【小說音樂化】YOASOBI 討論區 (29) Clockenflap 2023| 2024 ZEPP TOUR

d 人最遠企到邊到睇，我企panel 前面果堆望一望後面全部都係人

咁又唔係嘅

你睇今日賣goods條龍 再計返一人當只買500蚊

保守估都最都兩球

搞手應該唔止打個和㗎

assh repost好多人story

希望經過今日罪大會重新審視香港yoasobi既市場

好幸福啊

biri biri自己有打緊pokemon朱紫所以覺得勁正
依個價錢依個氣氛 又唔洗出境
咁既 性價比可以點輸

真 feel到有生命危險

真，自問已經唔算矮，但係前面一個比一個高
又企得唔夠近，霸唔到頭位，前面仲有十幾行人
唔舉起部電話全程影真係乜春都睇唔到，我都唔想
你以為我好想全程舉高部機影咩？完場之後隻手直頭成隻痺左
我阿媽生得我唔夠高係我唔啱囉

舉毛巾真係唔屌唔得
後面啲人睇你條巾咩

所以毛巾我真係唔太想買

其實有冇 page 介紹隊 band d 成員 ? 想搵佢地叫咩名都好難 我都覺keyboard 姐姐好可愛

好正
本身覺得香港睇show一定係智商稅遲遲無買到
最後前兩日見到900蚊張最尾都係比錢買左
完全無後悔

上個月coldplay
今晚clockenflap
下個月睇東京場
三個月睇三場搞到我個期待程度係愈黎愈高
真係比ikura養大左個胃口

各位巴打我地下個月再見

Po頭有埋ig

終於有得聽彗星live 聽到眼濕濕
同埋大家都開手機個燈好有feel

毛巾唔係咁用

其實係第三個螢幕塔前少少算唔算近
有D後悔今日太遲放棄排週邊
最後7點先去霸位

自從睇完電火光石就鍾意左佢
今晚仲要上前喪跳

lm

YOASOBI 呢場算係 Clockenflap 十幾年歷史入面最尷尬嘅一次，之前從來都冇發生過咁嘅情況。前面嘅觀眾好多全程舉住手機錄影，所以後面嘅觀眾就只係睇到一片手機發光屏幕。而且因為前面嘅人太多舉手機，後面嘅人為咗影到，就舉得更高，結果連左右兩邊嘅大屏幕同燈光效果都被手機擋住

世界上除咗Coldplay之外，好少樂隊會將現場視覺效果設計得咁精準，而視覺效果係YOASOBI現場表演入面非常重要嘅元素之一。如果每個人都舉手機擋住燈光效果，就會破壞整體觀賞體驗

音樂節嘅賣點係體驗，唔係錄像。全程喺度錄影，唔單止只會破壞其他人嘅體驗，亦會破壞自己嘅體驗，甚至有可能破壞藝人對香港觀眾嘅印象。現場音樂嘅核心係音樂本身，最重要嘅係enjoy整個現場，而呢種體驗喺錄像入面係無法體現出嚟嘅

我睇過好多J-Pop現場演同音樂節，但從來冇試過今次觀眾反應咁冷淡同全程舉手機攝錄咁多嘅情況。雖然今次YOASOBI都保持高水準演出，但觀眾嘅行為係會令整體體驗降低

可能因為好多樂迷為咗霸位等咗太耐，所以開場時已經冇乜 energy，樂隊成員向台下比嘅 signal，舞台最前嘅好多都無反應，反而後面啲人收到。好明顯前面啲人已經好好攰

到最尾，歌迷無理由唔知個rundown原本有預Encore，後面就不斷有人大叫アンコール，但就傳唔到去前面，前面叫極都叫唔起，於是就咁結束咗

現場音樂好講互動，明白前面太多人等咗好耐，身體疲累。但音樂節本身就唔suppose你長時間霸位消耗自己精神，音樂節最好玩嘅方法係周圍睇下，乜都試聽下，chill下，咁先會有精神欣賞想睇嘅野

YOASOBI嘅作品本身唔止係一種J-Pop，本質上廣納咗J-Rock, Indie Pop, Indie Rock, Alternative Dance, Nu-Disco, Electropop同Post-Punk甚至有少少Drum&Bass，所以真係想深入了解YOASOBI嘅音樂嘅活，係要聽多啲唔同類型音樂先會理解到。比如喺YOASOBI時段之前嘅IDLES，係一個Post-Punk樂隊，試下去聽，就會發現YOASOBI當中係唔少Post-Punk嘅節奏

尊重其他身邊左右、前後嘅觀眾，尊重其他音樂類型嘅觀眾，尊重藝人，尊重所有演出元素，包括燈光效果。視覺設計、燈光效果係由真人團隊心整出嚟嘅，舞台上每一個元素都係音樂體驗嘅一部分，每一樣野都比手上嘅手機錄影更為重要。唔好令物件（手機）佔有自己，否則物件會反過來佔有你

新潮文