夏天14日中歐遊記（多圖）

本身有諗，但柏林我一定要去，因為要搭埋舊巴士

其實揀時段冇乜所謂，容易plan

你地渣車？

無

Ck小鎮有無住一晚 可否分享下邊間？

CK 冇住Hallstatt 有

嗰晚我哋去咗呢一間餐廳食

Restauration 1840 Berlin-Mitte
https://www.berlin-1840.de

呢間餐廳環境非常之舒服，嘢食都唔錯，我哋叫咗一份長通粉同一份豬手，個人嚟講唔係咁鍾意食豬手，但味道都唔錯，薯蓉就好香好好味。而長通粉味道好濃，好重芝士味。

我哋另外仲嗌咗佢特別嘅Lemonade，本身以為係杯裝，點知原來好似啤酒樽咁，我仲差啲以為又唔小心叫錯咗酒


食完之後我哋就返咗酒店休息。第二朝我哋就一早出發去慕尼黑，我哋喺中歐嘅最後一站。

《第九日——前往慕尼黑》

呢一日我哋一早起身之後就去咗酒店附近一間coffee shop食早餐，未到就真係冇乜特別，係勝在可以體驗吓外國人嘅chill


食完早餐之後我哋就出發去慕尼黑，我哋今次錯嘅係德國DB火車，喺柏林火車站上車嘅。柏林火車站非常大，如果大家之後要去嗰度上車嘅話都記住提早去。好好彩我哋今次冇遇到啲突然轉月台嘅情況。


車程大概係三至四個鐘，中間有少少嘅delay，但影響都唔大。


到咗慕尼黑之後我哋第一件事就返酒店放低行李。我哋住嘅呢間酒店係同維也納嘅同一個集團，但呢間就舊好多。房入邊有啲我諗唔透嘅設備，就係佢盞綠色嘅氣氛燈，感覺唔太良好。


Flemings Hotel München-City
https://www.flemings-hotels.com

喺酒店玩完盞氣氛燈之後，我哋就出去行一陣同埋食晚飯。

我哋第一站去嘅就係卡爾廣場，喺由酒店行去卡爾廣場嘅途中，我哋見到一間好唔起眼嘅Gelato店，呢間舖頭好好食。


食完之後，我哋就經過卡爾門行去行人購物區。


我哋周圍行咗一陣，但因為都開始夜，所以就搵嘢食先。呢間餐廳服務同嘢食都真係麻麻，但裝修係幾靚嘅。


食完嘢之後我哋再周圍行一陣，呢度可以話我喺歐洲呢幾個地點買得最多嘢嘅地方，鞋、衫都有好多鋪頭，好彩唔鍾意名牌，如果唔係跌得更加多錢。最後買咗兩至三袋，但其實未行晒，所以我哋臨上機之前嗰一日都有再嚟。

行完街都開始天黑，我哋就返酒店。

Flamings住過法蘭克福車站旁聽嗰間
入到去先知唔可以用現金

*旁邊

我哋喺維也納住嗰間又唔錯，但呢間真係好舊，感覺上係澳門啲狗酒店嘅feel，最慘係佢盞燈，又黃又綠咁都唔知想點，間房又唔光猛。佢係舊到仲有連房設計嗰啲style。

喺最後嗰一晚，我臨瞓前忽然間見到連房度房門門柄郁左一下，嗰刻真係驚呆。

舊酒店

但係污唔污糟?
舊年試過係斯圖加特 住一間酒店30幾歐一晚 超勁舊以為係鬼酒店
入夜後見幾多人入住 普通白人遊客樣

唔污糟，佢其實叫高級，但舊啲咁解

德國有啲酒店真係好舊 住過啲係木樓梯 木地板 地下踩落去嘎嘎聲陳設好80年代或更早feel
不過廁所就翻新咗嘅

Live咗，除咗柏林其他4個城市都去過，但冇入博物館，一嚟跟團二嚟對藝術冇乜興趣，所以睇嘅嘢完全唔同好新鮮

Plan緊下次會返呢3個國家去埋之前未去過嘅地方，再加波蘭柏林睇二戰嘢

順帶一提，我地係Gelato店叫左幾種味，其中一種係薄荷朱古力，係我食過最好食既，有薄荷既清新但又唔會搞到牙膏咁

NH真係好正

跟團會唔會好chur

唔會，反而去啲景點冇咁齊就真，唔同團唔同玩法但一定唔會同你去晒啲景點，所以要自由行返去補底

《第十日——新天鵝堡》

喺第10日我哋就安排咗去新天鵝堡，但係其實佢嘅車票我哋只係前兩日喺柏林度訂嘅。最主要原因係諗唔到慕尼黑，有啲乜嘢地方係可以去（我哋對啤酒都冇乜興趣）。所以就去睇吓傳說中迪士尼城堡嘅雛形。

嗰日我哋一早就去慕尼黑火車站隔離嘅長途巴士站去坐Flix bus。由於太遲起身嘅關係，我哋差啲走咗車，好彩最後都趕得切。


Flix Bus
https://shop.flixbus.com/search?departureCity=de555064-28a3-4573-8c85-e107df585448&arrivalCity=40d901a5-8646-11e6-9066-549f350fcb0c&route=新天鹅堡-慕尼黑&rideDate=19.11.2023&backRideDate=19.11.2023&adult=1&_locale=zh_US&backRide=1&features%5Bfeature.enable_distribusion%5D=1&features%5Bfeature.train_cities_only%5D=0&features%5Bfeature.auto_update_disabled%5D=0&features%5Bfeature.webc_search_station_suggestions_enabled%5D=0&features%5Bfeature.darken_page%5D=1

全程車大概兩個鐘頭，落車嘅地點係新天鵝堡嘅車站。一落車就會見到遊客觀光站。沿着斜路上右手邊會有一啲嘅餐廳同店舖，穿過晒呢啲舖頭之後就會見到阿爾卑斯湖。呢個湖嘅景色真係好靚，但由於嗰日天朗氣清，所以都有啲曬。太陽直接射落嚟都有啲熱。


享受完湖光山色之後，我哋就去巴伐利亞國王博物館。呢個博物館唔算好大，但環境好舒服。顧名思義，呢個博物館都係講緊巴伐利亞國王嘅歷史。
https://en.fuessen.de

行完博物館之後我哋就去食午餐。嗰度嘅餐廳就喺門口行入嚟嗰條直路，我哋是但搵咗一間有位嘅餐廳食。入邊食嘅嘢可以話係高質嘅茶記。



雖然話係茶記，但正正就係比較適合我哋嘅口味，所以我對呢餐嘅評價係相當正面嘅。我記得佢個蕃茄湯好甜好好飲，再加埋佢上面啲cream昇華咗成個湯。個意粉就一般，個雞扒飯就真係好似香港茶記，但係雞扒係幾嫩嘅。

Ludwigs Stüberl
https://maps.app.goo.gl/QJxzWU2JMwCmzccSA?g_st=ic