追晒成個post同起佢底都仲未明絲打個男朋友到底做錯咩事要內疚到分手
同第個女仔傾左一個月,到後期有叫個女仔傻妹果啲,最後比我發現左,仲要不斷講大話呃我,今次係第四次,之前我有同佢講過,我唔介意你同女仔fd傾計,但如果個女仔有暗示啲咩,或者你地日日都傾就要同我講聲,之前三次都冇去到咁離譜,有兩次都只係個女仔(有男朋友)有暗示過佢冇理到但都冇話我知,另一個係日日傾差唔多成星期又冇同我講,其實後者個個我就覺得冇乜野既,點知我問佢佢就不斷講大話,我比左好多次機會佢佢都唔肯講真話,到最後我話分手,佢先即刻打黎認左,到今次,佢地足足傾左成個月我先發現,而原因係佢將個女仔個contact名改左做一個我地都識既一個男仔fd既名,其實到第四次我已經同自己講已經比左好多次最後一次機會佢,比完一個又一個,但每次第日就原諒佢,因為佢同我講佢真係會改,而我都好想信佢,到最近呢次,我嬲左佢4日,其中佢都有係咁搵我,到最後我都原諒左佢,佢仲好開心係到睇住宿,但過左幾日,佢就開始比我感覺有小小唔同,我問佢,佢就同我講內疚果啲,之後就係佢講
如果我同你講九成搵藉口你信唔信?
好簡單,男人做錯事,佢地通常都唔會諗太多,唔會好似電視啲男主角呀暖男呀咁,會諗好多好多。
現實就係只要佢地覺得你原諒佢,咁就一天都光晒!繼續開開心心無事發生;但如果佢都想趁機甩身,佢就會諗好多好多理由出嚟,咩好內疚想靜吓諗吓啦、覺得自己困住喺入面過唔到啦之類,藉口嚟啫
佢地如果真係對你內疚,只會對你越來越好,而唔係會選擇離開你。
至於應唔應該等佢,你自己都好清楚啦,一個人犯同樣嘅錯四次,你唔好妄想改變到佢,諗住佢終有一日會發現你先係最好呀,會返嚟你身邊安定落嚟,唔會㗎,因為你唔係嗰個可以令佢甘願定落嚟嘅人,醒吓啦,唔應該再奢望佢會點喇。
利申:過來人。以前條死仆街同我一齊食咗我三個好朋友,次次都話好內疚要靜吓㗎啦
我有諗過,我一邊係好想放棄,但一邊都會想抱住佢個一成可能唔係藉口只係有野未諗通去等佢,個心好攰,日日就好似不斷係天堂同地獄咁徘徊,個心好攰
一次不忠 百次不容
曲奇講得啱架
如果男人真係覺得錯嘅
你話冇野 佢應該好開心至係
但依家明顯冇 仲話內疚
內疚係應該補償而唔係一句諗緊
仲諗緊會del相咩
可能佢另一邊又flirt緊人
諗住溝掂先講分手
溝唔掂都仲有你呀
你可以繼續等佢
但唔好困住自己喺個死胡同
試下走番出黎自己世界
同啲朋友去下玩咁