痔瘡+長期便秘問題

由細便秘到大，體質問題
2-3日痾一次屎，好運嘅話都會密啲嘅
由高中開始已經摸到自己肛門口有粒嘢，知係痔瘡
不過無咩大問題，係試過一兩次粒嘢發炎會痛幾日

去到大學有一排痾屎連續幾次都流好多鮮紅嘅血，仲會有血塊
醫生撩完我屎眼後，確認咗係痔瘡
開咗啲塞藥同藥膏比我

但我嘅便秘問題一直都無咩改善到，有時嚴重起上來又會trigger到痔瘡腫痛
暫時無內痔會跌出來，純粹出面有粒唔大唔細嘅瘡

都知自己係飲唔夠水，同埋無阿媽煮飯所以成日食唔夠纖維，唯有出面食都盡量嗌啲菜
見過生痔瘡嘅人痛不欲生，加埋睇連登啲割痔瘡post令我有種好深嘅恐懼，覺得自己未來就會係咁

想請教長期便秘有咩改善方法，同埋關於痔瘡嘅治療eg.去到咩階段你地會做手術
飲西梅汁好難頂

過來人 後來每日一杯熱齋啡 就徹底解決咗個問題 加左奶或者凍啡就冇用 唔知對你會唔會有效

長期便秘真係好難搞
1.通便藥
2.自己試下邊隻益生菌有用
3.中醫

無效，我就係日日飲啡嘅人來

咁不如試吓食一個月素

長期食通便藥咪同啲阿伯阿婆無分別
益生菌無咩用
中醫可以試下
暫時諗住每日都要食啲蘋果香蕉，睇下有無好啲

好難呀帶飯太麻煩，出街食又無素
主要係忍唔到口食肉

麒麟果唔建議食 屙到仆街

但長期食咪成日肚痾
不過我飲西梅汁都無肚痾

樓主有無得交換tg傾下交流下

谷住谷住 啪返一粒半粒 即刻屙到腳軟

屎嘅水份同飲水冇大關係，因為水份喺胃同小腸吸收左好大部分
你要食多d水溶性纖維,例如去iherb買洋車前子
同埋食多d菇，同份量嘅菇纖維多過菜，菜有大部分係由水構成
改變飲食習慣有助改善大便出血/痔瘡
當然太嚴重嘅話冇計

食2粒奇異果

咖啡其實係濕熱性質
會令到你更加難去廁所

益生菌食半年幫到你 認真

好似唔見超市有，你係邊度買

我有食過洋車前子，純粹飲唔夠水無咩效
菇我比較少食，可以試一試

超市同街市都有

飲水，食菜，行多 d 路
可以試下用熱水加小小芝麻油飲左佢，油會滑腸

行路多會幫腸郁多小小

有個激進嘅做法
切左個膽

去街市買斤菜心
烚咗佢食
即屙

而家有隻韓國益生菌 黃色既你可以試下 自身試左ok

食太多菜但冇食d 油同飲水都會便秘 。

同埋食下蘋果，橙等 。堅持下，之後你就會發現日日有屎all同埋d 屎好靚 。

益生菌點會無用

比起偽科學嘅中醫同其他保健品

益生菌有最長時間嘅論證同研究報告