有冇做酒店嘅人吹吓水？

thanks ching

有冇師兄師姐可以話我知IVE酒店HD畢業但英文極差仲做唔做到FO? 好驚撞到外國客要問答個陣聽唔明又答唔到(已畢業兩年左右，個陣撞正武肺唔請人，所以未做過酒店。)或者想請教一下，英文差容易入行嘅酒店業職位係咩？

有身份證就已經可以做啦
見識過大把檔嘅前台係英文同普通話都唔識 (當然5星例外)

多謝師兄解答想請問師兄 酒店一般面試嘅自介同對答通常用中文定英文？或者會問啲咩問題咁？

讀完酒店但未做過酒店仲以為前台會好做，但追哂成個post見師兄師姐都話前台唔好做 好似HSKP同F&B好做過FO？

我做開HSKP嘅，都唔識講好唔好做，不過你entry level嘅都係執房/coordinator做起，前者體力勞動不過我覺得易啲升上supervisor，後者坐office不過英文同電腦都唔可以太差（爛檔可能要求低啲掛）

多謝師兄解答 想請問師兄 而家入行做HSKP執房一般有咩福利同大概人工係幾多？ 如果有幸升上supervisor又係大概幾多人工？ 麻煩哂師兄

一般都係包伙食有醫療有book房優惠，一年12日AL，有薪勞工假，幾多例假就間間唔同，執房嘅底薪通常都萬七八另外OT逐間房計錢，一間五六十蚊左右啦
supervisor一般都二萬up
以上資訊如果係爛檔就另計，只係講緊一般四星up嘅酒店大概價位
我都係入行五年左右，睇有冇其他前輩講多少少，不過好似呢個post啲人做FO嘅多

最後想請問師兄 面試嘅自介同對答通常用中文定英文？或者大概會問啲咩問題咁？ 呢排準備sd cv睇吓有冇機會面試，提早準備吓 見工要著西裝？

面試預咗中英普通話都會問，我都冇乜印象問咩，從來我都唔會做準備準備定中英自介到時自己執生算啦，講幾句得架啦唔洗成篇essay背出黎
我係著裇衫西褲見工嘅，西裝褸就冇，冇打呔

多謝哂師兄答我咁多問題

唔好意思師兄 想問多少少問題 想問吓你而家做緊HSKP執房 每日大嘅係做啲咩？有啲咩要注意吓？

我冇話我執緊房我係做緊supervisor
執房真係每日執房囉，做床洗廁所抹塵嗰啲，最重要咪注意清潔度囉，同埋唔好亂扔客人啲野，太多扔錯客人嘅野而奶野嘅case
by the way有興趣可以留tg我加你比你方便知多啲，唔想嘅我都喺度盡答

冇用開tg 不過都多謝師兄咁願意解答我嘅問題

我身邊d掃把4個有3個英文都差
真係唔使驚

大家公司有無開始炒人/放no pay?

down town occ 好似好低