(LIVE) (AV女優 Event遊記) 喺東京逗留一個月，可以見到幾多個女優？

呢間真係好食

啱啱入嚟未追曬post
想問東寶巴聽日會唔會去見野々浦暖?
我都好想去佢啲event
去嘅話可唔可以影多d靚相比我睇

嗌兩杯生啤+10串 先3000幾円

近水留台 去睇下有無 我次次都係果到買
有無一pack pack就唔知 但就一定夠你簽

乜天海翼依家係咁既樣

敬請期待雖然我未買飛

香港夠細易行易排隊

過兩日去睇下先

期待東寶巴嘅靚相想拎嚟做wallpaper
之前我去日本都有參加過幾個event
都係睇完東寶巴嘅遊記post先有勇氣去 多謝你
希望自己嚟緊都可以好似你去咁多女優event

拎event相做wallpaper絕對係goodest idea我個wallpaper folder 已經儲咗千幾張相

今轉去完應該過2千

好奇問下東寶巴，識唔識中指通

唔識

我見玩一場好似都係幾舊水,仲有合照簽名相,低玩過追日韓歌手明星見面會,不過影相時間係咪好短咋?
見識到另類追星都幾過引

東寶巴有冇見過鷲尾 めい
印象中佢好似冇咩海外活動

睇你買幾多隻碟，通常買到最多3隻嘅話影相時間都有45秒至1分鐘左右

鷲尾めい係一個連twitter同IG都唔開嘅AV女優要佢出活動基本上冇可能

今年1月我有去佢嘅寫真展，不過太遲去買唔到合照劵

由禮拜二開始連續兩日半都冇event啱去於是就決定買張最近加咗價嘅JR東京廣域周遊券，喺呢三日去遠啲嘅地方睇下



第一日計劃去嘅地方係去日光影紅葉，每日只有一班新幹線由新宿出發直達日光，出返嚟東京亦都只有一班喺下晝2點左右嘅班次所以如果諗住玩到好夜先走嘅話，就只可以選擇轉車轉到頭都暈埋嘅方式返東京

除咗日光之外，離日光大概45分鐘車程有一個地方叫鬼怒川温泉，入面有一條好出名嘅吊橋我都想去睇下於是當日嘅行程就係喺日光影完紅葉之後，就過去鬼怒川温泉影吊橋，再喺嗰度坐最後一班車返嚟東京。

喺新宿上車坐咗兩個幾鐘頭終於到達目的地東武日光駅



喺車站出面有唔同嘅巴士去日光嘅各個景點，第一站係上去離車站有概15分鐘車程嘅二荒山神社:




（連添香油都可以電子支付）

而喺二荒山神社旁邊，就係東照宮同埋輪王寺，三個景點合稱「二社一寺」：

參觀完寺廟拜完神之後就可以選擇沿路行路行返落車站，沿途可以睇到好多好靚嘅風景:



（喺香港好似永遠都睇唔到呢種會令人心情變好嘅藍天白雲。）

行到落車站大概需要30分鐘，喺附近食咗個鰻魚飯，就搭另一架巴士開始上山沿途會經過玩過頭文字D街機嘅朋友一定識嘅いろは坂，係上山同落山嘅必經之路:

又搭咗一個鐘頭巴士，最後終於嚟到目的地，竜頭の滝:



竜頭の滝啱啱好最近就係紅葉盛開嘅時間，由落車嗰刻開始，周圍都見到紅葉嘅蹤影:



喺山上面只係逗留咗一個鐘頭左右就去等巴士落山因為落山都要唔少時間，而且巴士只要一滿人就唔會停站俾人再上車，直至有人㩒鐘落車為止，所以大家如果有機會去嘅話，一定要預早時間落山同埋要有等幾班巴士先上到車嘅心理準備

呢啲地方唔係自己揸車嚟其實真係好唔方便

喺落山嘅過程，我諗成架巴士入面只有我一個人會對住嗰廿幾個髮夾灣係會覺得好興奮完完全全就係玩頭文字D街機嗰陣見到嘅場景，邊個位可以跳崖，邊個位過灣之前仲有段S路，全部記憶都返晒嚟

今次只係搭巴士體驗落山嘅過程，但沿途嘅路段加埋景色真係好靚，有機會真係要試下自駕遊落山。


（架巴士未開始落山就已經滿晒人。）

落到山都已經係接近6點，天都已經黑晒，出發去鬼怒川温泉嘅電車要等45分鐘，1930先至到達鬼怒川温泉，而尾班車返去東京係2029開出即係話我逗留喺鬼怒川温泉嘅時間只有短短嘅一個鐘頭



呢個時間基本上都冇咩遊客會再入去呢啲鬼地方，所以搭車嘅人多數都係當地嘅居民，沿途經過嘅車站都係非常冷清:




終於嚟到鬼怒川温泉駅，即刻用9秒9嘅速度行過去條吊橋度，因為來回都要接近20分鐘一陣趕唔切返嚟就冇車返東京

呢一條就係傳說中有啲靈異嘅鬼怒楯岩大吊橋:






全條吊橋大概只有100米唔夠，好快就行到去對面，但因為夜晚真係完全冇燈，只可以自己開住電筒慢慢行。

咁夜撞到唔理係人又好定係鬼都好，都咪話唔驚


（行去吊橋沿途都係咁嘅「景色」，但喺吊橋附近反而有好多酒店。）

然後就係回程，我需要轉4程嘅火車先返到民宿附近:


（呢個即係宇都宮站。）


最後是日10點幾先食嘅靚晚係松屋嘅麻婆豆腐燒牛肉套餐

今晚寫住咁多先聽日要早起身搭車