(LIVE) (AV女優 Event遊記) 喺東京逗留一個月，可以見到幾多個女優？

大家好我係喺東京感受緊乾燥天氣嘅新東寶

長話儘量短說，今次一個月嘅東京之旅其實本來唔係咁長，本來11月只係諗住嚟東京參加葵つかさ(葵司)嘅寫真展活動，點知無端端又話10月中佢會有個年曆嘅event可以參加，結果又買多程10月中嘅機票

呢兩個旅程中間相差只有九日，本來計劃係諗住返嚟開九日工賺返啲旅費，點知10月中旬到下旬呢段時間啲event多到不得了，真係接近每一日都可以去秋葉原見AV女優，最後都係決定改機票，將原定10月中嗰程機票改到11月中先返嚟，而原定11月嘅機票就改到出年再算

於是，我就開始我喺東京一個月嘅逗留之旅，亦係我咁大個仔離開屋企最耐嘅一次 於是就諗，如果我去完一個月返嚟先寫遊記，應該有排寫，亦都會有好多嘢會唔記得所以索性今次就試下用一個LIVE嘅方式，我會嘗試每兩三日update一次呢幾日去咗咩event，見咗邊個女優，食嘢嗰方面就一定冇可能每餐都咁精彩，會淨係po啲特別嘅上嚟同大家分享真係冇event啱去嘅日子，除咗休息之外我都會周圍行下睇下風景，今次都想影到紅葉，唔知得唔得呢

照舊喇有啲相因為規則問題唔俾po嘅話，我會用返女優當日貼喺Twitter嘅Event相嚟做個reference，希望大家諒解

到底呢一個月我會見到幾多個女優，我都唔知，因為啲event仲未公佈哂不過你留名跟進一定冇蝕底準備出發，一齊同我見證今次喺東京足足一個月嘅AV女優event之旅


（一年淨係得一兩次機會見到佢嘅麻煩女人）

出發前嘅循例立牌相：



唔經唔覺開咗關都已經有一年，對上一次見葵司已經係上年10月嘅事，葵司嘅活動一年只有一兩次，錯過咗就要等下年，一個唔好彩佢宣布引退嘅話可能以後想見都冇得見，所以可以去到嘅話我都會儘量去

今次住嘅地方係東京荒川區町屋入面嘅一間民宿，32晚都係5千蚊港紙左右，有自己獨立房，廚房同廁所共用，但暫時入住嘅人都唔多，所以都冇出現爭廁所用嘅問題



俾大家睇一睇我呢一個月嘅狗竇：


（因為想方便做嘢，索性帶埋屋企部mac min加多個便攜屏同keyboard過嚟開工我知你想問咩，但我冇macbook行李又有位所以就索性成套gear拎過嚟）

去一個月嘅旅行，同去幾日旅行之間最大嘅分別，應該就係心態上嘅唔同，例如今次stay一個月，我可以買多啲糧食擺喺房都唔驚食唔哂會嘥：



（行去最近嘅超市都係幾分鐘，所以都唔駛一次過買太多。）

LM 最鐘意就係睇樓主啲遊記

到埗嘅時候已經係夜晚，買埋糧食返嚟安頓好啲嘢之後都已經差唔多零晨2點，第二朝瞓醒先落去秋葉原開始買今次要去嘅event飛：



由我住嘅民宿出發，要步行大概十分鐘先到町屋地鐵站，坐一個站去北千住再轉日比谷線就去到秋葉原，成個過程大概係40分鐘而我差唔多每日都要落去一次


（繼續用我最鐘意用嘅東京地鐵三日通票。）


（呢度只係部份event，有啲要等到十月尾先開始販售，到時又要捕住幾時開賣）

下晝就簡簡單單，食一個賣相同味道都係普普通通嘅魚生飯：

有錢就上得
仲扮上菜搞攝影會

今日只有一場event啱玩，見嘅就係仍然幾打得嘅天海つばさ（天海翼），天海つばさ嘅event同其他人有少少唔同，合照同簽名係獨立分開賣，合照劵係¥1500，而簽名嘅專用色紙係¥1000 。


（仲有另一樣唔同嘅係可以買兩分鐘嘅特長時間攝影劵，平時其他女優都係影一分鐘就完。）

配合返臨近萬聖節，天海つばさ今日嘅係偏向恐怖風(?)嘅cosplay：






另外呢個場地有張細梳化，影到咁上下天海つばさ就會過去嗰邊俾你影：







整體嚟講今次天海つばさ嘅狀態都比我上一次6月嚟嗰陣更好擺pose依舊係咁專業，不愧係Ideapocket嘅老臣子

傾計嘅時候：

：天海小姐你好，我想同你講上次你介紹我去食嗰間烏冬好好食。（詳情請睇返6月嘅遊記。）
：好食呢！？好好食吖可！？我係超鐘意食呢間烏冬
：係呢，仲有冇其他餐廳可以推薦我去試下？
：有係有嘅，er...嗯...（諗咗一陣），不如你俾個方向我，想食燒肉、拉麵定係其他？
：咁...就燒肉啦！
：燒肉！有！你可以去呢間試下！呢一間係喺成個AV業界都好出名！

呢間燒肉到底係咪真係咁好食呢？我係仲未去嘅，去完再返嚟report俾大家聽

合照同簽名：


（一直可以見到你真係好幸福！好開心！by 天海つばさ）

去完event之後，就約咗一位又係咁啱呢段時間過嚟東京玩嘅台灣朋友，喺惠比壽食飯：


（二代目 恵比寿 ビヤホール 東京都渋谷区恵比寿西1-7-15 エビスKATOHビル 1F）

係一間幾出名食炸雞嘅鋪頭，我地當然唔會錯過，但食落感覺上幾一般：





食完都唔係幾夠飽，於是又去後面街搵另一間拉麵嚟食：


（らぁめん冠尾 東京都渋谷区恵比寿西1-7-11 鈴木ビル 1F）




我嗌嘅係一碗純白湯嘅拉麵，台灣朋友嗌嘅係清白湯，純白湯一啲都唔咸，味道幾好一碗都係¥900:




然後食飽飽就結束今日嘅行程，返民宿開始打呢篇遊記了

32晚都係5千蚊港紙左右

你可以去我隔離ok度

雖然我唔追女優
但係支持特色遊記

喺東京嘅第一個weekend，今日要去見三個女優，首先嚟個有麥當勞嘅Good morning：



（日本版嘅照燒雞腿飽。）

第一個見嘅女優係SOD Star嘅星乃莉子，係上年出道嘅準新人，相比起同期出道亦都紅好多嘅小湊みつ葉，我自己更加睇好星乃莉子有少少紗倉まな嘅感覺之餘，作品都比較實用



因為係寫真集嘅活動嚟，所以係喺秋葉原嘅書泉度搞：






比較有趣係影合照嘅時候，staff整緊部即影即有相機：

Staff: 唔好意思，麻煩等多一陣。
：等多一陣，好吖！（佢橋住我隻手，拎對波係咁磨我手臂。）
：（我完全唔敢郁）

總之就係一個相當熱情同主動嘅女優，影相嗰陣佢見到我部相機有隻公仔，會主動帶起個話題，有唔少女優係唔識點樣開話題，特別係對住外國人，搞到好多時間都係同班毒撚你眼望我眼星乃莉子有呢個主動真係相當唔錯未來可期

之後就去見一個啱啱出道冇耐嘅新人，今年10月3號先至出道，佢叫三浜唯：


MIDV-484 新人 まだ‘可愛くなる方法’を知らない未完成原石AVデビュー 三浜唯

片商係用「未完成原石」嚟形容，睇封面都feel到係一個好有「素人感」嘅新人，樣可能比較普通，但都有唔少人唔鐘意偶像樣，偏向鐘意呢啲貼地少少嘅新人素人女優：







合照係咁樣嘅：




除咗笑起上嚟嘅時候連對眼都識笑之外，佢個樣仲俾我有少少上原亞衣嘅感覺，唔知係咪就係因為咁樣先簽佢，因為咁啱佢同上原亞衣都係同一間事務所

今次都係我第一次參加一個新人嘅出道event，staff明顯會照顧多啲，喺deadair嘅時候會幫手開下話題；三浜唯本人都識少少英文，傾計嘅時候我地兩個就變咗日英夾雜：

：頭先一直睇到你同其他FANS傾計，笑得好開心同好大聲！
：哈哈！係吖！Big voice！
：三浜唯小姐都識講英文？
：識少少，唔係話好好
：我日文都係識少少大家都係一樣


（多謝你嚟我嘅出道event！跟住落嚟都請你繼續支持我！by 三浜唯）

係咪唔會露點的？

之後就係呢個weekend嘅重頭戲之一，去見而家AV業界嘅當紅美少女，石川澪




出道唔夠兩年Twitter已經有60萬followers，除咗身材同港女一樣真係貪乳之外，基本上係偶像級數嘅美少女AV女優 平時嘅預售會event一票難求，今次難得有只要排隊就有得玩嘅即售會，當然唔可以錯過

活動係1700開始，我1710去到現場，人龍已經由2樓排到落地下：


（左邊紅磚色嗰幢嘢就係會場）

就算排到上去2樓，都仲要繼續排多30-40人先到：



最後足足排咗兩個半接近三個鐘頭，先至輪到我入去影

Strong post leave name

但都係值得，因為石川澪本人真係好可愛：









合照當然唔少得我嘅招牌拖手pose：




（第一輪差唔多到我嘅時候，主持人問排頭嘅我哋可唔可以俾個趕坐尾班火車嘅FANS打尖，我冇聽錯嘅話好似係喺仙台過嚟
最搞笑係大家話OK俾佢排頭位之後，主持人搭住佢膊頭同佢講，今日你唔係最遠嗰個，排你後面係喺香港嚟）

有冇打飛機先

即售會嘅玩法就係只要你喺截龍時間之前買到飛排到隊，就可以任loop，今次截龍時間係2000，最後我玩完第一輪之後，趕得切喺1957落返嚟樓下繼續排隊，我係條人龍嘅最後第四個人

然後又排多兩個幾鐘去影第二輪：




因為佢同香水じゅん係好朋友，所以我走去專登開張香水嘅相出嚟影張三個人嘅「大合照」：





真係連我都忍唔住要講呢句點解一個咁靚嘅女仔好地地要走嚟拍AV


（當日靚晚係鰻魚牛飯加大；喺秋葉原送埋石川澪上車，走人嘅時候已經係11點，食埋飯最後返到民宿係12點幾）

禮拜日繼續馬不停蹄咁去event，今日一朝早起身就落雨，氣溫又再跌多一兩度：




喺秋葉原匆匆忙忙食咗個咖喱飯之後，就出發去今日嘅第一個AV女優event，第一個見嘅係SOD Star嘅青空ひかり（青空光）：



今年係佢嘅出道4週年，佢班忠心FANS喺會場有整一塊留言板，俾今日嚟event嘅FANS寫幾句嘢俾佢，仲送埋花，非常有heart



青空光我都係第一次見真人，非常之Gfable，係嗰種你覺得有佢做女朋友嘅話每日都會過得好開心嘅女仔：







合照只有一張，就唔玩拖手仔了：



傾計嘅時候：

：青空小姐恭喜你出道四週年！
：多謝！你日文講得好好。
：我淨係識呢幾句架喳青空小姐你好有女朋友嘅感覺，係香港男仔會鐘意嘅類型
：真係嘅！？聽到你咁講搞到我紅都臉哂
：同埋希望會有一日見到你有海外嘅event，香港又好台灣又好。
：我都想有，所以...（望向身邊嘅經理人）
經理人：

世事嘅嘢就係咁，有啲AV女優發夢都想出國，有啲就寧願留喺日本搵舒服錢只能夠講女優爬山各自努力啦



（青空光同Julia、時田亞美、本庄鈴同一間事務所，所以玩得好埋，幾個女優有個group叫做「東京家族」。）


（青空光個簽名花到我都分唔到邊個先係佢個簽名）

之後去見嘅呢個應該唔多人留意，佢叫二葉エマ（二葉惠麻），最近由Ideapocket轉會去咗Attackers：


SAME-070 母親の再婚相手のオジサンに毎日レ●プされています。 二葉エマ

二葉嘅特點係細粒得嚟肥肥地，應該都啱某啲朋友嘅口味除此之外就係佢同另一個女優架乃ゆら（架乃由羅）真係好似樣：







合照繼續例牌：





至於傾計呢：

：二葉小姐你好，今日法國你同架乃真係好似樣。
：好多人都咁講，但我地兩個真係完全冇血緣關係！
：同埋最近你轉咗會去Attackers之後，好多都係劇情片，睇到你演技好嘅一面！
：真係嘅！咁就好喇！

Attackers喺我心目中一直都係磨練女優演技嘅好地方嚟，好似明里つむぎ咁樣，都係去咗Attackers之後演技就進步咗唔少，雖然過到去好多時拍親都係強暴片會辛苦啲，但好多女優都係捱過咗就飛黃騰達

希望二葉都會有個好嘅將來啦


（仲有一個冷知識：二葉係因為鐘意桃乃木所以先入行，仲要專登揀返同佢同一間事務所。）


（多謝你今日帶嚟嘅愛！日文講得好好！希望以後可以繼續同你傾更加多嘢！by 二葉エマ）

跟住呢個我諗好多人會skip走，我亦都唔介意收大家嘅負皮，因為佢叫深田えいみ（深田詠美）：


（頂佢個肺仲要買4隻碟先有合照影相時間又得嗰20秒垃圾FALENO）

自從上次去完TRE之後遠距離見過真人之後，發現深田其實冇想像中咁膠，當然都唔能夠稱多上係好好睇但起碼唔算去到好差先啦







But anyway深田幾時都係一個顯示現代科技有幾先進嘅產物

之後呢個係之前見過一次嘅Prestige專屬女優，美ノ嶋めぐみ（美之嶋惠理）:





（今次影唔到我好鐘意佢綁嘅馬尾髮型，有啲可惜。）

例牌合照：



依然係純過蒸餾水嘅感覺今次第二次見就發現美ノ嶋皮膚其實好好，雖然唔係好似香水同石川咁又白又滑，但起碼冇乜班冇乜月球坑，不過喺Prestige入面佢算係比較斯文嘅女優，真係有啲難突圍



（簽名嗰時我同佢講上次已經覺得佢個簽名好得意，佢話係係佢由個日文名めぐみ > 跟住用ぐるぐる個る，咁樣諗出嚟，跟住佢仲問我蝸牛喺香港係點讀但日本人好似發唔到呢兩個音）

今日嘅最後一個event，亦係一年一度每年我唯一一個唔可以俾自己miss嘅event，葵つかさ（葵司）喺書泉搞嘅年曆活動：




喺成人台成日都咁講：AV女優生涯其實好短暫，有鐘意嘅女優，有佢嘅活動，自己又負擔到行得開嘅話，去到就儘量去，免得將來自己會後悔

追AV女優呢件事本身已經好on9， 追一個咁少活動嘅女優就更加係至撚on9， 但俾我重頭揀多次嘅話：

我都係會將葵司擺喺第一位。






一年冇見，佢仲認得我係嗰個鐘意佢同飛鳥鈴嘅傻仔，佢仲話見到我喺Twitter IG俾佢嘅留言，夠喇，對於我嚟講咁就夠，呢一年再攰再辛苦都係值得


（呢一場合照只可以影即影即有相，同埋拎返件好耐冇著過嘅法披出嚟，好彩仲啱著。）


（今年最後一個目標都達成埋，成功儲齊葵司miru香水三個女優嘅立牌簽名。）

以上就係我呢個weekend參加嘅活動喇當然嚟緊唔會每日都咁多姿多彩啦，主要多event嘅日子都係集中喺weekend，其餘時間就算有event多數都係一日得一個，趕得切嘅就儘量即日or第二日update，趕唔切嘅就遲幾日，weekend就真係想快都快唔到我執相就算hea執都要揀出嚟hea希望大家會體諒

嚟緊一個月，歡迎大家多多指教未完待續

個人覺得樓主衣著好咗好多

支持

多謝支持

入嚟執翻嗰橙先