(LIVE) (AV女優 Event遊記) 喺東京逗留一個月，可以見到幾多個女優？

架乃ゆら近排好似多左 d 劇情向既 AV？
如果能夠成功轉型實屬好事。

另外請出多 d 飲食相，睇樓主飲飲食食好開心。

架乃而家係S1嘅Drama Queen (S1自己講)，所以應該會keep住大部份片都係劇情向

飲飲食食相未必日日有好似今日咁我連早餐都冇食，直到而家淨係食咗兩個飯團

間唔中都有睇樓主啲post,今次留言支持下

見唔到安達真係可惜
我9月去左 就連唔識日文都同佢講到兩句

葵司：樓主你條友仔，老是常出現
真fans

要學幾耐日文先可以好似巴打咁溝通

中學開始拍拖即係拍拖期間個女友走去拍av?
咁都唔分手 證明係真愛
佢老公好幸福 食到中學時期嘅園田

飯總係要食既…
應該話，就係想睇下有 d 乜野平民既日常美食。

好似舊時中學成日食嗰啲撈冷麵

好撚正喎，真。肉地

LM支持新東巴！

禮拜日又係見AV女優嘅美好的一天今日活動其實唔多只有兩場，但有唔少時間都用咗喺搭車度，所以雖然見嘅女優少，但都係用咗大半日嘅時間

今日第一個見嘅女優係早幾日專登搭車入去東村山買飛嘅涼森れむ（涼森玲夢），活動開始時間係1300，時間上係比較趕，因為咁啱簽名用嘅色紙又用晒，又要去買王桑建議我去啲大型文具鋪一次過買一pack，入面有十塊，我都覺得係一個好方法 唔駛下下都走上去DONKI搵

咁邊度有大型書局呢？王桑就話還掂你都要喺新宿轉車，你就去新宿三町目嘅呢間大型文具鋪度買啦，於是就俾咗個地址我：


（世界堂 東京都新宿区新宿3-1-1 世界堂ビル1F～5F）

由於趕時間嘅關係，我都冇行晒咁多層，呢間大型文具鋪有5層，唔同嘅文具同美術用品都有，因為我亦都唔係熟呢一門嘅留返俾啲藝術方面嘅巴絲打去研究喇


（因為一pack咁買就唔會有獨立嘅包裝袋，所以包裝袋又要另外買，咁樣計返其實同喺DONKI逐塊買嘅價錢差唔多。）

之後就行過去西武新宿搭車入東村山，呢度又用咗半個鐘頭：

去到會場嘅時間啱啱好係1310，活動啱啱開始，今次買夠3隻碟會有埋簽名，平時涼森喺秋葉原嘅活動雖然唔限人數，但唔會有簽名環節，而今次因為係喺啲山旯旮地方，想吸引多啲人參加，所以碟鋪開咗60個簽名名額出嚟

亦都好彩我早幾日有專登入嚟一趟，因為真係有另外59個傻佬好似我咁一早入嚟發劵，喺活動前兩日呢60個名額就已經賣晒：

https://x.com/lammmura/status/1715604682977190142?s=20


今次送俾涼森嘅手信有少少特別，係兩包鱈魚絲，因為聽劍大講佢6月去完台灣之後就鐘意咗食呢樣嘢，所以嗰日喺香港上機之前喺屋企附近超市專登買咗兩包俾佢：


（買呢兩包鱈魚絲之前，我一直以為鱈魚絲同魷魚絲係同一樣嘢嚟）


（試機嗰時影到event場地嘅少少環境，平時簽名嘅時候就係你同個女優一人坐一邊，盡訴心中情。）

話就話係山旯旮地方，但因為涼森喺日本其實都好受歡迎，今日嘅參加人數都係非常多，足足排咗個半鐘頭先至到我，但非常之開心嘅係，涼森佢話認得我


（當日嘅水著係呢套。）



：我認得你吖！
：真係嘅！？會唔會太開心
：喺TRE個錢湯嗰度成日見到你喺度影相。
：係吖，我仲影咗好多你嘅相，一陣簽名嗰陣俾你睇！

好似唔經唔覺，我都已經將涼森排到同葵司差唔多嘅地位。


（不過佢哋兩間事務所而家係世仇關係短期內應該冇咩可能見到佢地會同場）

：涼森小姐恭喜你Twitter突破咗100萬Followers。
：嘻嘻，多謝你。
：呢兩包...（拎嗰兩包鱈魚絲出嚟）專登買俾你，知道你鐘意食。
：哦！太好喇！Ya！（好開心咁拎住兩包鱈魚絲揚嚟揚去）
：涼森小姐喺TRE好受歡迎呢。
：係吖，下年...應該都會再去。
：我一定都會去參加，只要有你喺度嘅地方，我都會好開心。
：咁就好喇。
：我今次喺TRE影咗好多你嘅相...（㩒緊手機相簿）
工作人員：唔好意思...夠時間喇...
：冇問題，等多一陣都得。

涼森玲夢你唔好咁啦，你再係咁我真係會轉會架



（雖然簽名淨係得一句多謝，但傾計嗰陣嘅內容已經抵返晒。）

涼森電成咁就梗係唔夠喉架啦，於是我就打算落去買碟再玩多一場，因為3隻碟嗰60個名額已經冇晒，所以只可以最多買2隻，就喺我埋去俾錢嘅時候：

店員：先生...請問你係咪買第二張飛？
：....係吖，請問有咩問題？
店員：Er...其實係因為而家已經好多人排隊，所以我哋要提早截龍，唔會再發新嘅參加劵了
：......

其實真係幾無奈，因為我諗呢間豆腐潤咁細嘅碟鋪都冇估到真係有咁多人嚟，就算我拎返活動內容寫明係1600先截龍呢一句出嚟同店員講都好，佢哋都淨係不停道歉道歉再道歉，唉我自己以前都做過服務業，都明白有時唔到佢哋決定，既然係咁就無謂為難人哋。

不過都係要送返超哥嗰句俾佢哋：

生意好吖！！！

還返我個良心俾我

既然冇得玩，咁繼續留喺度都冇意思於是又趕返去車站搭車返去秋葉原，見今日嘅第二位女優。

佢叫做新ありな（新有菜）。



好多人都覺得新ありな整咗個鼻之後冇咁好睇，在我自己嚟講又未去到咁難接受，睇下睇下就順眼咗至於睇幾耐先至順眼我就唔敢講喇

另外其實而家業界係想佢可以繼承到三上悠亞「業界一姐」嘅呢個頭銜，但自從佢改咗新名，同埋由FALENO轉會返嚟Moodyz大家庭之後，銷量一直都唔好，甚至有時比起喺FALENO嗰陣仲要差。


（上個月嘅月榜新ありな係啱啱好第100名，同佢同片商嘅石川澪排緊第三，而且石川澪長期都喺月榜嘅頭五名入面。）

所以我最近幫佢改咗個花名最近鐘意嗌佢做「新一姐」，既然你個新名用咗「新」呢個姓，又係片商嘅「一姐」，寸嗌你係新一姐都好合情合理啫大家覺得我講得有冇道理

我絕對唔係因為1月嗰次大阪event佢射波放飛機所以先咁做架


（去唔成第二次涼森，就去買兩轉有菜囉）

新ありな喺event影相同對應方面係出晒名係有一手，大家睇下啲相就明：









見你露埋條底褲出嚟又有絕對領域咁有誠意好啦上次大阪射波件事就原諒你啦

同埋一邊影相一邊傾計嗰陣有件咁嘅趣事：

：你好吖初次見面，我係香港嚟嘅。
：哦香港先生...唔係唔係，搞錯咗香港嚟架？你好吖
：是咁的，我自己係葵司嘅FANS嚟嘅，之前你同葵司拍嘅嗰套共演我一直都好鐘意。
：哦！係大潮吹嗰套！
：係吖就係嗰套。
：哦～變態❤️～
：（吖頂你個肺吖呢樣又好似駁佢唔到）





所以如果同佢傾到幾句嘅話，so far新ありな啲event係幾好玩嘅，佢係可以對應得好快同好好，至於沉唔沉船就見人見智啦對唔住我嗰日個腦淨係得涼森喺度嘅啫

第一場足足排咗兩個幾鐘，之後就開始排第二場。今次新ありな喺同排我前一個人影合照嘅時候褪低咗對襪，於是我就諗到：

：等一陣等一陣！
：做咩？（想戚返起對襪）
：可唔可以請你keep住呢個狀態嚟影
：吓！？都得嘅

於是就出現咗以下呢一堆我幫一眾腳膠巴打謀返嚟嘅單腳絲襪特別造型：










：
：你鐘意邊樣多啲？
：嗯...兩樣都得，ありな嘅話兩樣都好好
：（影完嗰陣）咁我而家著得返對襪未天氣有啲涷
：可以喇可以喇唔該晒你嘅配合

以上就係我對新ありな嘅報復活動report，大家有機會嘅，都去搵佢玩下啦，包保啲福利係多到滿瀉

完晒成個活動等埋新ありな落嚟上車走人，又搞到11點幾，王桑話啱啱工作人員推介咗一間喺秋葉原開到零晨4點嘅拉麵鋪，問我一唔一齊去試，我梗係話冇問題：


（ごっつ 秋葉原店 東京都千代田区神田松永町18-1 ビオレ秋葉原 1F）





呢間拉麵位於秋葉原JR站另一邊出口嘅大街上面，因為過咗10點之後秋葉原基本上已經搵唔到餐廳，所以呢度係除咗居酒屋以外嘅選擇，食緊嘅時候一直都keep住有客人入嚟排隊等位，喺夜晚嘅人氣似乎都唔差。




我淨係識食嘅啫王桑話如果好肚餓嘅話可以試下二郎拉麵，而且落埋「背脂」嘅話會更加有飽肚同暖腹嘅感覺：





港女睇見就擰晒頭嘅油膩拉麵，偏偏就係日本妹嘅至愛，王桑解釋俾我聽係因為普遍日本妹覺得食得多呢啲油膩感重嘅嘢，會令到皮膚更加光滑，所以普遍都唔抗拒，我哋食緊嘅呢個係普通嘅背脂份量，而同場有另一個啱啱坐低嘅日本妹，就order要碗拉麵要有超多嘅背脂睇嚟真係冇講錯。

食完嘢我同王桑就分道揚鑣，佢話11月頭會再嚟，撞啱我到時都仲未走，我哋仲會一齊去跑event，到時我又有食神了

搭車返民宿嘅時候我諗起喺會場樓下，送新ありな上車嗰陣同佢傾計嘅內容：

：（指住佢手上隻Kuromi）同我相機上面嗰隻一樣。
：係吖，啱啱其他FANS送嘅，你好鐘意Kuromi?
：係吖，Sanrio入面覺得佢最得意。
：吖～不過我鐘意布甸狗多啲。
：哦～我都記得係。
：真係嘅！？你記得？

當時我冇同佢講我記得嘅原因，都係將個原因擺返喺心入面好啲因為當年有另一個女優同佢同年出道，而且都好鐘意布甸狗，

佢引退咗，叫做飛鳥りん（飛鳥鈴）。




打完遊記又夠鐘出去食晏各位聽日再見


（題外話嗰日我食嗰碗拉麵之前，全日淨係食咗兩個飯團同飲咗半支綠茶...）

live

女神

有菜都幾放得開，去佢event係冇乜拘束

好正
係佢本身少活動定係撞唔啱時間

一嚟少，二嚟通常啲飛好快賣晒