[黃Viu] 韓劇《完美的結婚公式》成勛、鄭侑敏、陳智熙、李敏英

你都岩睇依套？

第3集出左喇

依套劇都有PPL

漫畫我搵唔到最新連載 請問你係邊到睇

ep3

睇完第3集啦
仍然係走老土狗血風

究竟女主爺爺做左咩對唔住女主
仲有男主媽同女主媽會唔會合作？

嫌男女主一齊時間好短
女主都幾靚女
男主喺依套劇都幾吸引
想睇多啲男女主對手戲

搵緊依套劇有咩花絮或綜藝宣傳睇


https://www.youtube.com/watch?v=KIdbMUp7BGU

https://www.youtube.com/watch?v=njx-MsD2KaM

https://www.youtube.com/watch?v=F0OtrMNX9Xg

https://www.youtube.com/watch?v=5u8gmvdGTfY

https://www.youtube.com/watch?v=ZQAL5M1UbL0

今集劇情主力喺副線，做鋪排，無上集咁緊湊，希望今晚啲劇情集中返喺男女主角身上
唔知點解呢集睇男女主對戲，好有復仇版社內相親嘅感覺 男主叫女主愛上佢，男主假戲真做借機溝女，女主唔知男主其實真係鍾意佢 果然霸總劇都係同一套路
我覺得男主媽唔會同養母合作，男主媽似唔鍾意養母呢種機心重嘅人
我覺得可能係爺爺令女主變孤兒，所以佢先至要求原諒

成勳喺依套劇真係好charm
希望之後多啲霸總劇情啦
男女主都有智商嘅霸總劇真係好睇啲

不過今集女主畀前男友媽捉住果度
其實女主可以做得聰明啲
唔明點解女主又突然變得咁柔弱

死啦
我好鍾意睇依啲劇情嫁

係囉 女主仲使理佢咩
不過都可以理解嘅 佢重生但都係同一個人 懦弱嘅根子都仲喺到

唔駛停喺度
直程走佬啦
仲畀人影到相

女主開頭都好強勢唔理個女人，但個女人做戲咁跌落地，我都覺得係女主當下比個女人嚇一嚇，一時意志力薄弱咗，同埋戲情鋪排秘書要拍到條片比養母用嚟搞女主嘛
不過好彩女主都好快振作返，醒起假畫單嘢，又佈局搞養母

成勛係有陣成熟嘅霸總味，雖然成日演同類角色唔係好事，但佢做親霸總都好好睇 佢另一個唔係霸總但又好好睇嘅角色係《五個孩子》，做自戀高球手，搞笑又charm，同申惠善好有火花，好好睇

就係成勛黎演霸總先啱味講啲肉麻台詞但又唔會油膩
同埋佢眼皮一單一雙 我就幾鍾意嘅
原來佢同惠善搭過得閒睇下先

好開心男主媽媽同阿妹應該係企喺女主嗰邊
媽媽問女主係咪真心鍾意自己個仔 女主答以前比人背叛 但依家識嘅男主應該唔會傷害佢 就算係都會有個性格爽朗嘅老母會教訓佢
男主媽媽完全另眼相看 我呢個準新抱咁鬼識答

第三集1.926% 再升左啲

我記得睇人物簡介，男主媽本來唔鍾意女主，但之後見女主家人對佢咁差，開始心痛女主，所以我估男主媽應該之後係撐女主嘅
女主阿妹真係堅on9，男主阿妹鄙視女主阿妹放家姐毒針個樣好正 記者friend子教路男主媽唔鍾意人哋刻意討好自己，阿妹就咁啱扮晒乖又送禮，瀨晒嘢

good 穩步上揚，希望呢套劇成績會好好

五個孩子係kbs啲周末劇，成55集，如果想淨係睇成勛同申惠善，可以去成勛台灣後援會個facebook page，佢哋有做成勛cut。但其實成套劇都好好睇，仲有林秀香，但佢唔係同成勛做情侶，但又有啲關係，因為有睇新妓生傳嘅，會覺得佢兩個喺劇唔係做情侶，但又有唔少對手戲，好搞笑

女二淨係識喊
講真就算唔係女主同男主假結婚
都唔到女二嫁啦
男主根本唔鍾意女二

第4集已出
依套劇好似唔多人睇

老土得黎好好睇（成勛好啱呢啲劇）