(LIVE) (AV女優 Event遊記) 喺東京逗留一個月，可以見到幾多個女優？

其實呢樣興趣有咩問題？點解有女朋友就要放棄

係呀

你搵到條女接受到咪得
用下個柒腦都知點解啲女接受唔到啦 忠誠問題嘛
你試下調轉條女日日過去搵男優追 你都「可能」有忠誠問題啦

問唔問題 從來都係一個「相對」嘅字
所以問得「點解係問題」果班都弱智
因為答案就係咁簡單
的確可以唔係問題 但同時都可以係一個問題

大個仔啦 點解細個要你讀書係有原因架
唔讀好書 個柒腦咪開發唔到 咪柒撚懵懵咁囉

呢個暫時都未見過睇其他人影出嚟啲相好似比例唔錯

樓主係私影會買既AV碟係用幾多折轉賣比書店/DVD鋪?

其實賣返俾DVD鋪好麻煩首先唔係每一間碟都俾外國人賣二手碟同埋賣出去個價錢好差得200-300円

樓主返黎肯定肥幾公斤

好似殘左好多咁既

日本賣野 要係日本人/日本居留證

我上次試過搵當地fd幫手先賣到d卡

當體驗下賣卡

樓主見過邊個av女優最靚？

見到真人真係會嘩一聲嘅有好多，暫時覺得真係仙女級嘅係明里つむぎ

明里つむぎ又真係幾有氣質


有冇邊個特別令你失望？

見到真人個樣失望又冇乜好多女優其實都係真人靚啲

喺update遊記之前總結一下先直到19/10為止，暫時一共係參加咗15場event

呢個禮拜六又係忙住去見女優嘅一日，即刻帶大家睇睇情況（東張西望mode）




今日嘅早餐選擇咗喺秋葉原嘅Burger King，因為同一陣嘅event場地好近，食完可以慢慢hea多陣先行過去都唔遲





今日嘅第一場活動係喺書泉舉行，主角係業界嘅其中一個貧乳女優代表，松本いつか（松本一香）




今次呢一場係一個年曆活動，除咗只可以買2 set（一set=1個掛曆+1個枱曆），event嘅限制都比較多，影相只可以影三張合照亦都只有一張：



雖然每次見到松本個樣都有想打佢一拳嘅衝動但喺event同對應呢方面佢係好敬業嘅，每一個FANS都會問對方叫咩名，儘量都會同你傾到幾句計先俾你走，係一個會令人想再去佢event玩嘅女優



：你好吖，我係香港嚟嘅。
：你好（國語），你叫咩名吖？
：我叫新東寶，其實香港我地唔講「你好」（國語），我哋會講你好（廣東話）。
：哦～你好（廣東話）。
：松本小姐學得真係快，唔怪知得喺TRE人氣咁高。
（影完相之後）
：今日真係多謝你。
：辛苦晒喺香港係點講？
：我哋會講「辛苦晒」（廣東話）
：辛苦晒（廣東話）～

教佢講廣東話又幾好玩

之後第二場嘅女優，係我上次去完TRE返嚟之後好多巴打有問我有啲多啲相嘅，乙アリス（乙愛麗絲）。



應該係繼AIKA之後嘅新一代金髮黑皮膚嘅標誌性女優，亦即係業界俗稱嘅「黑Gal」通常呢一類片都唔係嚟唔開痴女系嘅劇本，同埋有時會比較重口味少少，好老實呢一類片我係冇咩興趣睇嘅所以對乙アリス都唔算好熟。

不過今日近距離睇真人，身材其實都相當唔錯：







傾計嗰陣我亦都盡情向佢表達上次喺TRE篇遊記入面，各位巴打對佢嘅喜好：

：乙アリス小姐你好，上次去完TRE返去之後我將我影啲相俾朋友睇，好多人都問我有冇多啲你嘅相。
：吓～～真係嘅？
：係吖，香港嘅FANS都好鐘意你個蘿友，好多人都話覺得好正。
：咁就好喇，其實呢，下年我都會嚟香港出席一個活動。
：真係嘅！？好期待
：暫時都唔公佈得住，到時你哋就知。

鐘意乙アリス嘅朋友，下年就記得留意住喇




（AV之旅真係開心呢，期待出年！by 乙アリス）

跟住呢個女優其實一開始冇諗住參加，因為今日嘅時間有啲趕，去完乙アリス嘅活動之後發現仲趕得切，既然一場嚟到就索性去埋佢，佢係Prestige嘅專屬女優，鈴の家りん（鈴之家鈴）。


（今日第一場活動嘅兔仔cosplay。）

有睇過我上次6月嗰篇遊記嘅朋友，應該會對呢個新新哋嘅女優印象麻麻因為上次佢俾我嘅對應真係好hea，傾計嘅時候亦都開唔到話題，好快脆就完咗，呢個都係我其中一個唔多想再去佢event嘅原因，今次就諗不如俾多次機會佢啦睇下有冇改善都好




（第二場活動嘅水著。）

表情依然係木口木面，擺pose依然係非常生硬，好有時下嗰種踢都唔郁嘅00後嘅感覺最慘係佢轉pose係要用幾秒，明明可以影多幾張相嘅時間，就嘥咗喺佢轉pose嘅過程度，都咪話唔激氣

至於今次傾計有冇進步呢：

：鈴之家小姐你好，上次見你已經係喺橫濱搞event嗰陣喇。
：哦～原來咁耐架嗱。
：今日你呢套兔仔cosplay好襯你，好有萬聖節嘅感覺。
：係吖，因為差唔多到萬聖節吖嘛。
：...
：...

結論就係呢條囡都係冇咩進步下次唔係揀無可揀都唔會再嚟搵佢




（ 又見面了，LOVE，下次再見啦！！by 鈴の家りん）

喺秋葉原玩咗三場event之後，轉場落去渋谷，因為今日有另一場葵司嘅活動，係佢嘅事務所15週年出嘅一本寫真集。




今年已經係連續第三年搞呢個企劃，亦都係最後一年，每年事務所都會揀8個女優出嚟影呢本寫真集，不過話就話8個，其實比較似係另外嗰7個去襯托葵司一個事務所都唔怕做到出晒面，除咗將葵司擺喺Center位之外，啲衫都會寧舍突出啲。

今日呢一場event係喺渋谷TSUTAYA，亦即係好出名嗰個十字路口附近嘅一間CD鋪入面搞：



2018年嘅時候我都有嚟過呢個場地影葵司，當時係佢為數唔多嘅碟活動：



（當年影嘅相。）

今日嚟返同一個場地，排返同一條樓梯，原來唔經唔覺就過咗五年了。





本寫真集都唔平，仲要你買三本攝影時間得10秒，合照有兩張：




：今次嚟日本真係好開心，差唔多可以參加晒所有你嘅活動。
：真係好喇。
：仲有今次都食咗好多好嘢，日本嘅拉麵、燒肉、壽司，全部都好好食。
：哦～仲有天婦羅。
：有吖，我都有去食。（俾啲相佢睇）
：望落好似好好食咁，今日多謝你嚟吖～
：喺寫真展度再見啦～

下次再見就要等到11月嘅事務所寫真展了

本來去完葵司呢個活動之後，我今日嘅日程表就完晒，點知前一晚台灣ptt達人王桑都嚟咗日本，問我今晚會唔會一齊去架乃ゆら嘅一場公開收錄活動：



架乃係一個好鐘意昭和時代嘅女仔，就連去佢event嘅時候，現場播嘅歌都係昭和時期嘅歌，呢一個佢自己嘅個人外景節目就係圍繞住佢呢個興趣做主題，會同佢去一啲舊式嘅景點出外景行下街，係一個好輕鬆嘅清談節目而家好多女優都有拍呢啲節目搵下外快。

至於呢一場公開收錄活動，就係去現場睇呢一集節目，而架乃會喺現場做即時旁述，完咗之後同普通event一樣會有影相、合照、同簽名時間。



呢一類活動都係訓練日文嘅好地方，因為對話內容好多，唔留意住聽就會miss咗啲內容而且仲會有一啲架乃solo talk嘅環節，所以唔識日文去呢啲event嘅話，其實都會幾悶


（所以其實全程我都只係聽得明兩成至三成。）

又係響應萬聖節嘅關係，今日架乃著嘅係疆屍Cosplay：





架乃而家基本上唔會再喺秋葉原搞AV碟嘅活動，所以想見到真人嘅話就只可以嚟呢一類活動，不過都唔駛驚冇機會，因為佢每差唔多一個月都會搞呢類event，而且參加嘅人數好少（我今日呢場計埋我都係得10個），唔駛太擔心搶飛同時間問題


（合照只可以影即影即有）

：Hello架乃小姐，上次見你已經係2019年年尾嗰陣了。
：咁耐架嗱，好耐冇見。
：我有一直留意你喺FANZA House（FANZA嘅Youtube Channel）同埋月ともぐら（一個會請AV女優上去做嘉賓嘅節目）嘅表現
：真係嘅！？多謝你。
：雖然我唔係好聽得明全部內容，不過睇得都好開心。
：哈哈，最緊要係睇樣啫，大家都好可愛。

架乃係一個個腦轉得好快嘅女仔，佢亦都清楚知道以自己嘅條件，喺AV業界冇咩可能做到TOP一線，所以只係每個月拍片嚟「維持」AV女優呢個身份，剩低嘅時間就拍下啲同AV冇太大相關嘅嘢，多方面發展。

架乃絕對係一個醒目女嚟嘅，加油啦

條女著到咁密實, 係咪玩野?!

呢條女身材走晒樣...

終於完晒今日啲活動攰又唔係話好攰，不過全日淨係食咗好少嘢，同埋入夜又開始涷，今次輪到我跟王桑去食好嘢，佢帶咗我去附近嘅一間居酒屋：


（大衆酒バル さけときどきぶた 末広町店 東京都千代田区外神田6-11-17）






今次都係我第一次喺日本食居酒屋，唔多識嗌嘢食嘅關係，都係交俾王桑發板：






主要最好食就係嗰碟豬肝同薯條，豬肝個質感好好，食落去唔會好韌，至於薯條就係最大嘅驚喜，係加咗大蒜落去調味，食到好濃好香口嘅感覺，送酒真係一流最後上枱嘅玉子燒就最啱夜晚咁涷嘅時候食，食完個胃都暖晒。


（然後我哋就相約喺禮拜日活動會場見，至於係邊個？下回分解。）

巴打D衫型左咁多既 終於唔駛比班仆街笑毒男

鬼仔至愛type

有冇見過七澤美亞？

暫時淨係喺TRE 2023離遠見過