夏天14日中歐遊記（多圖）

《第八日——遊車河、博物館島》

第八日一早我哋就去咗我喺柏林最期待嘅節目，就係去坐懷舊巴士。我哋坐嘅係218路線：

「佢係一條郊遊路線，途中會經過柏林嘅森林區Grunewald，最特別之處，係每日會用一部古典巴士行走，而假日則會由一架古典巴士加一部MAN Lion’s City DD行駛。其中古典巴士係屬於一個名為Traditionbus Berlin嘅組織，佢哋嘅理念係，古典巴士唔應該只係屬於博物館，應該喺路面行走，先係最理想嘅保育方式。」——中華巴士紀念館

我哋呢一日搭到嘅係MAN SD200，呢款車係1973至1985年製造，距離而家已經近50年。


呢架車係冇冷氣嘅，即係熱狗巴士，我對上一次坐熱狗巴士已經係2012年，一上車種感覺返晒嚟（老婆喺上車嗰刻先至知道呢架車係熱狗，佢有啲絕望咁問我，架車冇冷氣㗎？）。


沿途司機都揸得好慢，可以俾我哋好好感受一下呢一條鄉郊線嘅寧靜。

呢個網可以睇到開出時間表：TraditionBus Berlin
https://www.traditionsbus.de/linie_218.htm

如果香港都可以比呢啲退役巴士重新出牌，其實都不失為一個吸引遊客嘅好景點。有好多遊客嚟香港都會專登搭吓雙層巴士，如果想吸引多啲人，可以考慮搵退役巴士嘅車主，做吓啲博物館同遊客區之間嘅接駁服務。

可唔可以分享下你住咩酒店？

NH Collection Berlin Mitte Friedrichstrasse
https://www.nh-collection.com/en/hotel/nh-collection-berlin-mitte-friedrichstrasse

係德國去餐廳 最多食意大利 其次係酒吧餐廳 跟著係希臘菜覺得呢三樣正過「德國菜」
外觀覺得架雙層巴好矮身 原來入面係咁因為未搭過呢隻 好似幾正
checkpoint Charlie附近 其實有另外一幅柏林牆
Berlin nordbahnhof同總站附近有哨塔

呢個勁正呀真係唔講都唔知
多謝推介已存記

我來緊都住依間 評價如何？
早餐係咪好得？

由佢lobby行上房幾遠，𨋢細，其餘都無乜問題。行出去天文鐘個邊大概10分鐘，叫近。

早餐唔少款但有好多都係沙律，熱食味道一般。佢啲麵包係最好食

Grandium hotel 同 Grandior hotel
依2間我決策咗好耐
最後都揀左Grandium

你全部火車都係官網book?
有無坐過巴士？

長途巴士？有呀，去CK小鎮同新天鵝堡都係3個鐘巴士

呢個行程點解唔飛Berlin>Munich>Prague>Vienna?

但佢而家係捷克（布拉格）＞奧地利（維也納）＞德國（柏林）＞德國（慕尼黑）喎
中間仲有去CK

琴晚㩒柏林啲酒店
今年同出年同一時間 貴咗成廿幾歐一晚

結果要住遠少少 都要成百二歐一晚

無睇地圖就買左機票既後果

我個陣一晚好似800

今年住近總站附近 都係800幾琴晚一㩒變咗千幾
(連稅同立雜費用)

坐完古董巴士之後，我哋就出發去博物館島。由於時間太早嘅關係我哋未入得，所以就去咗附近食嘢。我哋揀咗一啲小食，就係德國腸，其實冇乜特別，係食個feel。


之後我哋去咗附近影相，最靚嘅係柏林大教堂。


影相嘅途中，我哋預早有啲膚色偏黑嘅人係咁問我哋識唔識英文，大概係話做緊啲幫殘疾人士嘅籌款。由於上網都睇過有好多呢啲呃錢嘅行徑，我哋冇理太多，耍手擰頭就走。

柏林標榜「特色」咖哩腸
不過覺得冇咩特別

我覺得同平時食到嘅差唔多，反而係飲咗支玻璃裝汽水，支汽水比平時香港飲嘅夠氣好多

諗下又真係未飲過玻璃裝汽水咁要試下
街邊一係飲啤酒 或者買咖啡

我地係買飛之前有做過少少Research，知道如果真係要睇曬全部博物館嘅話起碼要用2日Full Day先睇得曬，但係我地係柏林嘅時間只係3日2夜，而去博物館嗰日已經係柏林嘅Day 2，所以最後建基於一個台灣Blogger 做嘅review同comparision，揀咗2個最有興趣同埋俾外界形容係必去博物館，分別係Alte Nationalgalerie(舊國家畫廊)同埋Pergamonmuseum （佩加蒙博物館）。

Ticket係官網book嘅，book之前要揀定係邊個時段入場，同埋時段分得相對比較細，限制比較多，唔肯定係咪德國人性格同文化，因為之前係捷克同奧地利book入場free好多，例如可以幾日內任入場/ 一年內入一次等等，去得多歐洲嘅巴打可以Share下。

因為我地比較遲book，加上佩加蒙博物館比較full，所以得返15:30打後嘅時段可以揀，我地最後就決定book 13:30嘅Alte Nationalgalerie同埋15:45嘅Pergamonmuseum。

Pergamonmuseum應該係最多人慕名而去
但揀時段入場 又未必同多人去有關
德國網上買飛是咁的但自己大多數會去售票處買 覺得彈性啲

諗起係荷蘭冇即場售票 要預先上網買 同樣都係要揀時段

岩岩係布拉格飛返黎

我 慕尼黑-維也納-布拉格

當然有去CK小鎮同 Hallstatt

Alte Nationalgalerie主要展出柏林國立博物館的古典主義、浪漫主義、畢德麥德、印象主義及早期現代主義藝術作品。1999年，該博物館作為博物館島的一部分被聯合國教科文組織列入世界遺產 -- 維基百科

呢個博物館好就好在規劃得好清晰，基本上就得一條路，一入去嗰層除咗畫之外，仲有擺以希臘神話天神嘅雕像，包括比較著名嘅主題Psyche 偷睇Cupid (Eros)個樣，Aphrodite & Eros，同埋之後慢慢上去就淨係睇畫。


Psyche & Eros


Aphrodite & Eros驚被Bam所以唔Post圖，大家有興趣可以上網搵。

呢個博物館仲有擺咗唔少阿道夫嘅作品，可以俾大家欣賞下。

阿道夫·弗里德利希·艾爾德曼·馮·門採爾（德語：Adolph Friedrich Erdmann von Menzel，1815年12月8日—1905年2月9日）是德國油畫家和版畫家。他與卡斯帕·大衛·弗里德里希一起被認為是19世紀最傑出的兩位德國畫家，也是他那個時代德國最成功的藝術家之一。他最初被名為阿道夫·門採爾，直到1898年被封為騎士，才更名為阿道夫·馮·門採爾。 -- 維基百科



我哋行行吓，入咗一間房，對比起博物館嘅裝修舊好多都有歷史嘅痕跡，之後見到入邊嘅展品先知道原來呢個係原本博物館嘅一部份，原本嘅Alte Nationalgalerie因為打仗所以俾人炸咗，戰後雖然重建返，但係保留咗原本未被炸毀嘅一部分去擺當年嘅設計圖同歷史。其實都幾欣賞重建嘅工程師有呢個諗法，入去嗰下見到戰後嘅對比係有少少衝擊。



慢慢我哋上到最高嗰層睇曬全部畫。之後我地去博物館入面嘅Book Store 見到佢有出到書係介紹曬所有Alte Nationalgalerie嘅收藏品，由畫家生平到作品，好想買，但係得德文版，英文版唔記得係冇出定係Sold Out買唔到。如果大家見到有可以同我講聲