[最後一次全國Pass] 10月日本之再戰紅葉7日遊

因為三月去咗九州了，所以今次無去
我只係鍾意火車站，所以無乜追火車

D1 留萌本線
D2 小幌 落雨，濕曬身唔去了，坐火車去咗秋田新幹線
D3 比卡超車
D4 峠，わたらせ溪谷鉄道，岩舟
D5 土合，青海川，姨捨
D6 靜岡，サンライズ瀬戸
D7 水島臨海鐵道
D8 長門本山，瀨野，宮島神社
D9 出雲
D10 餘部
D11 京都鐵博

跑里數？

送殯結束之後就坐返227系返去広島


今次提早一個站喺天神川落車 呢個站最特別嘅地方係上下行兩個月台俾JR貨物広島機関区分隔開(趕住落車唔記得咗影相) 然後就去咗Aeon Mall 広島府中店用僅餘嘅時間Shopping


甚少見到日本嘅市區巴士用高椅背設計


黎到広島當然要食お好み焼 本身揀咗成個広島市最高分嘅お好み焼き 八昌 (Tabelog 3.63 分) 但我又唔記得做功課結果又遇上定休日 唯有返去広島站嘅時候先食


趁仲有少少時間加上之前睇完Oppenheimer 所以去post office 買完郵票之後就過咗去隔離嘅平和記念公園重溫一下




但願以後嘅日子可以世界和平




回程就揀咗咗広島電鐵返広島站


坐到嘅係広島電鉄5100形 雖然呢架車望落仲係好新但其實已經差唔多20年車齡 可能因為広島太多紅綠燈嘅關係 我估行路可能仲快過搭電車

6年冇黎広島站 連商場嘅位置都唔同曬搵餐廳都搵咗一段時間 今次就冇特別search 邊間餐廳好啲所以就揀咗最少人可以直接坐鐵板位嘅いっちゃん ekie 広島駅店 (Tabelog 3.43 分)


最後一餐決定要食得豪啲 叫咗廣島蠔嘅お好み焼 1600 yen


お好み焼同関西風お好み焼き嘅最大分別係関西風齋得麵粉 而お好み焼會加埋Soba/烏冬


至於食落兩者就冇太大分別 而廣島蠔好新鮮好好味


食飽之後就係去咗買手信 黎到広島小弟私心推薦呢間楓乃樹 (今次黎到間鋪頭變咗一間獨立鋪頭裝修靚咗好多)


佢個楓糖餅真係好好味 本來想試下佢個卷蛋但Hkexpress 只可以手提1+1件行李所以只能夠果斷放棄


不過要好小心計算買幾多舊先係最平 經過一輪計算24盒裝嘅平均價係最低 同六花亭嘅logic 係相反

最後一程新幹線 3:33 嘅さくら556号去新大阪


如果大家喺攞住全國pass 坐山陽新幹線嘅話記住要提早劃位 因為さくら得8卡


直通九州新幹線嘅N700 指定席用2+2 厚凳座位所以特別舒服 呢款車嘅自由席同Green Car 我都坐過好幾次 唯獨指定席就係第一次坐 但太遲劃位所以只能夠坐路邊 話說臨入岡山站前突然落咗EB (點解知道係EB 因為放喺枱面嘅水樽跌咗落地下同停低之後有4語廣播) 好彩停咗5分鐘後就可以再開車唔影響去機場


1個鐘頭26分鐘(+delay 4分鐘)後就黎到新大阪 比最快嘅Nozomi 只係慢3分鐘


可以見到月台尾端有好靚嘅夕陽為本次旅行劃上完美嘅結局

完

未完 今晚仲有

仲有？

都未出發去機場

七戶十和田揸車即日來回都可行嘅 你有冇車牌

tabelog四國烏冬排頭位嗰啲舖好多都係自助式
極少位，店內full咗要出店外長櫈食
日本人嘅口味

新大阪可以直接坐はるか去関西空港 不過我卻坐咗前一班嘅くろしお21号


疫情期間くろしお變咗全車指定席 所以就算我坐得一個站都被逼要去劃位 (落車嘅時候明顯感覺到俾後面個日本人白眼)


點解要專登坐一個站くろしお? 當然就係為咗黎今年3月新開幕嘅地下月台 佢裝咗全世界第一個可以移動開門位置嘅月台幕門 不過就只有関西空港方向停特急嗰個月台先有


無接觸式閘機 不過暫時只可以用定期票/IC 卡


如果喺閘外行返去正常嘅大阪站都頗遠下


最後一次去便利店買嘢食




劃位嘅時候見到有第9卡以為自己有機會坐到271系 但我實在太天真唔記得咗281系都有附屬編成


某飛xx 會巴打最討厭無嘴貓


近排Lihkg 同各大fb 群組都賣関西空港出境安檢大排長龍 我嗰日就唔知係好彩定未到旺季基本上唔需要排隊 我冇網上check-in 條隊更加係冇人下一個即刻就輪到我 不過Hkexpress 捉行李真係非常嚴大家唔駛諗住博懵(反而去日本嘅時候過咗7kg 佢放咗我地走)


買咗5GB 嘅Airsim 啱啱好用曬


買埋手信去到閘口都仲有接近45分鐘左右先登機

莫講話全JR 連新幹線100% 都未做到

我諗都係要凍烏冬先係信心保證 上次喺高松站嘅めりけんや 高松駅前店都係一般

唔經唔覺開關後嘅第三次日本旅行就黎到尾聲 諗起今次係最後一次咁平買全國pass 就覺得好難過 喺日本坐火車真係一個好令人滿足嘅體驗 無論最快嘅新幹線定最慢嘅蒸汽火車都可以體驗到滿滿嘅日本特色 除咗坐火車睇風景之外日本嘅美食係一個令人想去完再去嘅原因 尤其而家日圓長期5算 喺日本食一碗好食嘅拉麵仲平過喺中環食一碗某記唔好食嘅牛腩麵 因此返到黎香港都唔夠一個月已經想買機票再去過

好感恩今次旅程絕大部分時間都係陽光普照可以影到好多靚相 而紅葉都比上年靚 東北嘅紅葉同京都東京見到嗰種完全唔同感覺 推薦各位下年秋天都可以黎 可惜呢個旅程都係有啲黑仔時刻去唔到某啲餐廳 加上自己嘅老問題對時間控制太樂觀結果又出現咗少量驚險時刻 希望下次可再作以改善


多謝各位過去三個幾禮拜嘅支持 我地暫定出年櫻花季節再見

同場加影 (小弟自己一個去咗広島嗰日 其他人嘅行程)

淺草雷門


買新行李喼


軽井沢雲場池

我又係特登劃咗8號車
落到月台見到又係281系

無咀賤畜

多謝你證實T2 羽田6點可以換pass , 印象中你係第一個介紹

果日我坐，撞正放學，成架車都是人

個日我kix走，排咗兩個鐘

試坐專員

推一推返上去