夏天14日中歐遊記（多圖）

聽古典音樂 嗰度真係是但聽咩人演奏 就算唔出名嘅水準都幾好話晒係音樂之都
如果聽出名嘅 例如維也納管弦樂團VPO 係平過腥港好多聽出名嘅腥港係超貴 最平最差嘅位都成5舊當地只係廿幾歐
嗰陣去咗Musikverein嗰度聽

食完飯之後我地就去聖查爾斯教堂準備去聽concert。



聖查爾斯教堂(Karlskirche) 是一座巴洛克式教堂，位於奧地利首都維也納卡爾廣場的南側。 該教堂被廣泛認為是維也納最傑出的巴洛克式教堂，也是該市最偉大的建築之一。該教堂供奉聖嘉祿·鮑榮茂（St. Karl Borromäus），他是十六世紀偉大的反宗教改革者之一。

教堂旁邊是醫院墓地Spitaler Gottesacker（已不存在，現在是維也納科技大學）。作曲家安東尼奧-維瓦爾第Antonio Vivaldi於1741年7月28日在維也納去世，並於當天被埋葬在那裏，但隨着時間的推移，他的墳墓已無處可尋。為了紀念他，教會定期舉辦維瓦爾第音樂會 (亦即係我地今次聽嘅音樂家)。

[以上內容由維基大哥提供］

我地準備入場，今次嘅會演奏嘅音樂係The Four Seasons，亦係Vivaldi最出名嘅作品。係開始演奏之前，我哋都有影到教堂入邊嘅相，留意番開始演奏之後就唔可以影相。

The Four Seasons 分咗4首協奏曲，相對應就係4個季節，而每個季節四首協奏曲各附有一首十四行詩。相信最為香港人熟悉嘅就係《春 (快版)》，之前有個港台嘅文化節目都係用呢首歌做主題曲。

因為係呢個音樂會之前其實未認識呢個作品，所以我地係聽完個音樂會之後再返屋企重新再聽一次，搵返鍾意嘅嗰部分，再對應返首詩，就開始理解到點解會用呢一個節奏。

以下係私心分享：
https://youtu.be/GDh9LcmYyA4?feature=shared
L'Estate - Presto 《夏 (急版)》

(G) Ah che pur troppo i Suo timor Son veri / Tuona e fulmina il Ciel e grandioso / Tronca il capo alle Spiche e a' grani alteri.

(G) 終於，他擔心的事發生了──雷電交加的狂風暴雨及冰雹，阻撓了他回家的路。


https://youtu.be/NzCL9uLkQSI?feature=shared
L'Inverno - Allegro non molto 《冬 (不太快的快板)》

(A) Aggiacciato tremar trà nevi algenti (B) Al Severo Spirar d' orrido Vento, (C) Correr battendo i piedi ogni momento; (D) E pel Soverchio gel batter i denti;

(A) 人們在凜冽的寒風中、 (B) 在沁冷的冰雪裏不住發抖。 (C) 靠着來回踱步來保持體溫， (D) 但牙齒仍不住地打顫。

如果大家有興趣嘅話，可以去YouTube搵返成個作品。

其實成首四季 聽嗰陣用啲想像力 就會有畫面
原來Vivaldi係維也納逝世 因為只知佢係意大利人

題外話
奧地利猶太作曲家兼指揮Gustav Mahler就真係葬係維也納 Grinzing Cemetery
https://www.visitingvienna.com/footsteps/gustav-mahler-grave/
當時去過墳場憑弔過

睇呢個介紹原來仲有好幾位
https://www.visitingvienna.com/famous-people/

果然係音樂之都
5 6月去中歐幾舒服，溫度啱啱好

去布拉格可以去試吓kungfu pasta呢間嘢
之前食過幾正

你個名

《第七日——前往柏林》

第七日我哋就要離開維也納，朝頭早我哋食完早餐之後，就去咗附近超市買啲生果食，我哋買咗一盒士多啤梨，大概港幣$30-$40。雖然唔係好甜，但感覺都幾新鮮。


我哋睇過坐火車由維也納去柏林要八個幾鐘，所以都係決定坐飛機。我哋坐維也納嘅機場快綫City Airport Train 入機場，佢哋嘅列車係有兩層

佢哋個機場都幾大，同埋好方便。基本上每一個櫃位都係自助寄行李，而且櫃位夠多唔需要等。

寄咗行李之後我哋就做安檢，第一次見到有人帶寵物上機，睇住隻狗狗做安檢嘅過程。安檢完之後我哋去左機場入邊嘅餐廳食嘢，叫咗一個慢煮手撕豬肉，出乎意料咁好食。食完之後就趕住上機。


喺外國嘅機場應該好多時候都要由outer bay上飛機，我都幾鍾意呢種感覺，好似國家領導人咁。我哋坐嘅飛機係A320neo，只係出咗廠半年，所以非常新淨，座位都好好坐。感覺上仲好坐過阿聯酋架A380。



飛咗大概一個幾鐘頭，中間都有嘢飲同有零食，服務都唔錯，仲有空姐幾靚女。

好快就已經到咗柏林，喺等拎行李嘅時間我去咗廁所，而廁所入邊竟然係有condom同情趣用品賣，可能坐得飛機耐啲人忍唔住。

拎完行李之後，我哋就坐機場快綫出去，首先都係去酒店check-in。呢間酒店係我哋喺歐洲住過最靚嘅酒店：


NH Collection Berlin Mitte Friedrichstrasse
https://www.nh-collection.com/en/hotel/nh-collection-berlin-mitte-friedrichstrasse

喺酒店抖咗一陣，我哋就出咗去行。喺柏林遊客嘅景點其實有好多都好近，甚至乎可以行過去。

首先我哋就去咗布蘭登堡門。布蘭登堡門可以話係柏林，甚至乎係德國嘅標誌。

「第二次世界大戰德國戰敗後，分裂為東德和西德，柏林亦劃分為東柏林和西柏林，布蘭登堡門位於東柏林和西柏林的分界線上，因此它曾經成為德國分裂、歐洲分裂和冷戰的象徵。

1990年兩德統一後，又成為了德國重新統一和歐洲重新統一的象徵。」—— 維基百科

Austrian Airline去柏林要幾錢?
去德國搭短途幫襯Eurowings多 (即係漢莎旗下嘅廉航)

德國未住過NH集團 有啲貴
但睇落幾唔錯

之後我哋就去咗猶太人被害紀念碑，一個感覺好沉重嘅地方。


歷史相信大家都隨時可以上網搵，咁我就講吓感受。喺外圍睇啲石碑唔係好高，亦都冇乜壓迫感。但當自己越行越入嘅時候，佢條路係一直向下斜，而且啲石碑越嚟越高。


去到最深入嘅時候，自己就好似身處喺迷宮咁，加上石碑全部都差唔多樣，真係有少少驚自己會蕩失路，有啲不安。

諗起柏林經歷N次空襲 勃蘭登堡門完全未炸中過

好似1000幾唔平的
所以即使由慕尼黑返香港機票平過柏林返，其實拉返勻都係差唔多價錢。

同埋我記得嗰陣搵，得奧地利航空有直航

狗狗圖呢？

咁傳統航空一定貴過廉航嘅 當體驗下

而家竟然獨市

第一次見到呢個都有相若感覺
但之後見到更震撼嘅事物……

柏林去咗5次

去完猶太人避害紀念碑之後，我哋就去咗食晚飯。雖然身在德國，但係我哋食嘅第一餐係意大利菜，叫咗一個意粉一個pizza仲有兩個甜品，總括嚟講嗰兩個甜品係最好食嘅。



La Via Del Muro
https://maps.app.goo.gl/kCrEZ4yeFRnaysA9A?g_st=it


食完之後我哋就去咗其他柏林嘅名勝，我哋第一個去嘅係Charlie’s Checkpoint，係以前穿梭東西德嘅其中一個檢查點。

「查理檢查哨是冷戰時期柏林圍牆邊民主德國首都東柏林與西柏林進出的一個檢查點。該檢查站通常為盟軍人員和外交官使用。從這個檢查哨往北去，即進入東柏林，反之往南則是進入西柏林。」 — 維基



上面路牌兩邊各自寫住你會離開佔領區，進入另外一個勢力範圍。但呢塊牌其實已經係仿製。


喺查理檢查站影咗一陣相，就向前行。本身諗住去柏林圍牆，兄弟之吻個打卡位。但突然間，有啲好熟悉嘅物體喺我面前出現。

冇錯，就係雙層巴士。呢款雙層巴士香港都有，所以特登坐下睇吓車上面有啲乜嘢唔同。呢度啲車闊落好多，車上面嘅用色都靚過香港，而且冇咁多車身零件碰撞嘅雜音



坐咗幾個站，唔知去咗邊度，然之後就即刻Google返去柏林圍牆。


相信大家都唔會對呢一個打卡點陌生大家見到圍牆咁靚，其實已經係經過無數次維修同保養嘅結果。

嗰陣已經係黃昏，所以睇到日落。我哋影咗幾幅相，就坐巴士返我哋間靚靚嘅酒店。