip internal rotation嘅時候會有痛，甚至散射落去膝頭哥位置
可以嘗試首先強化返穩定同埋保護髖關節嘅肌肉
有啲多，所以我就唔擺片喺度
直接search YouTube應該都會搵到
Banded / kettlebell hip flexion, hip abduction & adduction machine, single leg hip thrust, banded hip external rotation , banded hip internal rotation
都偏向係大包圍
你可以測試吓左右腳嘅分別先
可以專心做右腳明顯差啲嘅動作
之後就係做90-90 stretch, adductor stretch去增加返活動幅度
就咁睇，我估計膝頭哥係冇事的

腳腕嗰度我諗係受傷咗之後有啲肌肉未啟動得好好
所以就會產生一種用唔到力嘅感覺
同埋會令到你踢完之後有啲唔舒服
建議你做多單腳pogo jump, 練多啲single leg calf raise with dumbbell

如果而家仲有做gym嘅話，就建議你再做輕多少少先
痛嘅位置比較似係後邊嘅旋轉肌群
可以先嘗試吓做呢兩個動作
https://youtu.be/N3P7rp7bCYc?si=mIZ0DsKhSMvoH3ve
https://youtube.com/shorts/eQLJLHAzjgo?si=8DUTByi8v1zgtQW2

按摩其實係可以的
可以上網搵吓supraspinatis, infraspinatus, teres minor呢啲肌肉嘅位置去做按摩
如果你按完第二日痛多咗都likely係按得太過大力
建議你按嘅時候純粹feel到輕微感覺就足夠
因為我哋做緊嘅嘢，其實唔係物理上按鬆嗰舊肌肉
而係刺激神經系統令你感覺上冇咁痛同埋冇咁緊
而刺激神經系統係唔需要咁大力
太大力嘅話，反而會引發發炎反應令你唔舒服嘅感覺更加大

1. 邊個位唔舒服
both knees

2. 唔舒服咗幾耐，點樣整親？（如有）
2個月之前踩單車炒車，成個人凌空拋起180再膝頭哥落地。入院照過x ray無骨折，之後睇physio話係bone bruising

3. 咩位置唔舒服，淵痛/撕裂痛/被火燒麻痹...
而家行路已經pain free, 小跑，squat 都無痛，不過range去到最盡即係踎低feel到菠蘿蓋入面會有小刺痛，同埋雙膝跪低就最痛

唔該巴打

做運動冇痛係講緊做啲咩運動？
幫我留意吓，平時習慣企嘅時候仲心係擺喺前腳掌定係腳踭多啲，內側定係外側多啲？
舊骨凸起咗係咩位置，有冇相睇？

有機會係健身嘅時候未係好識得穩定腰椎同頸椎
多左loading落脊椎關節到
脊椎關節受傷發炎之後會令到周圍肌肉繃緊同埋弱化
半年到而家受傷嘅位置都好大機會完全好返
而家嘅情況係頸腰附近嘅肌肉冇咩力
同埋脊椎關節會比以前受唔到力
所以有時候關節受多左力就會唔舒服

但如果有出現痺痛又或者試過痛到企唔到行唔到
都建議你真係搵物理治療師
等佢幫你放鬆返啲用唔到力又好緊嘅腰頸肌肉
同埋教你activate返呢啲肌肉
仲有教你做gym點樣stabilize頸同埋core

有機會係本身背闊肌太緊／做pull up & lat pull down嘅時候借左腰力令多左負荷落去脊椎關節
大包圍地處理就係拉筋放鬆背闊肌、mobilize thoracic spine 同埋注意返做呢兩個動作嘅時候穩定腰椎
https://youtube.com/shorts/x97hAScVHHc?si=IjO7l7y9Sy45qaXa
https://youtu.be/nYS0R4c3qCA?si=mw4af495Bw3NpvjP
https://youtu.be/AzCghjjWt5k?si=TC0GUngPJZDjJ5bn
可以係做lat pull down, pull up嘅時候做輕啲
留意下自己腰椎有冇郁動
可以提自己谷實多少少個腹黎做

感謝大大

可以試下拉同埋按摩下lumbricals muscle
https://youtube.com/shorts/7eY16X8SGwM?si=Zr5NwRtl4EHp1vCa

右背位置似係SIJ problem
右腳單腳踩地受力嘅時候SIJ就會受力唔舒服
要由右邊臀部肌肉練起
右腳單腳做single leg hip thrust
感受度為主

左膝嘅問題係control問題
講緊前後大腿嘅肌肉唔識得／唔夠力係最尾伸直嘅range去慢慢控制膝頭伸直
如果有做尖嘅話就要係做knee extension / knee curl嘅時候係差路多伸直嘅range個到hold三秒
練coordination就練下面呢個動作
https://youtu.be/W7n9dUiEbLM?si=Aj3aVU4xDEO62R6R

返去試試 唔該你先

收到Thanks巴打
我就係以為物理㩒鬆舊肌肉就搞掂，死㩒爛㩒，搞到發炎
做咗啲動作加細細力按摩球，刺痛有減輕跡象

另外右腳髖關節卡住卡咁，唔痛但曲埋再伸直隻腳就有聲，行得耐好易攰或者有啲唔舒服感，係咪彈響髖？有無得救？都維持咗好幾年

膝頭關節摺到最埋嘅痛有機會係肌肉嘅protective guarding／傷口位置好返7788但仲有啲敏感
無論係邊個問題都好
其實都需要你go into唔舒服嘅range多少少
而距離整親已經兩個月，都唔洗擔心去整痛佢多少少
可以係0-3分痛嘅情況下蹲多少少
但又講就係2個月蹲到最盡有少少痛都係十分合理嘅進度
唔洗擔心佢慢慢會好

多謝你嘅feedback，幫到你就好
但都要記住尖嘅動作做返輕少少先

右腳嘅唔舒服同彈響似係髂腰肌太緊
當我地長時間坐，髂腰肌會慢慢變得繃緊同無力
髂腰肌緊左之後就會係你曲埋再伸直隻腳個隻滑過骨頭而產生彈響
https://youtube.com/shorts/ZQXGUfGmgKc?si=YOUqs7nNov7HWrhr
https://youtu.be/WG93pv-XouM?si=ix82xy3xCZTtvRk9
做呢兩個動作會好啲

2. 唔舒服咗幾耐，點樣整親？（如有）
好多年前已經開始痛
照MRI話L4L5, L5S1輕微腰椎間盤突出
椎間盤少少撕裂
返工成日要坐

3. 咩位置唔舒服，淵痛/撕裂痛/被火燒麻痹...
主要係淵痛，灣唔到腰或者企唔直

4. 咩情況下會令佢痛多咗/少左？（時間/動作/姿勢），可以的話自己郁一郁患處睇下點樣會痛
坐得耐企喺身會痛，或者企得耐紅色位置會痛
如果向右側身藍色位置會痛，同埋右腳向後拉弓會痛

5. 曾經做過啲咩去處理佢？
做過衝擊波，干擾電，短波，拉腰，做完成效都唔係好大

6. 本身有咩運動習慣，一星期做幾多次？
本身有打開籃球，好幾年前打完藍色位置會痛幾日，抖一排就冇事，但係一年幾前打完紅色位置企直都痛，就冇再打

諗住去游水鍛鍊返啲肌肉，點知前幾日游完紅色位置好痛，企直啲或者向後條腰都會痛

多謝巴打解答