[最後一次全國Pass] 10月日本之再戰紅葉7日遊

我喺香港飲唔知係咪擺得太耐直頭覺得無氣，口渴又唔係好覺

架SL入面咁現代

話遠唔遠，話近唔近。
上次去，差唔多有九成日係湯沢落咗車
但係啲米又真係幾好食

Day 6 (29/10/2023):

除咗可以喺自己嗰間溫泉酒店浸溫泉之外 仲可以行上半山去佢嘅姊妹館くつろぎ宿 千代滝浸溫泉 再加上佢個露天溫泉放咗喺頂樓嘅關係所以觀景效果極佳 絕對係成個旅程最正嘅溫泉


影返自己嗰間溫泉酒店嘅正面


跟住就去食早餐 今次呢個係自助早餐 雖然選擇唔係好多但係啲食物全部都好高水準






最出色係牛腩(橙汁隔離嗰碗) 完全有香港嘅水準 呢餐係成個trip 最好食嘅早餐 可惜遲咗起身令到食得好趕


房望去嘅景都好靚 呢間溫泉酒店嘅各方面都令我地好滿意 尤其係食物同溫泉都係above average開頭酒店要求我地一定full pay先可以入住都驚會伏 好彩最後證明呢個擔憂係多餘 如果大家唔介意喺福島住一晚嘅話好推薦大家黎


酒店駁去停車場條路好有Harry Potter 嘅feel

唔經唔覺今日就係喺日本嘅最後一個full day 不過間溫泉酒店實在太舒服所以我地差唔多10點半先出發(11點 Check out) 第一個景點係望豬苗代湖嘅展望台(山湖台) 不過其實都唔係好睇到


去五色沼嘅車程會經過磐梯山ゴールドライン(Goldline) 本來都對呢條route 冇乜期望 但隨住海拔高度不斷提高 兩旁嘅紅葉就越黎越靚




呢一段嘅紅葉可以話係成個trip 最靚嘅紅葉 有齊紅橙黃綠同芒草








今次嘅旅程一個好大嘅得著就係除咗啲有名嘅景點之外 呢啲山區道路嘅紅葉其實都可以好靚 10月底去東北嘅話可以去海拔500-1000米左右嘅地方會見到好多靚紅葉

大概一個鐘頭左右嘅車程後我地就黎到裏磐梯物産館 泊好車去個廁所之後就準備出發 (見到堆好有趣望湖嘅凳 )


繼大沼公園後 五色沼又係另一個深切體會到廁所/旅遊中心隔離嘅紅葉係特別靚嘅道理


散步道沿途普遍都係黃葉為主


五色沼13年前黎過一次(正正就係東日本大震災之前) 今次紅葉季節就舊地重遊(圖中為第二個湖青沼)


非常間唔中有一棵特別紅嘅樹


第三個湖 瑠璃沼




成個散步道都係以平路為主 攜老扶幼都冇問題


黎到第二大湖弁天沼 我覺得呢個湖係咁多個之中顏色最靚 同北海道嘅青池有啲相似






再之後嘅竜沼同深泥沼都冇乜太大特色


反而係赤沼啲水特別綠所以印象頗為深刻(但點解要叫赤呢)




最後就係毘沙門沼


由於呢度已經係散步道嘅終點(全程慢慢行大概1個鐘頭多啲) 所以紅葉又變得特別燦爛




毘沙門沼係咁多個湖之中最大嗰個 所以有得租艇划

當年都係住呢間
性價比好高
個晚餐好好食

缺點係公共交通唔方便
但自駕嚟就一流

當年去忽然遇到場超大雪
串步難行只係行左一個沼

見到都覺得凍

精神冇你咁好 而且前面有慢車就會開始眼訓

當日有冇其他遊客

見賣店仲有啲人
但行到入去就只見有一對男女
啲雪又厚又鬆喺出面遊客中心借對長靴先行到入去
仲要見到有熊出沒注意警報

行完之後我就自己一個坐巴士返去起點攞車 全日就係咁啱有一班車淨係由五色沼開去裏磐梯(250 yen) 點知我撈亂咗磐鏡園 五色荘売店同五色沼入口観光プラザ 去到最後關頭先發現自己搞錯咗 好彩最後一分鐘都成功跑到去巴士站(一個鐘頭一班巴士)


5分鐘後就返到起點準備揸車去五色沼入口接返佢哋 本來諗住係直接出發 但見到有間拉麵店都係決定返轉頭食咗先(周圍都係有好多香港人)


今次食麺処 零番 (Tabelog 3.06分)由於琴日食唔成喜多方拉麵 所以今日就專登食返 我地叫咗喜多方ラーメン極 950 yen 湯底同肉都冇乜太大特別 但麵條就用扭紋麵食落幾有口感

喺福島縣嘅最後一個行程就係去揸車去磐梯吾妻スカイライン呢條號稱一個其中一條最靚嘅公路 開頭嘅紅葉都好燦爛 不過除住海拔一超過1000米就變咗得返枯枝 第一個景點係国見台


可惜當時開始起霧 只能勉強見到遠處嘅磐梯山


因為沿途都幾起緊霧所以就直接去到公路最大嘅景點浄土平 以前磐梯吾妻スカイライン係要收通行費 但而家就變咗免費得返浄土平停車場要收500 yen (網上照片)


有冇人覺得同知床五湖張駐車券好似


行過對面馬路就黎到吾妻小富士嘅入口


至於點解似富士山 我覺得最大原因中間凹咗落去嘅火山口同富士山真係有幾分相似 佢同富士山一樣都有一個お鉢巡り歩道(環火山口行一圈) 不過由我地行樓梯上黎開始就非常大風 幾乎可以將成個人吹落山 (今日真係好要好似大台個記者咁扎馬先企得穩) 加上時間緊迫所以就果斷放棄


望返停車場嘅方向 似乎呢個都係一個活躍嘅火山區所以周圍都冒緊煙 硫磺味都幾勁


另一個方向嘅風景


今次行程嘅最高點 海拔1700米左右


落返山喺停車場隔離個溫度計見到原來得1度 難怪凍到手都僵埋 另外原來個停車場4點後就免費 早知遲少少先黎

說好星期四坐sunrise 呢

我係話最快 不過今日會有

你冇過去福島站嗰邊?

冬天都會有熊出沒?

你啲肉睇落好食啲 有冇去埋另一間浸?

交通我覺得都ok 酒店行2-3 分鐘已經係巴士站 離市區都唔算太遠

僅限廁所隔離嗰幾棵 其他都係黃-綠

我自己最鍾意係SL 冬の湿原号