夏天14日中歐遊記（多圖）

香港人乜都要賺到盡

丹麥其實冇咩嘢睇
去北歐不如去挪瑞芬好過

港豬係咁

個人覺得第一次歐遊 初探幾個主要城市 咁嘅行程好正路
樓上嗰啲人 係咪次次去親都幾個月

利申 去歐洲超過廿次 舊年去咗4個月
今年走馬看花得三個星期咋

有上城堡 但冇買飛入去
主要係沿城牆可以睇城市景色

出年去德國睇歐國盃，睇下柏林幕尼黑有咩玩

其實咁講冇意思，台灣可以玩一個月，日本夠玩三個月，你會唔會話人地去一個星期係好短好辛苦？

每個人都有自己想去睇既地方，你柏林去其他德國城市遠過布拉格，唔通又唔會辛苦既？

睇你鍾意同有興趣咩嘢
鍾意車嘅就去寶馬博物館
鍾意近代史 去統帥堂Feldherrnhalle一帶
NS-Dokumentationszentrum München (納粹史)
鍾意天然景色 去國王湖
又要睇景又要歷史 去鷹巢

鷹巢難唔難去

岩岩重睇雷霆傘兵就想去睇下

德鐵搭到去Berchtesgaden 之後搭纜車再轉巴士
(巴士係強制要搭 買咗介紹鷹巢本書 睇完就知點解)
可以一日來回

巴打睇波係咪安聯球場?
本身安聯有球場tour 唔知比賽期間仲有冇
奧運公園體體育場都值得一去 幾靚 同埋體育場係以前1860慕尼黑嘅主場
漏咗介紹蘇台德博物館Sudetendeutsches Museum
覺得內容同展示方面都做得好好

正wo,必去，多謝分享


慕尼黑D賽事係安聯球場，我都鍾意西史，一二戰緊加正

如果一二戰 慕尼黑唔算太多 有之前講嗰啲景點/博物館
近慕尼黑如有時間去紐倫堡 就有黨代大會會場 同埋紐倫堡審判法院

最正同戰史有關 德累斯頓 有國防軍博物館
柏林 有蘇德博物館 (東線) 盟軍博物館仲有軍官鎮Zossen 同柏林戰役嘅開端Seelow Heights

鷹巢 都幾近 薩爾斯堡,果到出發應該方便D?

用德鐵 DB app睇應該係嘅
一樣要轉車但時間少啲
我記得嗰架BRB S4係單軌 (德國啲鄉郊間中係單軌)

去完城堡之後，就坐電車轉巴士去動物園，入去之前食左個麥當勞。個包同香港一樣都係好唔精神，不過餐可以免費轉沙律


動物園非常大，有好多唔同區同動物，入面既指示都好清晰，跟住黎行唔會行錯。

主角 - 北極熊，嚟緊佢哋會搬大屋


好可愛既蝙蝠耳狐狸


狐獴


大笨象


猩猩


長頸鹿


黑底白間既斑馬


好進取既野豬


獅子


見唔到肌肉既袋鼠


最驚嚇係連美洲甲由都當係展品，仲有埋介紹，不過無圖因為見到個刻嚇到走左

嚇死我，我以為樓主你去到都柏林

第三日既晚餐係其中一餐最好食既，去到見到滿座諗住無得食，但都等左陣，大概15分鐘竟然有位

牛豬雞雜扒——啲肉grill得好香又大份，好好食


芝士焗薯仔有好多隻芝士，好濃既芝士非常夾薯仔

Restaurace Mlejnice
http://restaurace-mlejnice.cz


食完晚餐見就快黃昏，就去左查理大橋睇日落景，個陣天氣涼涼地，有乾爽既微風，好適合飯後散步

影左一陣相，便意愈黎愈濃烈，即刻翻去屙屎


~第三日完~

第四日——船河+坐火車去維也納，預到歐洲第一個意外

《第四日——布拉格船河+初到維也納》

呢日係今次喺布拉格最後既一日，朝早買左啲手信同紀念品之後，就出發去預先book咗嘅船河。我地係喺tripadvisor book既，operator 叫Prague Boats。



上船會有杯welcome drink，因為我唔係好飲酒，所以覺得杯酒都幾難入口

隻船都幾大隻，大概有20枱。船中間係餐枱，船尾就係食物供應區同廚房。


上船之後會有waiter 拎menu比你，咁一如既往都係叫lemonade，呢杯好清新

觀光船會沿住Vltava River 行走，可以欣賞到兩岸既景色。呢個午餐係用buffet形式嘅，食物質素還可以，豬牛菜甜品樣樣有啲，主要都係食個景。


一路食嘢會有真人音樂伴奏，有位一邊演奏手風琴一路搞氣氛，會問你喺邊度黎，然後再彈相應既歌。佢雖然唔識香港既歌，但知道香港thank you係「多謝」。

成個感覺都好寫意，2個鐘既行程慢慢感受下氣氛chill下。整體黎講海上面都幾大風所以唔熱，可以沿岸環繞一圈係離開布拉格之前一個好好既總結。

Prague Boats - 可以睇翻行程同package
https://www.tripadvisor.com.hk/Attraction_Review-g274707-d5570527-Reviews-Prague_Boats-Prague_Bohemia.html

船河之後就要離開布拉格，寫翻少少對呢個地方既感想先。

我覺得呢個地方比我既感覺好寫意，好適合渡假既地方。作為一個遊客最想就係趁假期放鬆一下，所以周邊既氣氛好重要。

行街既時候，望到附近既人都好開心，同身邊既人有講有笑，你會覺得佢地係由心而發咁享受。望到佢地既小朋友笑得好燦爛，周圍望周圍走，係我喺香港好少見到既。

就係因為咁，老婆同我喺呢幾個歐洲地方，最鍾意就係布拉格

BMW Museum正

巴打你點攞假

以前做嘅工 多大假 夾埋啲補假
一年可以去夠兩次 每次兩個星期

前年劈炮唔撈 跟著去咗兩個月 返嚟抖陣舊年再去四個月
而家份工冇咁多假 去三個星期係用晒啲假但公司話可以攞no pay